RCB : ఆర్సీబీ ట్విట్టర్ ఖాతాలో అర్థం పర్థం లేని ఫోటోస్.. ట్వీట్స్.. అసలేం జరిగింది?

ఇండియన్ ప్రీమియర్ లీగ్ (IPL)లో విపరీతమైన ఫాలోయింగ్ ఉన్న జట్లలో ఒకటి రాయల్ చాలెంజర్స్ బెంగళూరు (Royal Challengers Bangaluru). సోషల్ మీడియాలో ఈ జట్టుకు పెద్ద ఎత్తున అభిమానులు ఉన్నారు. ఇక సోషల్ మీడియాలో కూడా ఈ జట్టు ఎప్పుడూ యాక్టివ్ గా ఉంటుంది. (PC : TWITTER)

ఎప్పటికప్పుడు తమ ఆటగాళ్లకు సంబంధించిన విషయాలు పంచుకుంటూ అభిమానులతో ఎంగేజ్ అవుతూ ఉంటుంది. అందుకే ఈ జట్టుకు సంబంధించిన ట్విట్టర్ ఖాతాను 64 లక్షల మందికిపైగా ఫాలో అవుతున్నారు. (PC : TWITTER)

అయితే గత 24 గంటల నుంచి ఆర్సీబీ ట్విట్టర్ ఖాతా నుంచి అర్థం పర్థం లేని ట్వీట్స్ వస్తున్నాయి. అకౌంట్ పేరును 'బోర్‌డ్ ఏప్ యాచ్ క్లబ్' అని మార్చేశారు. అక్కడితో ఆగకుండా తమలో సభ్యులు కావాలని అనుకుంటే.. ఓపెన్‌సీలో తమ కంపెనీకి చెందిన 'బోర్‌డ్ ఏప్' లేదా 'మ్యూటెంట్ ఏప్'ను కొనుగోలు చేయాలని సూచించారు. (PC : TWITTER)

దాంతో కాసేపు అభిమానులకు ఏం జరిగిందో అర్థం కాలేదు. అయితే ఆర్సీబీ ఖాతాను స్కామర్లు హ్యాక్ చేసినట్లు తెలుస్తుంది. ట్విట్టర్ బయో నిండా తమ కంపెనీకి చెందిన లింకులు పోస్టు చేశారు. అలాగే కొన్ని ట్వీట్లు కూడా చేశారు. (PC : TWITTER)

ఇలా ఆర్సీబీ ట్విట్టర్ ఖాతా హ్యాక్ అవడం ఇదే తొలిసారి కాదు. 2021లో కూడా ఒకసారి ఈ ట్విట్టర ఖాతాను కొందరు హ్యాక్ చేశారు. తాజాగా జరిగిన ఈ హ్యాక్ ఎటాక్ నుంచి మళ్లీ ఆర్సీబీ తమ ఖాతాను సెక్యూర్ చేసుకుందా? లేదా? ఇంకా తెలియరాలేదు. (PC : TWITTER)

తమ అభిమాన క్రికెట్ జట్టు అకౌంట్ హ్యాక్ అవడమే కాకుండా.. హ్యాకర్లు తమ ఎన్ఎఫ్‌టీలను ప్రమోట్ చేసుకోవడం చూసిన అభిమానులు కూడా షాకయ్యారు. క్యాష్ రిచ్ లీగ్‌లోని టాప్ జట్లలో ఒకటైన ఆర్సీబీపై గతంలో కూడా హ్యాకర్లు ఇలాగే దాడి చేశారు. (PC : TWITTER)

హ్యాకింగ్ పై ఆర్సీబీ స్పందించింది. జనవరి 21 తెల్లవారుజాము 4 గంటల నుంచి తమ అకౌంట్ ను హ్యాక్ చేసినట్లు పేర్కొంది. తమ ఖాతా కాంప్రమైజ్ అయిందని పేర్కొంది. ప్రస్తుతం అకౌంట్ లో చేస్తున్న ట్వీట్స్ కు జట్టుతో సంబంధం లేదని స్పష్టం చేసింది. (PC : TWITTER)