No Cost EMI: నో కాస్ట్ ఈఎంఐతో స్మార్ట్‌ఫోన్ కొంటున్నారా? అసలు సీక్రెట్ ఏంటో తెలిస్తే షాకే

1. దసరా, దీపావళి సీజన్ వచ్చేసింది. అమెజాన్‌లో గ్రేట్ ఇండియన్ ఫెస్టివల్ సేల్ (Great Indian Festival), ఫ్లిప్‌కార్ట్‌లో బిగ్ బిలియన్ డేస్ సేల్ (Big Billion Days) ప్రారంభమైంది. మరి మీరు కూడా ఈ సేల్‌లో ఏమైనా కొనాలని అనుకుంటున్నారా? స్మార్ట్ టీవీ, స్మార్ట్‌ఫోన్, రిఫ్రిజిరేటర్, వాషింగ్ మెషీన్ లాంటి ప్రొడక్ట్స్ కొంటున్నారా? డబ్బులు లేకపోయినా ఇవన్నీ కొనొచ్చు. (ప్రతీకాత్మక చిత్రం)

2. డబ్బులు చెల్లించకుండానే ప్రొడక్ట్స్ కొనే అవకాశం కల్పిస్తున్నాయి ఇ-కామర్స్ సంస్థలు. నో-కాస్ట్ ఈఎంఐ పేరుతో కస్టమర్లను ఆకట్టుకుంటున్నాయి. దాదాపు అన్ని ప్రొడక్ట్స్‌ని నో-కాస్ట్ ఈఎంఐ ద్వారా కొనే వెసులుబాటు కల్పిస్తున్నాయి. డబ్బులు లేకపోయినా ఏం కావాలన్నా కొనే ఛాన్స్ రావడంతో కస్టమర్లు ఎగిరిగంతేస్తున్నారు. (ప్రతీకాత్మక చిత్రం)

3. వడ్డీ లేకుండా నో-కాస్ట్ ఈఎంఐ ద్వారా వస్తువులు లభిస్తుండటంతో షాపింగ్ చేసేందుకు ఆసక్తి చూపిస్తున్నారు. అసలు నో కాస్ట్ ఈఎంఐ అంటే ఏంటీ? రెగ్యులర్ ఈఎంఐతో పోలిస్తే నో కాస్ట్ ఈఎంఐలో ఉన్న తేడాలేంటీ? అన్న అనుమానాలు కస్టమర్లకు ఉండటం మామూలే. (ప్రతీకాత్మక చిత్రం)

4. రెగ్యులర్ ఈఎంఐలో వస్తువు ధరతో పాటు వడ్డీ కూడా ఉంటుంది. ఉదాహరణకు మీరు రూ.11,000 విలువైన వస్తువు కొంటే రూ.1,000 వడ్డీ అవుతుందనుకుందాం. మొత్తం రూ.12,000 చెల్లించాలి. 6 నెలలకు ఈఎంఐ ఆప్షన్ ఎంచుకుంటే నెలకు రూ.2,000 చొప్పున చెల్లిస్తే సరిపోతుంది. (ప్రతీకాత్మక చిత్రం)

5. అదే నోకాస్ట్ ఈఎంఐ ఆప్షన్ ద్వారా ఏదైనా వస్తువు కొంటే ఆ వస్తువు ధర ఎంతో అంతే మొత్తాన్ని వాయిదాల పద్ధతిలో చెల్లిస్తే చాలు. అంటే మీరు రూ.20,000 స్మార్ట్‌ఫోన్‌ను నో కాస్ట్ ఈఎంఐ ద్వారా కొంటే అంతే మొత్తాన్ని ఈఎంఐ ద్వారా చెల్లిస్తే చాలు. అయితే ఇక్కడే ఓ మతలబు ఉంది. (ప్రతీకాత్మక చిత్రం)

6. తాము వడ్డీ చెల్లించట్లేదు అసలు మాత్రమే చెల్లిస్తున్నానని కస్టమర్లు అనుకుంటారు కానీ, వడ్డీతో పాటు ఇతర ఛార్జీలను కూడా చెల్లిస్తుంటారు. కొన్ని ప్రొడక్ట్స్‌కి కస్టమర్లు అప్పుడే పేమెంట్ చేస్తే భారీగా డిస్కౌంట్ లభిస్తుంది. ఆన్‌లైన్ షాపింగ్ చేసేప్పుడు బ్యాంకు కార్డులతో 10 శాతం వరకు ఇన్‌స్టంట్ డిస్కౌంట్ లభిస్తుంది. (ప్రతీకాత్మక చిత్రం)

7. ఒకవేళ ఈఎంఐ ద్వారా కొంటే ఈ డిస్కౌంట్ ఆఫర్స్ వర్తించవు. కాబట్టి ఆమేరకు డిస్కౌంట్ కోల్పోయినట్టే. అంటే మీరు పేమెంట్ చేస్తే వచ్చే డిస్కౌంట్‌ను మీరు ముందే చెల్లిస్తారు కాబట్టి వస్తువు అమ్మినవారితో పాటు బ్యాంకుకు కూడా లాభమే. (ప్రతీకాత్మక చిత్రం)

8. నో-కాస్ట్ ఈఎంఐ ద్వారా వస్తువులు కొంటారు కాబట్టి ముందుగా ఎలాంటి డబ్బులు చెల్లించాల్సిన అవసరం ఉండదు. కాబట్టి కస్టమర్ కూడా లాభపడతారు. చేతిలో డబ్బులు లేకపోయినా, అవసరమైన వస్తువులు కొనేందుకు నో కాస్ట్ ఈఎంఐ కస్టమర్లకు ఓ మంచి ఆప్షన్ అవుతుంది. అందుకే నో కాస్ట్ ఈఎంఐలకు డిమాండ్ పెరుగుతోంది. (ప్రతీకాత్మక చిత్రం)