Year Ender 2021: రష్మిక నుంచి కృతి శెట్టి వరకు.. ఈ ఏడాది టాలీవుడ్ ను శాసించిన హీరోయిన్లు వీళ్లే..

టాలీవుడ్ నటి కన్నడ బ్యూటీ రష్మిక మందన (Rashmika Mandanna) ప్రస్తుతం ఓ రేంజ్ లో దూసుకుపోతుంది. వరుస ఆఫర్ లతో తన ఖాతా నింపుకుంటుంది. అతి తక్కువ సమయంలో స్టార్ హీరోల సరసన నటించి.. బాలీవుడ్ లో కూడా అవకాశాలు అందుకుంది ఈ బ్యూటీ. ప్రస్తుతం ఇండియన్ క్రష్ గా పేరు తెచ్చుకున్న రష్మిక.. సోషల్ మీడియాలో కూడా బాగా యాక్టివ్ గా ఉంటుంది.టాలీవుడ్ నుండి బాలీవుడ్ వరకు ఆమె చేతి నిండా ఆఫర్స్ తో ఫుల్ బిజీ గడుపుతోంది. కరోనా ఇయర్ గా మిగిలిన 2020లో కూడా సరిలేరు నీకెవ్వరు, భీష్మ వంటి హిట్స్ కొట్టింది. ఇక ఆమె లేటెస్ట్ రిలీజ్ పుష్ప పాన్ ఇండియా చిత్రంగా విడుదలై వసూళ్ల వర్షం కురిపిస్తుంది. పుష్ప (Pushpa)మూవీలో శ్రీవల్లిగా డీగ్లామర్ పాత్రలో ఫ్యాన్స్ ని మెస్మరైజ్ చేశారు రష్మిక.

మొదటి చిత్రంతోనే కుర్రాళ్లను ఊపేసింది కన్నడ బ్యూటీ కృతి శెట్టి. ఉప్పెన మూవీతో ఓవర్ నైట్ స్టార్ గా కృతి మారిపోయింది. ఆమె చేతిలో ప్రస్తుతం అరడజను సినిమాల వరకు ఉన్నాయి. వైష్ణవ్ తేజ్ హీరోగా పరిచయమవుతూ డెబ్యూ డైరెక్టర్ బుచ్చిబాబు సానా తెరకెక్కించిన ఉప్పెన భారీ వసూళ్లు రాబట్టింది. కృతి నుంచి వస్తున్న రెండవ చిత్రం శ్యామ్ సింగరాయ్. ఈ మూవీలో ఆమె రోల్ కొంచెం బోల్డ్ గా ఉంది. ఇక, త్వరలో బంగార్రాజు మూవీతో ప్రేక్షకుల్ని పలకరించనుంది.

వరుస హిట్స్ తో టాలీవుడ్ ని ఏలేస్తున్న మరో స్టార్ హీరోయిన్ పూజా హెగ్డే (Pooja hegde). లక్కీ హీరోయిన్ ట్యాగ్ సంపాదించిన పూజా హెగ్డే.. స్టార్ హీరోల ఫస్ట్ ఛాయిస్ గా మారిపోయారు. మోస్ట్ ఎలిజిబుల్ బ్యాచ్ లర్ మూవీతో అఖిల్ కి హిట్ అందించిన పూజా... రాధే శ్యామ్ (Radhe shyam)మూవీతో సంక్రాంతికి సరదా పంచనున్నారు. దీంతో పాటు ఆచార్య మూవీలో రామ్ చరణ్ పక్కన కూడా మెరవనుంది ఈ కన్నడ సోయగం.

ఒకప్పుడు స్టార్ హీరోయిన్ గా టాప్ స్టార్స్ తో చేసిన శృతి హసన్ (Shruti haasan)కొన్నాళ్ళు టాలీవుడ్ కి దూరమయ్యారు. అయితే, ఈ ఏడాది క్రాక్ మూవీతో సాలిడ్ కమ్ బ్యాక్ ఇచ్చారు. దర్శకుడు గోపీచంద్ మలినేని తెరకెక్కించిన క్రాక్ 2021కి శుభారంభం అందించారు. లాక్ డౌన్ తర్వాత బాక్సాఫీస్ కి కళ తెచ్చిన చిత్రం క్రాక్. ఈ మూవీలో రవితేజకు జంటగా శృతి నటించారు. అలాగే ఆమె నటించిన మరో భారీ చిత్రం వకీల్ సాబ్. పవన్ కమ్ బ్యాక్ మూవీగా తెరకెక్కిన వకీల్ సాబ్ మూవీలో శృతి హీరోయిన్ గా నటించారు వకీల్ సాబ్ 2021 బిగ్గెస్ట్స్ హిట్స్ లో ఒకటిగా ఉంది.

సీనియర్ స్టార్ లేడీ తమన్నా జోరు ఇంకా తగ్గలేదు. ఆమెకు టాలీవుడ్ లో వరుస ఆఫర్స్ వస్తూనే ఉంటున్నాయి. 2021లో తమన్నా రెండు చిత్రాలు విడుదలయ్యాయ్. రెండు చిత్రాలు కూడా ఓటీటీల్లో రిలీజ్ అయ్యాయ్. స్పోర్ట్స్ బ్యాక్ గ్రౌండ్ లో తెరకెక్కిన సీటీమార్ తో పాటు నితిన్ మ్యాస్ట్రో చిత్రాల్లో ఆమె భిన్న పాత్రల్లో కనిపించి మెప్పించారు. అలాగే, నవంబర్ స్టోరీస్ అనే వెబ్ స్టోరీ ద్వారా కూడా మెప్పించింది మిల్కీ బ్యూటీ.

నేచురల్ బ్యూటీ సాయి పల్లవి (Sai Pallavi) 2021లో వెండితెరపై మెరుపులు మెరిపించిన హీరోయిన్స్ లో ఒకరు. ఆమె నాగ చైతన్యకు జంటగా నటించిన లవ్ స్టోరీ సూపర్ హిట్ గా నిలిచింది. దర్శకుడు శేఖర్ కమ్ముల తెరకెక్కించిన ఎమోషనల్ లవ్ ఎంటర్టైనర్ లవ్ స్టోరీ మంచి వసూళ్లు రాబట్టింది. సాయి పల్లవి నటించిన శ్యామ్ సింగరాయ్ విడుదలకు సిద్ధంగా ఉంది. ఈ మూవీలో ఆమె దేవదాసి రోల్ చేయడం విశేషం.