Vijay Devarakonda : మరోసారి గీత గోవిందం దర్శకుడితో విజయ్ దేవరకొండ..
Vijay Devarakonda | విజయ్ దేవరకొండ, డాషింగ్ డైరెక్టర్ ఫూరీ జగన్నాథ్ (Puri Jagannadh) దర్శకత్వంలో లైగర్ అనే సినిమాను చేసిన సంగతి తెలిసిందే. ఆగస్టు 25న విడుదలైన ఈ సినిమా డిజాస్టర్ అయ్యింది. ఇక ఆ సినిమా పరాజయం తర్వాత విజయ్, శివ నిర్వాణ దర్శకత్వంలో వస్తున్న ఖుషి సినిమాలో నటిస్తున్నారు. ఈ సినిమా ఇప్పటికే ఓ రెండు షెడ్యూల్స్‌ షూటింగ్ జరుపుకుంది.
ఈ సినిమా ఇప్పటికే రెండు షెడ్యూల్స్‌ను పూర్తి చేసుకుంది. ఇక ఆ తర్వాత కొన్ని కారణాల వల్ల షూటింగ్ ఆగిపోయింది. కాగా తెలుస్తోన్న సమాచారం మేరకు ఈ సినిమా కొత్త షెడ్యూల్ త్వరలో మొదలుకానుందని తెలుస్తోంది. ఇక విజయ్ నటించిన లేటెస్ట్ సినిమా లైగర్ బాక్సాఫీస్ వద్ద నిరాశ పరిచింది. దీంతో కొంత గ్యాప్ తీసుకున్న విజయ్, ఖుషి సినిమా షూటింగ్‌కు రెడీ అవుతున్నారు. మరోవైపు అమెరికా వెళ్లిన సమంత కూడా తిరిగి రావడంతో మరో కొత్త షెడ్యూల్‌కు రెడీ అవుతోంది టీమ్.. Photo : Twitter
ఈ సినిమాకు శివ నిర్వాణ దర్శకత్వం వహిస్తున్నారు. మైత్రీ మూవీ మేకర్స్ నిర్మిస్తోన్న ఈ సినిమాలో ఇతర కీలకపాత్రల్లో జయరామ్, సచిన్ ఖడేకర్, అలీ, వెన్నెల కిషోర్, రాహుల్ రామకృష్ణ తదితరులు నటిస్తున్నారు. ఇక ఈ సినిమాకు మలయాళీ సినిమా హృదయం ఫేమ్ హిషామ్ అబ్దుల్ వాహబ్ సంగీతం అందిస్తున్నారు. ప్యాన్ ఇండియా స్థాయిలో వస్తున్న ఈ సినిమా డిసెంబర్ 23, 2022న థియేటర్లలో విడుదల కానుందని ప్రకటించారు. అయితే అది వాయిదా పడే అవకాశం ఉంది. Photo : Twitter
లైగర్ తర్వాత విజయ్ దేవరకొండ ఖుషి అనే సినిమా చేస్తున్న సంగతి తెలిసిందే. ఈ సినిమా ప్రస్తుతం షూటింగ్‌ను జరుపకుంటోంది. అయితే ఖుషి తర్వాత ఆయన ఏ సినిమాకు సైన్ చేయలేదు. కాగా ఫిల్మ్ సర్కిల్స్‌లో వినిపిస్తున్న గాసిప్ ప్రకారం విజయ్, మరోసారి తనకు గీత గోవిందంతో బ్లాక్ బస్టర్ హిట్ ఇచ్చిన పరశురామ్‌తో సినిమా చేయనున్నట్లు తెలుస్తోంది. సర్కారు వారి పాట తర్వాత పరశురామ్, విజయ్‌కు ఓ కథ చెప్పాడట. అది నచ్చడంతో ఈ సినిమా ఓకే అయ్యిందని టాక్. ఈ సినిమాను ఓ ప్రముఖ నిర్మాణ సంస్థ నిర్మించనుందట. పూర్తి వివరాలు తెలియాల్సి ఉంది.
