HOME » VIDEOS » Sports

Srilanka Blasts Live Updates : శ్రీలంక పేలుళ్లలో ఇద్దరు జేడీఎస్ కార్యకర్తల మృతి

అంతర్జాతీయం10:53 AM April 22, 2019

క్రైస్తవుల పవిత్ర పండుగ ఈస్టర్ రోజున శ్రీలంకలో ఉగ్రవాదులు పేట్రేగిపోయారు. రాజధాని కొలంబో సహా... 8 చోట్ల (మూడు చర్చిలు, మూడు హోటళ్లు) వరుస బాంబు పేలుళ్లు జరిపారు. ముఖ్యంగా కొలంబోలోని రెండు ప్రధాన చర్చిలలో జరిగిన శక్తిమంతమైన పేలుళ్లు జరిగాయి. ఆ పేలుళ్లలో 290 మంది చనిపోగా... 500 మందికి పైగా గాయాలపాలైనట్లు తెలుస్తోంది. మృతుల్లో 35 మంది విదేశీయులు ఉండగా.. ఇందులో ముగ్గురు భారతీయులు ఉన్నారు. పేలుళ్లలో కొచ్చికడ్ చర్చి, సెబాస్టియన్ చర్చి పూర్తిగా ధ్వంసమయ్యాయి. చర్చిలోని ఫర్నిచర్ ధ్వంసమై చాలా మంది గాయాలపాలయ్యారు. చర్చిలో ప్రార్థనల కోసం వచ్చిన ప్రజలు... చెల్లా చెదురుగా పరుగులు తీశారు. ప్రస్తుతం అక్కడి పరిస్థితి గందరగోళంగా ఉంది. పేలుళ్ల ఎఫెక్ట్‌తో ప్రభుత్వం దేశవ్యాప్తంగా కర్ఫ్యూ విధించింది.

ప్రస్తుతం పేలుళ్లు జరిగిన ప్రాంతాల్లో సహాయ చర్యలు కొనసాగుతున్నాయి. పేలుళ్ల ప్రాంతాన్ని శ్రీలంక మాజీ అధ్యక్షుడు మహేంద రాజపక్షే పరిశీలించారు. అత్యవసరంగా సమావేశమైన శ్రీలంక ప్రభుత్వం పరిస్థితిని సమీక్షిస్తోంది.జహారానా, అబూ మహ్మద్ అనే ఇద్దరు ఈ పేలుళ్లకు పాల్పడినట్లు అనుమానిస్తున్నారు. మొత్తం 11 చర్చిలలో బాంబు పేలుళ్లు జరిగే ప్రమాదం ఉందని శ్రీలంక నిఘా వర్గాలు నాలుగు రోజుల ముందే హెచ్చరించినా, ప్రభుత్వం, పోలీసులు తేలిగ్గా తీసుకున్నాయన్న విమర్శలు వినిపిస్తున్నాయి.

webtech_news18

Top Stories