Android Feature: స్మార్ట్‌ఫోన్ యూజర్ల కోసం కొత్త ఫీచర్... ఇక స్క్రీన్‌షాట్ తీయండి ఇలా

1. స్మార్ట్‌ఫోన్‌లలో స్క్రీన్‌షాట్‌ ఆప్షన్ ఉంటుందనే విషయం అందరికీ తెలిసిందే. అయితే స్క్రోలింగ్ స్క్రీన్‌షాట్‌ ఆప్షన్ గురించి చాలా తక్కువ మందికే తెలిసి ఉంటుంది. సాధారణంగా సింగిల్ స్క్రీన్‌ను ఒకేసారి క్యాప్చర్ చేసుకోవచ్చు. అయితే వెబ్‌పేజీలు వంటి వాటిని కిందకు స్క్రోల్ చేస్తూ.. నిర్ణీత స్క్రీన్ మొత్తాన్ని ఒకేసారి క్యాప్చర్ చేయడాన్ని స్క్రోలింగ్ స్క్రీన్‌షాట్ అంటారు. (ప్రతీకాత్మక చిత్రం)

2. ఇప్పటికే షావోమీ, శామ్‌సంగ్ ఆండ్రాయిడ్ బేస్డ్ ఫోన్‌లలో ఈ ఫీచర్ అందుబాటులో ఉన్నప్పటికీ, గూగుల్ పిక్సెల్, ఇతర డివైజ్‌లలో ఈ ఫీచర్ అందుబాటులో లేదు. అయితే గూగుల్ మాతృసంస్థ ఆల్ఫాబెట్ అభివృద్ధి చేస్తోన్న ఆండ్రాయిడ్ 12 ఆపరేటింగ్ సిస్టంలో స్క్రోలింగ్ స్క్రీన్‌షాట్‌ ఫీచర్‌ను ప్రవేశపెట్టనున్నట్లు తెలుస్తోంది. (ప్రతీకాత్మక చిత్రం)

3. ఇప్పుడు ఆండ్రాయిడ్ 12 ఓఎస్‌తో పనిచేసే అన్ని కంపెనీల స్మార్ట్‌ఫోన్లలో ఈ ఫీచర్‌ను ఉపయోగించుకోవచ్చు. ఈ ఫీచర్ ద్వారా ఒకేసారి లాంగ్ స్క్రీన్‌షాట్ తీయడానికి వీలుంటుంది. వెబ్‌పేజీ వంటి వాటిని అనేక సార్లు స్క్రీన్‌షాట్ తీయడానికి బదులుగా, ఒకేసారి మొత్తం వివరాలను దీని ద్వారా క్యాప్చర్ చేయవచ్చు. ప్రస్తుతానికి ఆండ్రాయిడ్ 12 బీటా దశలో ఉంది. (ప్రతీకాత్మక చిత్రం)

4. మరికొన్ని నెలల తరువాతే ఇది యూజర్లకు అందుబాటులోకి వచ్చే అవకాశం ఉంది. దీన్ని రోలవుట్ చేసిన తరువాత, స్క్రోలింగ్ స్క్రీన్‌షాట్ ఫీచర్ యూజర్లందరికీ అందుబాటులోకి రానుంది. సాధారణ స్క్రీన్‌షాట్ మాదిరిగానే యూజర్లు స్క్రోలింగ్ స్క్రీన్‌షాట్‌ను క్యాప్చర్ చేయవచ్చు. (ప్రతీకాత్మక చిత్రం)

5. స్మార్ట్‌ఫోన్ కంపెనీలు స్క్రీన్‌షాట్ తీసుకోవడానికి ఆపరేటింగ్ సిస్టమ్‌లో ఒక ఆప్షన్‌ను అందిస్తాయి. డివైజ్‌ వాల్యూమ్ డౌన్ బటన్, పవర్ బటన్‌ను ఒకేసారి నొక్కి.. లేదంటే స్క్రీన్‌పై మూడు వేళ్లతో కిందకు డ్రాగ్ చేసి స్క్రీన్‌షాట్ తీసుకోవచ్చు. గూగుల్ పిక్సెల్ 4a 5G వంటి డివైజ్‌లలో రీసెంట్ యాప్స్ స్క్రీన్‌కు వెళ్లి 'స్క్రీన్‌షాట్' ఆప్షన్‌పై క్లిక్ చేయవచ్చు. (ప్రతీకాత్మక చిత్రం)

6. స్క్రీన్ షాట్ తీసుకున్న తర్వాత దాని కింద ఉండే ప్రివ్యూలో ‘క్యాప్చర్ మోర్’ అనే ఆప్షన్‌కు వెళ్లాలి. ఇప్పుడు డిస్‌ప్లేపై మీరు స్క్రీన్‌షాట్‌ తీసుకోవాలనుకుంటున్న మొత్తం పేజీ కనిపిస్తుంది. స్క్రోలింగ్ స్క్రీన్ షాట్ తీయడానికి.. మీరు క్యాప్చర్ చేయాలనుకుంటున్నంత వరకు స్క్రీన్‌పై స్లైడర్‌ని కిందకు డ్రాగ్ చేయండి. (ప్రతీకాత్మక చిత్రం)

7. ఇప్పుడు ఒక లూప్ కనిపిస్తుంది. దీని ద్వారా ఎక్కడి నుంచి ఎక్కడి వరకు స్క్రీన్‌షాట్ తీసుకోవాలో గుర్తించవచ్చు. వినియోగదారులు స్క్రీన్ షాట్ తీసుకోవాలనుకునే కచ్చితమైన పోర్షన్‌ను ఎంచుకున్న తర్వాత, డిస్‌ప్లే పై భాగంలో ఎడమ వైపు ‘సేవ్’ బటన్‌పై ప్రెస్ చేయాలి. (ప్రతీకాత్మక చిత్రం)

8. యూజర్లు సంబంధిత ఫోల్డర్‌లో ఈ సేవ్ చేసిన స్క్రీన్ షాట్ ఫైల్‌ని చూడవచ్చు. స్క్రీన్ కింది భాగంలో కుడివైపు కనిపించే పెన్సిల్ టూల్ సాయంతో స్క్రీన్ షాట్‌ను ఎడిట్ చేసుకోవచ్చు. ఈ స్క్రీన్‌షాట్‌ను ఇతరులతో షేర్ చేసుకునే అవకాశం కూడా ఉంది. అయితే దీన్ని సపోర్ట్ చేసే యాప్స్‌లో మాత్రమే ఇందుకు అవకాశం ఉంటుంది. (ప్రతీకాత్మక చిత్రం)