MS Dhoni Income : యాడ్స్ నుంచి రేసింగ్ టీమ్ వరకు.. కోట్లు సంపాదిస్తున్న మాజీ కెప్టెన్ ధోనీ

టీమ్ ఇండియా మాజీ కెప్టెన్, సీఎస్కే సారథి ఎంఎస్ ధోనీ అంతర్జాతీయ క్రికెట్ నుంచి రిటైర్ అయినా.. అతడి సంపాదన ఏ మాత్రం తగ్గలేదు. టీవీ కమర్షియల్స్ దగ్గర నుంచి రియల్ ఎస్టేట్, రేసింగ్ కార్ల వరకు పలు వ్యాపారాల్లో పెట్టుబడులు పెట్టాడు. ఇప్పటికీ కోట్ల రూపాయల సంపాదన ధోనీ సొంతం. (PC: Twitter)

ధోనీ పలు బ్రాండ్లకు అంబాసిడర్‌గా ఉన్నాడు. టీవీ, ప్రింట్, వెబ్ ప్రకటనల్లో తరచుగా కనిపించే ధోనీ.. ఈ యాడ్స్ ద్వారా కోట్ల రూపాయల వెనకేసుకుంటున్నాడు. ఇప్పటికీ యాడ్స్ ద్వారా అత్యధికంగా అర్జించే క్రికెటర్లలో ధోనీ ఒకడు. ఇటీవల కూతురు సాక్షి కూడా ఒక టీవీ యాడ్‌లో నటించింది. (PC: Facebook)

జార్ఖండ్ రాజధాని రాంచీలో ధోనీకి హోటల్ మహీ రెసిడెన్సీ పేరుతో ఒక హోటల్ ఉన్నది. ఆ నగరంలో మంచి లగ్జరీ హోటల్స్‌లో అది ఒకటి. చాలా ఏళ్ల క్రితమే నిర్మించిన ఈ హోటల్ ద్వారా మంచి లాభాలే వస్తున్నాయి. (PC: Twitter)

ధోనీకి మొదటి నుంచి బైక్స్ అంటే ఎంతో ఇష్టం అన్న సంగతి అందరికీ తెలిసిందే. ధోనీకి మహీ రేసింగ్ టీమ్ ఇండియా పేరుతో ఒక జట్టు ఉన్నది. టాలీవుడ్ హీరో నాగార్జునకు కూడా ఇందులో వాటా ఉన్నది. (PC: Instagram)

ధోనీ జెర్సీ నెంబర్ 7. దీంతో సెవెన్ అనే బ్రాండ్ పేరుతో అపారెల్ బిజినెస్ చేస్తున్నాడు. ప్రపంచవ్యాప్తంగా ఈ బ్రాండ్ సరఫరా అవుతున్నది. దీనికి యూత్‌లో మంచి క్రేజ్ ఉన్నది. (PC: Instagram)

ఇండియన్ సూపర్ లీగ్‌లోని చెన్నయిన్ ఎఫ్‌సీ పేరుతో ఒక ఫుట్‌బాల్ క్లబ్ ఉన్నది. దీని సహయజమానిగా ధోనీ వ్యవహరిస్తున్నాడు. (PC: ISL)

స్పోర్ట్స్ ఫిట్ వరల్డ్ పేరుతో ధోనీ జిమ్ వ్యాపారం చేస్తున్నాడు. దేశంలోని పలు నగరాల్లో ఇతని జిమ్‌లు ఉన్నాయి. ప్రత్యేక శిక్షణ పొందిన ట్రైనర్లు ఈ జిమ్ లలో అందుబాటులో ఉంటారు.

ఇండియన్ హాకీ లీగ్‌లో రాంచీ రేస్ పేరుతో ఒక ఫ్రాంచైజీని ధోనీ కొనుగోలు చేశాడు.