Sahid Afridi : తన వక్ర బుద్ధిని మరోసారి బయటపెట్టిన అఫ్రిది.. భారత్ పై అనుచిత వ్యాఖ్యలు..

[caption id="attachment_1092970" align="alignnone" width="1600"] భారత్ పై పాకిస్తాన్ మాజీ క్రికెటర్, ఆల్ రౌండర్ షాహిద్ అఫ్రిది అనుచిత వ్యాఖ్యలు చేశాడు. డానిష్ కనేరియా విషయంలో భారత్ పై తన అక్కసును వెల్లగక్కాడు.

వారం రోజుల క్రితం పాకిస్తాన్ మాజీ లెగ్ స్పిన్నర్ డానిష్ కనేరియా భారత్ కు చెందిన ఒక మీడియా చానెల్ కు ఇంటర్వ్యూ ఇస్తూ అఫ్రిదిపై సంచలన వ్యాఖ్యలు చేశాడు. అఫ్రిది క్యారెక్టర్ లేని వ్యక్తి అంటూ షాకింగ్ కామెంట్స్ చేశాడు.

అంతేకాకుండా తనను ముస్లిం మతంలోకి మారాల్సిందిగా బలవంతం పెట్టేవాడని, తనను జట్టులో ఒక సభ్యుడిగా ఎప్పుడూ చూడలేదంటూ కనేరియా అఫ్రిదిపై ఘాటు వ్యాఖ్యలు చేశాడు. (Photo: Getty)

తాజాగా దీనిపై అఫ్రిది స్పందించాడు. డబ్బు కోసం కనేరియా చీప్ ట్రిక్ చేస్తున్నాడంటూ కౌంటర్ ఇచ్చాడు. అంతేకాకుండా కనేరియా మన శత్రదేశం (భారత్) అయిన టీవీ చానెల్ కు ఇంటర్వ్యూ ఇచ్చాడంటూ భారత్ పై తన అక్కసును మరోసారి వెల్లగక్కాడు.

[caption id="attachment_777128" align="alignnone" width="640"] భారత్ వేదికగా 2016లో జరిగిన టి20 ప్రపంచకప్ సమయంలో కూడా అఫ్రిది కశ్మీర్ పై అనుచిత వ్యాఖ్యలు చేశాడు. ఒక మ్యాచ్ సందర్భంగా.. పాకిస్తాన్ జట్టుకు సపోర్ట్ చేయడానికి చాలా మంది కశ్మీర్ ప్రజలు ఇక్కడికి వచ్చారంటూ అఫ్రిది పేర్కొన్నాడు. దీనిపై వెంటనే బీసీసీఐ కూడా ఘాటుగా అఫ్రిదికీ బదులు ఇచ్చింది.

ఇక తాజాగా అఫ్రిది మరోసారి భారత్ పై చెత్త కామెంట్స్ చేయడంతో ఫ్యాన్స్ కూడా ఫైర్ అవుతున్నారు. మీరు మీరు కొట్టుకోండి అంతే కానీ భారత్ జోలికొస్తే బాగుండదంటూ ఆగ్రహం వ్యక్తం చేస్తున్నారు. మరికొందరు భారత్ గురించి మాట్లాడేటప్పుడు ఒళ్లు దగ్గర పెట్టుకొని మాట్లాడాలంటూ అఫ్రిదికి చురకలు అంటిస్తున్నారు.