IND vs BAN 2nd Test : టీమిండియా భారమంతా ఆ ఇద్దరి మీదే.. చేతులెత్తేస్తే మాత్రం ఘోర ఓటమి తప్పదు

బంగ్లాదేశ్ (Bangladesh)తో జరుగుతున్న రెండో టెస్టులో టీమిండియా (Team India) ఎదురీదుతోంది. రెండో టెస్టులో ఇప్పటి వరకు మూడు రోజుల ఆట జరగ్గా.. అన్ని సెషన్ లలోనూ భారతే ఆధిపత్యం ప్రదర్శించింది.

అయితే మూడో రోజు చివరి సెషన్ తో అంతా తారుమారు అయ్యింది. మూడో రోజు ఆట రెండో సెషన్ లో లిట్టన్ దాస్ దంచి కొట్టాడు. దాంతో ఎప్పుడో ఆలౌట్ కావాల్సిన బంగ్లాదేశ్ 232 పరుగులకు చేరుకుంది.

తద్వారా భారత్ ముందు 145 పరుగుల లక్ష్యాన్ని విసిరింది. టార్గెట్ స్వల్పంగా ఉన్నా.. పిచ్ స్పిన్ కు సహకరిస్తుండటంతో బ్యాటింగ్ చేయడం కష్టంగా మారింది. బంగ్లాదేశ్ స్పిన్నర్ల ధాటికి భారత బ్యాటర్లు క్యూ కట్టారు.

మూడో రోజు ఆట ముగిసే సమయానికి టీమిండియా తన రెండో ఇన్నింగ్స్ లో 4 వికెట్లు నష్టపోయి 45 పరుగులు చేసింది. ప్రస్తుతం అక్షర్ పటేల్ (54 బంతుల్లో 26 బ్యాటింగ్; 3 ఫోర్లు), నైట్ వాచ్ మన్ బ్యాటర్ జైదేవ్ ఉనాద్కట్ (8 బంతుల్లో 3 బ్యాటింగ్) క్రీజులో ఉన్నారు. భారత్ గెలవాలంటే మిగిలి ఉన్న రెండో రోజుల్లో మరో 100 పరుగులు చేయాల్సి ఉంది.

అదే సమయంలో బంగ్లాదేశ్ గెలవాలంటే మరో 6 వికెట్లు తీయాల్సి ఉంది. పిచ్ స్పిన్ కు అనుకూలిస్తుండటంతో పరుగులు చేయడం అంత సులభం కాదు. మూడో రోజు ఆటలో ఏకంగా 14 వికెట్లు నేలకూలడం విశేషం. మెదీ హసన్ మిరాజ్ మూడు వికెట్లు తీశాడు. షకీబుల్ హసన్ కు మరో వికెట్ లభించింది.

నాలుగో రోజు ఆటలో భారత్ విజయావకాశాలు రిషభ్ పంత్, శ్రేయస్ అయ్యర్ లపై మాత్రమే ఆధారపడి ఉంది. తొలి ఇన్నింగ్స్ లో కూడా వీరిద్దరి వీరోచిత పోరాటంతోనే భారత్ నిలబడుతుంది.

మరోసారి టీమిండియాకు వీరే ఆపద్భాందవులుగా మారే అవకాశం ఉంది. నాలుగో రోజు పంత్, శ్రేయస్ అయ్యర్ ఎలా ఆడతారనే దానిపై భారత్ విజయావకాశాలు ఉంటాయి. అక్షర్ పటేల్, అశ్విన్ లు కూడా బ్యాటింగ్ చేయగలరు అయినప్పటికీ పంత్, శ్రేయస్ అయ్యర్ లపైనే భారత్ విజయావకాశాలు ఆధారపడి ఉన్నాయి.