PM KISAN: రైతుల ఖాతాల్లో డబ్బులు వేసిన ప్రధాని మోదీ.. ఇలా చెక్‌ చేసుకోండి..

ప్రస్తుతం మన దేశం కరోనా సంక్షోభంలో ఉన్నప్పటికీ.. రైతులు ఇబ్బందులు పడకూడదన్నఉద్దేశంతోనే పీఎం కిసాన్ నిధులను యథావిధిగా విడుదల చేసినట్లు కేంద్ర ప్రభుత్వవర్గాలు వెల్లడించాయి. (;ప్రతీకాత్మక చిత్రం)

ప్రధాన్ మంత్రి కిసాన్ సమ్మాన్ నిధి (పీఎం కిసాన్) పథకాన్ని నరేంద్ర మోదీ నేతృత్వంలోని కేంద్ర ప్రభుత్ం ఎంతో ప్రతిష్టాత్మకంగా తీసుకొచ్చింది. ఈ పథకం కింద చిన్న, సన్నకారు రైతులకు ప్రతి ఏటా రూ.6వేల ఆర్థిక సాయం అందిస్తున్నారు. రూ.6వేలను ఒకేసారి ఇవ్వకుండా విడతల వారీగా ఖాతాల్లో వేస్తున్నారు.

ఏటా మూడు విడతల్లో రూ.2 చొప్పున మొత్తం 6వేల రూపాయలను కేద్రం అందజేస్తోంది. డిసెంబర్ 1 నుంచి మార్చి 31 వరకు తొలి విడత, ఏప్రిల్ 1 నుంచి జూలై 31 వరకు రెండో విడత, ఆగస్ట్ 1 నుంచి నవంబర్ 30 వరకు మూడో విడత కిసాన్ సమ్మాన్ నిధి డబ్బులను రైతుల ఖాతాల్లో జమ చేస్తున్నారు. (ప్రతీకాత్మక చిత్రం)

మధ్యవర్తులతో ప్రమేయం లేకుండానేరుగా రైతుల బ్యాంక్ అకౌంట్లోనే డబ్బులను జమచేస్తున్నారు. ఇప్పటికే ఏడు విడతల డబ్బులను అందజేయగా.. నేడు ఎనిమిదో విడత డబ్బులను కూడా ప్రధాని మోదీ విడుదల చేశారు. (ప్రతీకాత్మక చిత్రం)

ఐతే ఈ మొత్తం తమ ఖాతాల్లో పడిందా లేదా అనే విషయాన్ని రైతులు pmkisan.gov.in వెబ్‌సైట్‌లోకి వెళ్లి చెక్ చేసుకోవచ్చు. ముందుగా pmkisan.gov.in వెబ్‌సైట్‌కు వెళ్లాలి. అందులో Kisan Cornerను క్లిక్ చేయాలి. ఆ తరువాత స్టేటస్‌లోకి వెళ్లాలి. అక్కడ లబ్దిదారులు తమ అకౌంట్ నంబర్, ఆధార్ నంబర్, మొబైల్ నంబర్ ఎంటర్ చేయాలి. ఆ తరువాత గెట్ రిపోర్ట్‌ను క్లిక్ చేస్తే పూర్తి వివరాలు స్కీన్ మీద కనిపిస్తాయి. (ప్రతీకాత్మక చిత్రం)

ఒకవేళ ఇందుకు సంబంధించిన డబ్బు రాకపోయి.. FTO (Fund Transfer Order) అని వచ్చినట్టయితే.. లబ్దిదారులు నిరాశ చెందాల్సిన పని లేదు. ఇలా వచ్చినట్టయితే మీరు ఇచ్చిన వివరాలను సరి చూసిందని.. త్వరలోనే మీ ఖాతాలో డబ్బులు వేస్తారని అర్థం. (ప్రతీకాత్మక చిత్రం)

రెండు మూడు రోజుల తర్వాత కూడా బ్యాంక్ ఖాతాల్లో డబ్బులు పడకపోతే 011-24300606 నంబర్‌కు ఫోన్ చేసి సమాచారం ఇవ్వాలి. లేదంటే 18001155266, 011—23381092, 23382401, 0120-6025109 హెల్ప్‌లైన్ నెంబర్లకు కాల్ చేయాలి.