Ms Dhoni : జార్ఖండ్ ప్రభుత్వాన్ని ఏకిపారేసిన ధోని సతీమణి.. మహేంద్రుడి నెక్ట్స్ ప్లాన్ అదేనా.?

మహేంద్ర సింగ్ ధోని (MS Dhoni) భారత్ లో ఈ పేరుకు పెద్దగా పరిచయం అక్కర్లేదు. వికెట్ కీపర్ గా టీమిండియా (Team India)లో అడుగు పెట్టిన ఈ జార్ఖండ్ డైనమైట్.. అనతి కాలంలోనే భారత క్రికెట్ జట్టుకు కెప్టెన్ గా ఎంపికయ్యాడు.

2007లో దక్షిణాఫ్రికా వేదికగా జరిగిన టి20 ప్రపంచకప్ లో భారత జట్టుకు సారథ్యం వహించిన ధోని.. తన సూపర్ కెప్టెన్సీతో జట్టుకు తొలి టి20 ప్రపంచకప్ ను అందించాడు. ఇక 2011లో జరిగిన వన్డే ప్రపంచకప్ లో ఇండియాను చాంపియన్ గా నిలిచి.. 28 ఏళ్ల తర్వాత భారత్ కు మరోసారి ప్రపంచకప్ ను అందించాడు. (Photo Credit : Instagram)

2020 ఆగస్టు 15న అంతర్జాతీయ క్రికెట్ కు వీడ్కోలు పలికిన ధోని.. ప్రస్తుతం ఐపీఎల్ (IPL) మాత్రమే ఆడుతున్నాడు. ఇదే ధోనికి ఆఖరి ఐపీఎల్ సీజన్ అనే వార్తలు కూడా వస్తున్నాయి. ఇక అతడి సతీమణి సాక్షి సింగ్ విషయానికి వస్తే చాలా లో ప్రోఫైల్ ను మెయినటేన్ చేస్తూ ఉంటుంది. (PC: INSTAGRAM)

ఇంతకుముందు ధోని ఆడే మ్యాచ్ లకు హాజరవుతూ తన భర్తను ప్రేక్షకుల గ్యాలరీ నుంచి ఎంకరేజ్ చేసేది. అయితే ఈ ఏడాది ఐపీఎల్ కు మాత్రం సాక్షి పూర్తిగా దూరంగా ఉంది. (Photo: sakshisingh_r/Instagram)

అయితే తాజాగా ఆమె చేసిన ఒక ట్వీట్ చర్చనీయాంశం అయ్యింది. ఆమె నేరుగా జార్ఖండ్ ప్రభుత్వం తీరునే ట్విట్టర్ వేదికగా ఏకిపారేసింది. (Source - Insta - sakshisingh_r)

[caption id="attachment_1280356" align="alignnone" width="580"] ప్రస్తుతం జార్ఖండ్ లో కరెంట్ కోతలు చాలా ఎక్కువగా ఉన్నాయి. ఈ విద్యుత్ సంక్షోభంపై సాక్షి చేసిన ట్వీట్ సంచలనంగా మారింది. ’ఒక ట్యాక్స్ పేయర్ గా జార్ఖండ్ ప్రభుత్వాన్ని అడుగుతున్నా.. ఎందుకు గత కొన్నేళ్లుగా రాష్ట్రంలో తీవ్ర విద్యుత్ సంక్షోభం ఉంది. బాధ్యతల కలిగిన పౌరులుగా మా వైపు నుంచి కరెంట్ ను ఆదా చేస్తూనే ఉన్నాం. అయితే ఎందుకు ఈ సంక్షోభం‘అంటూ ఆమె ట్వీట్ చేసింది. (PC: Sakshi Singh TWITTER)

దాంతో ఈ ట్వీట్ ఇప్పుడు జార్ఖండ్ రాజకీయాల్లో తీవ్ర చర్చనీయాంశం అయ్యింది. ఐపీఎల్ నుంచి తప్పుకున్న తర్వాత ధోని రాజకీయాల్లో ప్రవేశించి అవకాశం ఉందా అనే ఊహాగానాలు కూడా మొదలయ్యాయి. దీనికి కాలమే సమాధానం చెప్పాలి. (File Photo)