Smart Phones Under 30K: రూ. 30 వేలలోపు బెస్ట్ మిడ్​రేంజ్ స్మార్ట్‌ఫోన్‌ కోసం చూస్తున్నారా..? అయితే వీటిపై ఓ లుక్కేయండి

భారత మార్కెట్​లో బడ్జెట్, మిడ్​ రేంజ్​ స్మార్ట్​ఫోన్లకు విపరీతమైన డిమాండ్​ ఉంటుంది. ఈ మార్కెట్​ను క్యాష్ చేసుకునేందుకు మొబైల్​ తయారీ సంస్థలు పోటాపోటీగా స్మార్ట్​ఫోన్లను లాంచ్​ చేస్తున్నాయి.  (ప్రతీకాత్మక చిత్రం)

గత నెలలో వివిధ బ్రాండ్లు రూ. 20 వేల నుంచి రూ. 30 వేల మధ్య గల ఫోన్లను రిలీజ్​ చేశాయి. వీటికి మంచి ఆదరణ లభిస్తోంది. మీరు కూడా కొత్త మిడ్​రేంజ్​ ఫోన్​ కొనాలనుకుంటే.. ప్రస్తుతం రూ. 30 వేలలోపు లభిస్తున్న ఉత్తమ స్మార్ట్​ఫోన్లను పరిశీలించండి. (ప్రతీకాత్మక చిత్రం)

వన్​ప్లస్​ నార్డ్​ సీఈ 2 5జీ
రూ. 30 వేలలోపు ప్రీమియం ఫీచర్లతో కూడిన స్మార్ట్​ఫోన్ కొనాలనుకుంటే.. వన్​ప్లస్​ నార్డ్​ సీఈ2 5జీ బెస్ట్ ఆప్షన్​. వన్​ప్లస్​ సాధారణంగా ప్రీమియం ఫోన్లను మాత్రమే రిలీజ్​ చేస్తుంటుంది. కానీ, ఇటీవలి కాలంలో మిడ్​రేంజ్​ స్మార్ట్​ఫోన్ల​ మార్కెట్ పెరుగుతున్న​ దృష్ట్యా కేవలం రూ. 23,999 ధరకే దీన్ని విడుదల చేసింది. వన్​ప్లస్​ నార్డ్​ CE 2 5G 6.43- అంగుళాల ఫుల్- హెచ్​డీ ప్లస్​ AMOLED డిస్‌ప్లేతో వస్తుంది. (ప్రతీకాత్మక చిత్రం)

ఈ డిస్​ప్లే కార్నింగ్ గొరిల్లా గ్లాస్ 5 ప్రొటెక్షన్‌ను కలిగి ఉంటుంది. ఇది మీడియాటెక్​ డైమెన్సిటీ 900 ప్రాసెసర్‌తో పనిచేస్తుంది. మల్టీ టాస్కింగ్, గేమింగ్​కు బాగా ఉపయోగపడుతుంది. ఈ ఫోన్​లో 64- మెగాపిక్సెల్ కెమెరాలను అమర్చింది. దీనిలోని 4500mAh బ్యాటరీ 65W ఫాస్ట్ ఛార్జింగ్‌కు మద్దతిస్తుంది. (ప్ర‌తీకాత్మ‌క చిత్రం) 

రియల్​మీ 9 ప్రో ప్లస్​
రూ. 30 వేలలోపు ఆప్టికల్ ఇమేజ్ స్టెబిలైజేషన్‌తో వచ్చిన ఏకైక ఫోన్ రియల్​మీ 9 ప్రో ప్లస్​. ఈ స్మార్ట్​ఫోన్​ రూ. 24,999 ధర వద్ద లభిస్తుంది. దీనిలోని 50 -మెగాపిక్సెల్ సోనీ కెమెరాలు అద్భుతమైన ఫోటోలు, వీడియోలు తీయగలవు. (ప్రతీకాత్మక చిత్రం)

దీనిలో 6.4 -అంగుళాల AMOLED కలర్‌ఫుల్‌ డిస్‌ప్లేను అందించింది. ఇది 120Hz రిఫ్రెష్ రేట్‌కు మద్దతు ఇస్తుంది. మీడియాటెక్​ డైమెన్సిటీ 920 ప్రాసెసర్​తో పనిచేస్తుంది. దీనిలోని 4500mAh బ్యాటరీ 60 W ఫాస్ట్ ఛార్జింగ్‌కు మద్దతు ఇస్తుంది.(ప్రతీకాత్మక చిత్రం)

షియోమి ఎంఐ 11i హైపర్‌ఛార్జ్
రూ. 30 వేలలోపు అత్యంత వేగవంతమైన ఛార్జింగ్ ఫోన్ కావాలంటే.. షిమోమి ఎంఐ 11ఐ బెస్ట్ ఆప్షన్​. ఈ స్మార్ట్​ఫోన్​ రూ. 26,999 ధర వద్ద లభిస్తుంది. ఇది 120W ఛార్జింగ్ సపోర్ట్‌తో వస్తుంది. దీనిలోని 4500mAh బ్యాటరీని కేవలం 15 నిమిషాల్లో ఫుల్​ ఛార్జ్​ చేయవచ్చు.(ప్రతీకాత్మక చిత్రం)

షియోమి 11i హైపర్‌ఛార్జ్ 6.67- అంగుళాల AMOLED డిస్‌ప్లేతో వస్తుంది. దీని డిస్​ప్లేకు గొరిల్లా గ్లాస్ 5 ప్రొటెక్షన్ కలిగి ఉంటుంది. ఈ ఫోన్​ మీడియాటెక్​ డైమెన్సిటీ 920 ప్రాసెసర్​తో పనిచేస్తుంది. (ప్రతీకాత్మక చిత్రం)

ఒప్పో రెనో 7
రూ. 30 వేలలోపు ఆకట్టుకునే డిజైన్​, గేమింగ్ పర్ఫార్మెన్స్​ గల ఫోన్​ కోసం చూస్తున్నట్లైతే.. ఒప్పో రెనో 7 బెస్ట్ ఆప్షన్​. ఒప్పో రెనో 7 స్మార్ట్​ఫోన్​ 6.43-అంగుళాల AMOLED డిస్‌ప్లేతో వస్తుంది. దీనిలోని 64 -మెగాపిక్సెల్ కెమెరా క్వాలిటీ ఫోటోలు, వీడియోలను తీయగలవు. (ప్రతీకాత్మక చిత్రం)

ఇక, సెల్ఫీలు, వీడియో కాలింగ్​ కోసం ప్రత్యేకంగా 32 మెగాపిక్సెల్ సెల్ఫీ కెమెరాను అందించింది. దీనిలోని 4500mAh బ్యాటరీ 65W ఫాస్ట్ ఛార్జింగ్​కు మద్దతు ఇస్తుంది. (ప్రతీకాత్మక చిత్రం)