Jos Buttler : కమాన్ బట్లర్.. ఒకే ఒకటి.. దెబ్బకు కోహ్లీ ఆల్ టైమ్ రికార్డు బద్దలైపోవాలి!

ఇండియన్ ప్రీమియర్ లీగ్ (IPL)లో 2022 సీజన్ లో రాజస్తాన్ రాయల్స్ (Rajasthan Royals) ప్లేయర్ జాస్ బట్లర్ (Jos Buttler) అదిరిపోయే ఫామ్ లో ఉన్నాడు. సీజన్ ఆరంభం నుంచి అదరగొడుతూనే ఉన్న అతడు లీగ్ లో 800 పరుగులను పూర్తి చేసుకున్నాడు. (PC : IPL)

శుక్రవారం అహ్మదాబాద్ వేదికగా జరిగిన క్వాలిఫయర్ 2 పోరులో రాయల్ చాలెంజర్స్ బెంగళూరు (Royal challengers Bangalore)పై సెంచరీ నమోదు చేసిన అతడు.. ఈ సీజన్ లో నాలుగో శతకాన్ని తన ఖాతాలో వేసుకున్నాడు.

ఈ క్రమంలో ఒక ఐపీఎల్ సీజన్ లో అత్యధిక సెంచరీలు చేసిన విరాట్ కోహ్లీ రికార్డును సమం చేశాడు. 2016 సీజన్ లో కోహ్లీ నాలుగు సెంచరీలు బాదాడు.

[caption id="attachment_1238278" align="alignnone" width="924"] తాజాగా ఆర్సీబీతో జరిగిన పోరులో ఓపెనర్ గా వచ్చిన బట్లర్ 60 బంతుల్లో 106 పరుగులు చేసి నాటౌట్ గా నిలిచాడు. దాంతో ఈ సీజన్ లో నాలుగో సెంచరీని అందుకున్నాడు.

[caption id="attachment_1276724" align="alignnone" width="756"] బట్లర్ ధనాధన్ ఇన్నింగ్స్ వల్ల ఆర్సీబీపై రాజస్తాన్ రాయల్స్ 7 వికెట్ల తేడాతో నెగ్గింది. ఫలితంగా ఫైనల్ బెర్తును సొంతం చేసుకుంది. అహ్మదాబాద్ వేదికగానే జరిగే ఫైనల్ పోరులో గుజరాత్ టైటాన్స్ తో తలపడనుంది.

ఈ సీజన్ లో బట్లర్ మరో మ్యాచ్ ఆడనున్న నేపథ్యంలో కోహ్లీ సెంచరీల రికార్డు బద్దలయ్యే అవకాశం ఉంది. ఈ ఆదివారం గుజరాత్ తో జరిగే ఫైనల్ లో బట్లర్ సెంచరీ సాధిస్తే.. ఒకే సీజన్ లో ఐదు సెంచరీలు సాధించిన తొలి ప్లేయర్ గా నిలుస్తాడు. తద్వారా కోహ్లీ రికార్డు కనుమరుగు కానుంది.