Fastag Cyber Crime: ఫాస్టాగ్ రీఛార్జ్ లో ఈ చిన్న మిస్టేక్ చేయకండి.. చేస్తే లక్షలు మాయం.. తెలుసుకోండి

స్మార్ట్ ఫోన్లు, ఇంటర్ నెట్ వాడకం పెరుగుతున్నా కొద్దీ అనేక సౌకర్యాలు అరచేతిలోకి వచ్చేశాయి. చాలా పనులు క్షణాల్లో పూర్తి అవుతున్నాయి. అయితే.. దీంతో పాటే సైబర్ నేరాలు సైతం పెరిగిపోతున్నాయి. ఏ మాత్రం అజాగ్రత్తగా ఉన్నా కేటుగాళ్లు సెకన్లలో ఖాతాలు ఖాళీ చేస్తున్నారు. (ప్రతీకాత్మక చిత్రం)

తాజాగా.. మరో సైబర్ నేరం వెలుగులోకి వచ్చింది. ఓ వ్యక్తి ఫాస్టాగ్ కు అనుకోకుండా ఎక్కువ మొత్తం రీఛార్జ్ చేసుకున్నాడు. అయితే.. ఆ డబ్బులను తన ఖాతాలోకి తిరిగి పొందేందుకు చేసే ప్రయత్నంలో సైబర్ నేరగాళ్లకు చిక్కి రూ.1.20 లక్షలు పోగొట్టుకున్నాడు. (ప్రతీకాత్మక చిత్రం)

ఇందుకు సంబంధించిన పూర్తి వివరాలు ఇలా ఉన్నాయి. దక్షిణ ముంబైకి చెందిన ఓ వ్యాపారి ఫాస్ట్‌ట్యాగ్ ఖాతాకు రూ.1500లకు బదులుగా రూ.15 వేలు పంపించాడు. ఇది గుర్తించి ఆ డబ్బు ను తిరిగి పొందాలనుకున్నాడు. (ప్రతీకాత్మక చిత్రం)

ఇందుకోసం ఇంటర్నెట్ లో ఫాస్టాగ్ కు సంబంధించిన టోల్ ఫ్రీ నంబర్ ను వెతికాడు. సెర్చ్ లో కనిపించిన కస్టమర్ కేర్ నంబర్‌ కు ఫోన్ చేశాడు. అయితే.. అక్కడే బాధితుడు కేటుగాళ్లకు చిక్కాడు. (ప్రతీకాత్మక చిత్రం)

అతనికి ఆన్లైన్లో కనిపించిన టోల్ ఫ్రీ నంబర్ కస్టమర్ కేర్ ది కాదు. అది సైబర్ నేరగాళ్లది. దీంతో ఫోన్ లిఫ్ట్ చేసిన నేరగాడు.. తాను ఫాస్ట్ ట్యాగ్ కు సంబంధించిన ఉద్యోగిగా పరిచయం చేసుకున్నాడు. (ప్రతీకాత్మక చిత్రం)

డబ్బును తిరిగి పొందేందుకు ఓ యాప్ వేసుకోవాలని సూచించాడు. ఈ క్రమంలో బాధితుడి ఫోన్ ను హ్యాక్ చేసి డబ్బులు కొట్టేశాడు. ఖాతాలో ఉన్న రూ.1.20 లక్షలను కొట్టేశాడు. (ప్రతీకాత్మక చిత్రం)

ఇది గుర్తించిన బాధితుడు ముంబైలోని MRA మార్గ్ పోలీస్ స్టేషన్లో ఫిర్యాదు చేశాడు. ఎవరికైనా కస్టమర్ కేర్ నంబర్ కావాలంటే అధికారిక వెబ్ సైట్లో మాత్రమే చూడాలని పోలీసులు చెబుతున్నారు. గూగుల్ లో కస్టమర్ కేర్ నంబర్ ను వెతికితే ఇలానే మోసపోతారని హెచ్చరిస్తున్నారు. (ప్రతీకాత్మక చిత్రం)

గూగుల్ లో కస్టమర్ కేర్ నంబర్ ను వెతికితే ఇలానే మోసపోతారని  పోలీసులతో పాటు సైబర్ నిపుణులు సైతం హెచ్చరిస్తున్నారు. (ప్రతీకాత్మక చిత్రం)