Virat Kohli : దైవభక్తిలో విరాట్ కోహ్లీ.. ఆశ్రమాల వెంట తిరుగుతున్న క్యూట్ కపుల్స్.. కారణం ఇదే?

విరాట్ కోహ్లీ (Virat Kohli) పూర్తిగా మారిపోయాడు. కెప్టెన్సీ నుంచి తప్పుకున్నాక శాంత స్వభావాన్ని అలవాటు చేసుకున్నాడు. ఇప్పుడు దైవభక్తిలో పడ్డాడు. ఖాళీ సమయంలో గుళ్లు గోపురాలు.. ఆశ్రమాల వెంట తిరుగుతున్నాడు. (PC : TWITTER)

విరాట్ కోహ్లీకి ప్రస్తుతం టి20 నుంచి విశ్రాంతి తీసుకుంటున్నాడు. ఈ ఏడాది వరల్డ్ టెస్టు చాంపియన్ షిప్ తో పాటు వన్డే ప్రపంచకప్ ఉండటంతో కోహ్లీ టెస్టు, వన్డే ఫార్మాట్లపైనే దృష్టి సారించాడు.

ప్రస్తుతం టీమిండియా న్యూజిలాండ్ తో మూడు మ్యాచ్ ల టి20 సిరీస్ ను ఆడుతోంది. ఈ సిరీస్ ముగిశాక.. ఫిబ్రవరి 9 నుంచి ఆస్ట్రేలియాతో నాలుగు మ్యాచ్ ల టెస్టు సిరీస్ ను ఆ తర్వాత మూడు మ్యాచ్ ల వన్డే సిరీస్ ను ఆడనుంది.

ఈ ఖాళీ సమయంలో భార్య అనుష్క శర్మతో కలిసి కోహ్లీ రిషికేష్‌లో ఆధ్యాత్మిక పర్యటన చేస్తున్నాడు. అక్కడి స్వామి దయానంద్ ఆశ్రమానికి వీళ్లిద్దరూ వెళ్లారు. అక్కడ స్వామి దయానంద్ సమాధిని దర్శించుకున్నారు. వీటికి సంబంధించిన ఫోటోలు ఇప్పుడు సోషల్ మీడియాలో వైరల్ అవుతున్నాయి. (PC : TWITTER)

గతేడాది ఆసియా కప్ ముందు వరకు కోహ్లీ పేలవ ఫామ్ తో ఇబ్బంది పడ్డాడు. ఇంగ్లండ్ తో వన్డే సిరీస్ అనంతరం రెండు నెలల పాటు క్రికెట్ కు దూరమయ్యాడు. ఈ క్రమంలో కోహ్లీ ఆధ్యాత్మిక చింతనను అలవరుచుకున్నాడు. బృందావన్‌కు కూడా వెళ్లాడు. అక్కడ ఒక బాబా ఆశీస్సులు కూడా తీసుకున్నాడు. అంతకుముందే నీమ్ కరోలీ బాబా ఆశ్రమంలో కూడా సేద తీరాడు. (PC : TWITTER)

అనంతరం ఆసియా కప్ ద్వారా రీ ఎంట్రీ ఇచ్చిన కోహ్లీ మళ్లీ ఫామ్ లోకి వచ్చాడు. టి20 ప్రపంచకప్ లో అదరగొట్టాడు. ఇక ఈ ఏడాది వన్డేల్లో రెండు సెంచరీలను బాదేశాడు. ఇదే దూకుడును టెస్టుల్లోనూ కొనసాగించాలనే ఉద్దేశంలో ఉన్నాడు. (PC : TWITTER)

ఈ క్రమంలోనే కోహ్లీ రిషికేష్ లోని స్వామి దయానంద్ ఆశ్రమానికి వెళ్లినట్లు తెలుస్తుంది. ఈ క్రమంలో అక్కడ అభిమానులతో సెల్ఫీ కూడా దిగాడు. టి20, వన్డేల్లో రాణించిన కోహ్లీ.. టెస్టుల్లో మాత్రం పెద్దగా ఆకట్టుకోలేకపోయాడు. బంగ్లాదేశ్ తో జరిగిన టెస్టు సిరీస్ లో ఆశించిన స్థాయిలో ఆకట్టుకోలేకపోయాడు. ఈ క్రమంలో ఆసీస్ పై కోహ్లీ ఎలా ఆడతాడో అని అతడి అభిమానులు ఆత్రుతగా ఎదురు చూస్తున్నారు. (PC : TWITTER)