IND vs BAN : క్రికెట్ కోసం తండ్రి చేతిలో చావు దెబ్బలు తిన్నాడు.. కట్ చేస్తే టీమిండియా తరఫున అరంగేట్రం చేశాడు.. ఎవరంటే?

బంగ్లాదేశ్ (Bangladesh)తో జరిగిన తొలి వన్డే ద్వారా యువ ప్లేయర్ కుల్దీప్ సేన్ (Kuldeep Sen) టీమిండియా (Team India) తరఫున అరంగేట్రం చేశాడు. భారత్ తరఫున వన్డే ఆడిన 250వ ప్లేయర్ గా కుల్దీప్ సేన్ నిలిచాడు.

బంగ్లాదేశ్ తో జరిగిన తొలి వన్డేలో భారత్ వికెట్ తేడాతో ఓడిన సంగతి తెలిసిందే. అయితే కుల్దీప్ సేన్ మాత్రం తన తొలి మ్యాచ్ లో ఆకట్టుకున్నాడు. రెండు వికెట్లతో మెరిశాడు.

26 ఏళ్ల కుల్దీప్‌ సేన్‌ మధ్యప్రదేశ్‌లో రెవా జిల్లాలోని చిన్న గ్రామం హరిహర్‌పూర్‌లో జన్మించాడు. కుల్దీప్‌ తండ్రి రాంపాల్‌ సేన్‌ తన గ్రామంలోనే చిన్న హెయిర్‌ సెలూన్‌ నడుపుతూ కుటంబాన్ని పోషిస్తున్నాడు. రాంపాల్‌కు ఐదుగురు సంతానం. వారిలో కుల్దీప్‌ సేన్‌ మూడవ వాడు. కుల్దీప్‌ చిన్నతనంలో తినడానికి తిండి కూడా సరిగ్గా లేకపోయేది.

కుల్దీప్ సేన్ క్రికెట్ ఆడటం తండ్రి రాంపాల్ కు అస్సలు ఇష్టం లేదు. చదువుకోకుండా క్రికెట్ ఆడుతున్నాడని కుల్దీప్ ను రాంపాల్ సేన్ తిట్టేవాడు, కొట్టేవాడు కూడా.

ఈ విషయాన్ని రాంపాల్ సేన్ స్వయంగా పేర్కొన్నాడు. బంగ్లాదేశ్ తో జరిగిన తొలి వన్డే ప్లేయింగ్ ఎలెవెన్ లో కుల్దీప్ సేన్ చోటు దక్కించుకోగానే అతడి ఫ్యామిలీని ఇంటర్వ్యూ చేయడానికి న్యూస్ చానెల్స్ పోటీ పడ్డాయి.

ఈ క్రమంలో సెలూన్ షాప్ లో పని చేస్తున్న రాంపాల్ సేన్ ను ఇండియన్ ఎక్స్ ప్రెస్ ఇంటర్వూ చేసింది. ఈ క్రమంలో రాంపాల్ సేన్ చేసిన కొన్ని వ్యాఖ్యలు కన్నీళ్లు తెప్పించేలా ఉన్నాయి.

‘బార్బర్ గా నేను గత 30 ఏళ్లుగా పని చేస్తున్నా. టీమిండియా తరఫున కుల్దీప్ సేన్ అరంగేట్రం చేయడం నాకు గర్వంగా ఉంది. కుల్దీప్ కు చిన్న తనం నుంచే క్రికెట్ అంటే ఇష్టం. అయితే నేను అతడి ఇష్టాన్ని ఎప్పుడూ సపోర్ట్ చేయలేదు. క్రికెట్ ఆడుతుంటే తిట్టేవాడిని.. కొన్ని సార్లు కొట్టేవాడిని కూడా. కానీ, కుల్దీప్ క్రికెట్ ను వదల్లేదు. కలను సాకారం చేసుకున్నాడు. ఆనందంగా ఉంది’ అంటూ రాంపాల్ సేన్ పేర్కొన్నాడు.

రాంపాల్ సేన్ నెలకు రూ. 8 వేలు సంపాదిస్తున్నాడు. ఇక కుల్దీప్ సేన్ ఈ ఏడాది జరిగిన ఐపీఎల్ లో రాజస్తాన్ రాయల్స్ తరఫున అరంగేట్రం చేశాడు. 7 మ్యచ్ ల్లో 8 వికెట్లు తీశాడు. 150 కిలోమీటర్ల వేగంతో బౌలింగ్ చేయడం కుల్దీప్ ప్రత్యేకత.