Indian Railways: మీరు ఎక్కిన రైలు చెత్తచెత్తగా ఉందా? ఒక్క ఎస్ఎంఎస్‌తో కంప్లైంట్ ఇవ్వొచ్చు

1. మీకు రైలులో ఏమాత్రం అపరిశుభ్రంగా, అసౌకర్యంగా అనిపించినా క్షణాల్లో కంప్లైంట్ చేయొచ్చు. రైల్వే సిబ్బంది ఎక్కడున్నారో వెతుక్కొని లేదా రైలు దిగాక స్టేషన్‌లో అధికారుల దగ్గరకు వెళ్లి మరీ కంప్లైంట్ చేయాల్సిన అవసరం లేదు. మీ దగ్గర ఫోన్ ఉంటే చాలు. క్షణాల్లో ఫిర్యాదు చేయొచ్చు. (ప్రతీకాత్మక చిత్రం)

2. భారతీయ రైల్వే 'Coach Mitra' సేవల్ని అందిస్తోంది. రైలులో ఫ్యాన్ ఆగిపోయినా, ఛార్జింగ్ పోర్ట్ సరిగ్గా పనిచేయకపోయినా, బోగీలు మురికిగా ఉన్నా, వాష్‌ రూమ్‌లు సరిగ్గా శుభ్రం చేయకపోయినా... ఇలా ఏ సమస్య ఉన్నా సరే కోచ్ మిత్రలో కంప్లైంట్ చేయొచ్చు. (ప్రతీకాత్మక చిత్రం)

3. మీ సమస్య రైలు బోగీకి సంబంధించినదై ఉంటేనే కోచ్ మిత్రలో ఫిర్యాదు చేయొచ్చు. ఎస్ఎంఎస్ ద్వారా లేదా ఆండ్రాయిడ్ యాప్ డౌన్‌లోడ్ చేసుకొని ఫిర్యాదు చేయొచ్చు. నేరుగా cleanmycoach.com వెబ్‌సైట్ ఓపెన్ చేసి కూడా మీ కంప్లైంట్ రిజిస్టర్ చేయొచ్చు. (ప్రతీకాత్మక చిత్రం)

4. మీ కంప్లైంట్ నేరుగా సంబంధిత అధికారులకు వెళ్తుంది. వాళ్లు వెంటనే చర్యలు ప్రారంభిస్తారు. వెబ్‌సైట్, మొబైల్ యాప్, ఎస్ఎంఎస్ ద్వారా ఎలా కంప్లైంట్ చేయొచ్చో తెలుసుకోండి. (ప్రతీకాత్మక చిత్రం)

5. మీరు వెబ్‌సైట్‌లో కంప్లైంట్ ఇవ్వాలనుకుంటే కోచ్ మిత్ర వెబ్‌సైట్ cleanmycoach.com ఓపెన్ చేయాలి. మీ పీఎన్ఆర్ నెంబర్, మీ రిజిస్టర్డ్ మొబైల్ నెంబర్ ఎంటర్ చేయండి. ఆ తర్వాత డ్రాప్‌డౌన్ లిస్ట్‌లో Toilet cleaning, train lighting... ఇలా వేర్వేరు కంప్లైంట్స్ ఉంటాయి. (ప్రతీకాత్మక చిత్రం)

6. మీ కంప్లైంట్ పైన క్లిక్ చేసి వివరాలు నమోదు చేయాలి. మీరు ఎంటర్ చేసే పీఎన్ఆర్ నెంబర్ ద్వారా మీ రైలును ట్రాక్ చేస్తారు. సంబంధిత అధికారులు వెంటనే సిబ్బందిని పంపి సమస్యను పరిష్కరించేలా చర్యలు తీసుకుంటారు. మీ పీఎన్ఆర్ నెంబర్ ఎంటర్ చేసి ఫీడ్‌బ్యాక్ కూడా ఇవ్వొచ్చు. (ప్రతీకాత్మక చిత్రం)

7. మీరు కోచ్ మిత్ర యాప్‌లో కూడా కంప్లైంట్ చేయొచ్చు. ఇందుకోసం మీరు గూగుల్ ప్లేస్టోర్‌లో CoachMitra యాప్ డౌన్‌లోడ్ చేసుకోవాలి. కోచ్ మిత్ర యాప్ డౌన్‌లోడ్ చేసుకోవడానికి ఇక్కడ క్లిక్ చేయండి. (ప్రతీకాత్మక చిత్రం)

8. యాప్‌లో మీ పీఎన్ఆర్ నెంబర్ ఎంటర్ చేసి, కంప్లైంట్ రిజిస్టర్ చేయాల్సి ఉంటుంది. మీ కంప్లైంట్ కంట్రోల్ ఆఫీసుకి వెళ్తుంది. వారి ద్వారా రైలులో ఉండే సిబ్బందికి ఫిర్యాదు అందుతుంది. (ప్రతీకాత్మక చిత్రం)

9. స్మార్ట్‌ఫోన్ లేకపోయినా మీరు రైలు కోచ్‌లో సమస్యలపై ఎస్ఎంఎస్ ద్వారా కంప్లైంట్ చేయొచ్చు. ఒక ఎస్ఎంఎస్ పంపిస్తే చాలు. ఈ కింది ఫార్మాట్‌లో 58888 లేదా 9200003232 నెంబర్‌కు ఎస్ఎంఎస్ పంపాలి. (ప్రతీకాత్మక చిత్రం)

10. CLEAN అని టైప్ చేసిన తర్వాత స్పేస్ ఇచ్చి పీఎన్ఆర్ నెంబర్ ఎంటర్ చేసి స్పేస్ ఇచ్చి టాయిలెట్ క్లీనింగ్ కోసం T, కోచ్ క్లీనింగ్ కోసం C, వాటరింగ్ కోసం W, పెస్ట్ కంట్రోల్ కోసం P, బెడ్‌షీట్ కోసం B, ట్రైన్ లైటింగ్ కోసం E, రిపేర్ కోసం R అని టైప్ చేయాల్సి ఉంటుంది. ఉదాహరణ: CLEAN< Space ><10-digit PNR number>< Space >SERVICE TYPE CODE (ప్రతీకాత్మక చిత్రం)