SRH : వీరిని వదిలించుకునేందుకు సిద్ధమైన సన్ రైజర్స్.. అందులో కేన్ మామ కూడా ఉన్నాడా?

2022 సీజన్ కోసం సన్ రైజర్స్ హైదరాబాద్ భారీ మార్పలనే చేసింది. గత కొన్నేళ్లుగా బలహీనంగా ఉన్న మిడిలార్డర్ ను ఈ సీజన్ కోసం బలంగా మార్చింది. అందుకోసం నికోలస్ పూరన్, మార్కరమ్, రాహుల్ త్రిపాఠి లాంటి స్టార్ ప్లేయర్స్ ను వేలంలో దక్కించుకుంది.

ఆరంభంలో రెండు మ్యాచ్ ల్లో తడబడిన హైదరాబాద్ అనంతరం వరుసగా ఐదు మ్యాచ్ ల్లో విజయం సాధించి గ్రూప్ లో టాపర్ గా కూడా నిలిచింది. ఇక హైదరాబాద్ రైజింగ్ ను ఎవరూ ఆపలేరు అనుకునేలోపే ఆట మరోసారి గాడి తప్పింది.

ఐదు వరుస విజయాల తర్వాత వరుసగా ఐదు మ్యాచ్ ల్లో ఓడటం సన్ రైజర్స్ కే చెల్లింది. సన్ రైజర్స్ గతంలో నిలకడగా ఆడిందంటే అందుకు కారణం జట్టు ఓపెనర్లు. బెయిర్ స్టో, డేవిడ వార్నర్ లు సన్ రైజర్స్ బ్యాటింగ్ భారాన్ని కొన్నేళ్ల పాటు మోశారు. అయితే ఈ సీజన్ లో కొత్త ఓపెనింగ్ జోడీ అభిషేక్ శర్మ, కేన్ విలియమ్సన్ సక్సెస్ కాలేదు.

అభిషేక్ శర్మ ఫర్వాలేదనిపించినా.. కేన్ మామ మాత్రం దారుణంగా ఆడాడు. ఛేజింగ్ లో సన్ రైజర్స్ తడబడింది అంటే అందుకు కారణం కేన్ విలియమ్సనే. టెస్టు తరహా బ్యాటింగ్ తో జట్టును అనేక సార్లు ఓడించాడు.

ఇక వచ్చే సీజన్ కోసం సన్ రైజర్స్ హైదరాబాద్ జట్టు కఠిన నిర్ణయాలు తీసుకోక తప్పదు. గత కొన్నేళ్లుగా జట్టుతో ఉంటున్నా.. అవసరం అయినప్పుడు ఆడని అబ్దుల్ సమద్ తో పాటు సీన్ అబాట్, ఫరూఖీ, శ్రేయస్ గోపాల్ లాంటి ప్లేయర్స్ ను వదులుకునేందుకు సిద్ధమైంది.

ఇక కేన్ విలియమ్సన్ ఫామ్ పై కూడా ఫ్రాంచైజీ ఒక కన్నేసి ఉంచింది. విలియమ్సన్ పేలవ ఫామ్ కొనసాగితే అతడిని వదిలించుకొని.. కెప్టెన్సీ బాధ్యతలు పూరన్ కు అప్పగించే అవకాశం ఉంది.