Mobile Recharge: ఈ యాప్ ద్వారా రీచార్జ్ చేసుకుంటే ఉచితంగా 5 జీబీ డేటా.. ఆఫర్ కొన్ని రోజులే!

Vodafone Idea | మీరు మీ ఫోన్ నెంబర్ రీచార్జ్ చేసుకోవాలని భావిస్తున్నారా? అయితే గుడ్ న్యూస్. ఎందుకంటే ఉచితంగానే 5 జీబీ డేటా పొందే వెసులుబాటు అందుబాటులో ఉంది. ఎలా అని అనుకుంటున్నారా. అయితే ఈ ఆఫర్ గురించి తెలుసుకోవాల్సిందే.

టెలికం కంపెనీల్లో ఒకటిగా కొనసాగుతూ వస్తున్న వొడాఫోన్ ఐడియా తాజాగా ఇలాంటి ఆఫర్ ఒకటి అందుబాటులోకి తెచ్చింది. వొడాఫోన్ ఐడియా కస్టమర్లు మొబైల్ నెంబర్ రీచార్జ్ చేసుకుంటే ఉచితంగా 5 జీబీ డేటా లభిస్తోంది. ఈ ఆఫర్ ఫిబ్రవరి 7 వరకు ఉంటుంది.

అయితే ఈ బెనిఫిట్ అందరికీ అందుబాటులో ఉండదు. కేవలం వొడాఫోన్ ఐడియా మొబైల్ యాప్ ద్వారా రీచార్జ్ చేసుకునే వారికి మాత్రమే ఉచిత డేటా లభిస్తుంది. అందువల్ల మీరు మీ నెంబర్‌ను రీచార్జ్ చేసుకునేటప్పుడు వీఐ యాప్ ద్వారానే రీచార్జ్ చేసుకోండి. అదనపు తగ్గింపు ప్రయోజనాలు పొందండి.

అంతేకాకుండా అన్ని ప్లాన్స్‌కు ఈ ఆఫర్ అందుబాటులో ఉండకపోవచ్చు. ఎంపిక చేసిన రీచార్జ్ ప్లాన్లకే ఉచిత అదనపు డేటా ప్రయోజనాలు లభిస్తున్నాయి. ఇప్పుడు మనం ఏ ఏ ప్లాన్లపై ఈ ఆఫర్ ఉందో ఒకసారి తెలుసుకుందాం.

రూ. 399 ప్లాన్ ద్వారా రీచార్జ్ చేసుకుంటే ఈ ప్రయోజనం పొందొచ్చు. ఉచితంగా 5 జీబీ డేటా వస్తుంది. ఇక ఈ ప్లాన్ వాలిడిటీ 28 రోజులు. ఈ ప్లాన్ కింద రోజుకు 2.5 జీబీ డేటా వస్తుంది. మూడు నెలల హాట్‌స్టార్ డిస్నీ ఫ్రీగా చూడొచ్చు. అపరిమిత కాల్స్ చేసుకోవచ్చు.

ఇంకా రూ. 499 ప్లాన్‌పై కూడా అదనపు 5జీ డేటా ఆఫర్ ఉంది. ఈ ప్లాన్ వాలిడిటీ 28 రోజులు. రోజుకు 3 జీబీ డేటా వస్తుంది. అపరిమిత కాల్స్ చేసుకోవచ్చు. మూడు నెలల హాట్‌స్టార్ డిస్నీ ఫ్రీగా చూడొచ్చు.

అలాగే రూ. 299 ప్లాన్‌పై కూడా ఉచిత డేటా లభిస్తోంది. ఈ ప్లాన్‌పై కూడా అదనంగా 5 జీబీ డేటా వస్తుంది. ఈ ప్లాన్ వాలిడిటీ 28 రోజులు. రోజుకు 1.5 జీబీ డేటా వస్తుంది. అపరిమిత కాల్స్ చేసుకోవచ్చు.

ఇంకా రూ. 359 ప్లాన్‌పై కూడా ఈ ఆఫర్ ఉంది. 5 జీబీ డేటా అదనంగా పొందొచ్చు. ఈ ప్లాన్ వాలిడిటీ 28 రోజులు. రోజుకు 3 జీబీ డేటా వస్తుంది. అపరిమిత కాల్స్ చేసుకోవచ్చు.

రూ. 479 ప్లాన్‌పై కూడా ఈ ఆఫర్ ఉంది. ఈ ప్లాన్ వాలిడిటీ 56 రోజులు. రోజుకు 1.5 జీబీ డేటా వస్తుంది. అపరిమిత కాల్స్ చేసుకోవచ్చు. అదనంగా 5జీబీ డేటా వస్తుంది.

రూ. 719 ప్లాన్‌పై కూడా ఈ ఆఫర్ ఉంది. అదనంగా 5జీబీ డేటా పొందొచ్చు. ఈ ప్లాన్ వాలిడిటీ 84 రోజులు. రోజుకు 1.5 జీబీ డేటా వస్తుంది. అపరమిత కాల్స్ చేసుకోవచ్చు. అలాగే రూ. 459, రూ. 475 రూ. 319, రూ. 666, రూ. 699, రూ. 539, రూ. 839, రూ. 409 వంటి పలు రీచార్జ్ ప్లాన్లపై కూడా ఈ అదనపు డేటా ఆఫర్ ఉంది.