IND vs AUS : జిడ్డుగాడిని అవుట్ చేసిన జడ్డు.. ఊపిరి పీల్చుకున్న టీమిండియా

భారత్ (India)తో జరుగుతున్న నాలుగో టెస్టులో ఆస్ట్రేలియా (Australia) నిలకడగా బ్యాటింగ్ చేస్తుంది. ఈ సిరీస్ లో తొలిసారి భారత బౌలర్లకు ఆసీస్ బ్యాటర్లు కఠిన సవాల్ ను విసురుతున్నారు. వికెట్లు ఇవ్వకుండా భారత బౌలర్ల సహనానికి పరీక్ష పెడుతున్నారు. (PC : BCCI)

పిచ్ కూడా బ్యాటింగ్ కు అనుకూలంగా ఉండటంతో వికెట్లు తీయడంలో భారత బౌలర్లు ఇబ్బందులు పడుతున్నారు. తొలి సెషన్ లో రెండు వికెట్లు తీసిన భారత్.. రెండో సెషన్ లో ఒక్క వికెట్ కూడా తీయలేకపోయింది. (PC : BCCI)

అయితే మూడో సెషన్ లో భారత బౌలర్లు సఫలం అయ్యారు. జిడ్డు బ్యాటింగ్ చేస్తున్న స్టీవ్ స్మిత్ వికెట్ ను దక్కించుకున్నారు. 135 బంతుల్లో 38 పరుగులు చేసిన స్మిత్ భారత బౌలర్ల సహనానికి కఠిన పరీక్ష పెట్టాడు. (PC : BCCI)

ఈ ఇన్నింగ్స్ లో స్మిత్ కేవలం 28 స్ట్రయిక్ రేట్ తో బ్యాటింగ్ చేయడం విశేషం. అయితే బౌలింగ్ కు వచ్చిన జడేజా.. స్మిత్ ను షాట్ ఆడేలా చేసి వికెట్ ను దక్కించుకున్నాడు. ఆఫ్ స్టంప్ కు దూరంగా వెళ్తున్న బంతిని ఆడబోయే ప్రయత్నంలో స్మిత్ వికెట్ల మీదుకు ఆడుకున్నాడు. (PC : BCCI)

దాంతో భారత్ కు మూడో వికెట్ దక్కింది. మైదానంలో మన ప్లేయర్స్ తో పాటు మ్యాచ్ చూస్తోన్న అభిమానులు కూడా హమ్మయ్యా అంటూ ఊపిరి పీల్చుకున్నారు. జిడ్డుగాడిని అవుట్ చేసిన జడ్డు అంటూ కామెంట్స్ పెడుతున్నారు. (PC : BCCI)

స్మిత్ అవుటయ్యాక కాసేపటికే ఆస్ట్రేలియా నాలుగో వికెట్ ను కూడా కోల్పోయింది. హ్యాండ్స్ కాంబ్ (17)ను సూపర్ బాల్ తో షమీ క్లీన్ బౌల్డ్ చేశాడు. షమీ దెబ్బకు ఆఫ్ స్టంప్ చాలా దూరం ఎగిరి వెళ్లి పడింది. (PC : BCCI)

వరల్డ్ టెస్టు చాంపియన్ షిప్ లో ఫైనల్స్ కు చేరాలంటే భారత్ ఈ మ్యాచ్ లో తప్పకుండా నెగ్గాల్సి ఉంది. ఒకవేళ ఈ మ్యాచ్ లో ఓడినా.. డ్రా చేసుకున్నా భారత్ ఫైనల్స్ కు చేరడం కివీస్ పై ఆధారపడి ఉంటుంది. శ్రీలంకతో జరుగుతున్న టెస్టు సిరీస్ లో కివీస్ గెలిస్తే అప్పుడు భారత్ ఫైనల్స్ కు చేరుతుంది. ఓడితే మాత్రం శ్రీలంక ఫైనల్ కు వెళ్తుంది. (PC : BCCI)