ఇక్కడ మరో విషయం ఏమంటే.. పరుశురామ్ బాలయ్యతో ఓ సినిమాను చేయాల్సి ఉంది. చూడాలి మరి ఈ రెండు సినిమాల్లో ఏది మొదట ముందుకు వెళ్లనుందో.. ఇక మరోవైపు విజయ్, జెర్సీ ఫేమ్ గౌతమ్ తిన్ననూరి దర్శకత్వంలో ఓ సినిమా చేస్తున్నట్లు ఇటీవల ఓ వార్త హల్ చల్ చేసిన సంగతి తెలిసిందే. ఈ సినిమాను దిల్ రాజు నిర్మించనున్నారని తెలుస్తోంది. ఈ సినిమాను ఎన్వీ ప్రసాద్‌తో కలిసి దిల్ రాజు నిర్మించనున్నట్లు తాజా టాక్... Photo : Twitter
ఇక లైగర్ విషయానికి వస్తే.. రౌడీ స్టార్ విజయ్ దేవరకొండ (Vijay Devarakonda), పూరి జగన్నాథ్ (Puri Jagannnadh) దర్శకత్వంలో కాంబినేషన్‌లో వచ్చిన లేటెస్ట్ స్పోర్ట్స్ డ్రామా లైగర్ (Liger). అనన్యపాండే హీరోయిన్‌గా నటించారు. మంచి అంచనాల నడుమ ఆగస్టు 25న విడుదలైంది. ప్రమోషన్స్‌లో భాగంగా ఈ సినిమా నుంచి ట్రైలర్ ఇటీవల విడుదలై మంచి రెస్పాన్స్‌ను దక్కించుకుంది.. భారీ అంచనాల నడుమ వచ్చిన ఈ సినిమా మిక్స్డ్ టాక్ తెచ్చుకుంది. Photo : Twitter
దేశవ్యాప్తంగా విజయ్‌కి ఉన్న ఫ్యాన్ బేస్ దృష్ట్యా లైగర్ మూవీ బాక్సాఫీస్ వద్ద ఓ రేంజ్‌లో కలెక్షన్స్ రాబడుతుందని భావించారు. కానీ అంతా రివర్స్ అయ్యింది.. సినిమా విడుదలై డిజాస్టర్ టాక్ తెచ్చుకుంది. కథాకథనాలు బలంగా లేవని, చెత్త సినిమా అంటూ అభిప్రాయాలు వ్యక్తం చేస్తున్నారు సినిమాను చూసిన ప్రేక్షకులు. ఇక అది అలా ఉంటే ఈ సినిమా విషయంలో ఎక్కువుగా పూరీ జగన్నాథ్‌ను తప్పుబడుతున్నారు నెటిజన్స్. Photo : Twitter
లైగర్ నష్టం 25 కోట్ల వరకు ఉండోచ్చని అంటున్నారు ట్రేడ్ పండితులు. ముఖ్యంగా లైగర్ కారణంగా భారీ ధరకు ఈ సినిమాను కొన్న డిస్ట్రిబ్యూటర్లు భారీగా నష్టాలను చవిచూస్తున్నారు. అయితే తెలుస్తోన్న సమాచారం మేరకు దర్శకుడు పూరి డిస్ట్రిబ్యూటర్లకు నష్టపరిహారం ఇవ్వాలని నిర్ణయించుకున్నట్లు ఫిల్మ్ సర్కిల్స్‌లో టాక్ వినిపడుతోంది. దర్శకుడు పూరి మాట మీద నిలబడే వ్యక్తి అని, లైగర్ కొని నష్టపోయిన డిస్ట్రిబ్యూటర్లలతో ఇప్పటికే మాట్లాడినట్లు తెలుస్తోంది.Photo : Twitter
ఇక అది అలా ఉంటే మరోవైపు కర్ణుడి చావుకు వెయ్యి కారణాల చందంగా.. ఈ సినిమా మరో చెత్త రికార్డ్‌ను మూట గట్టుకుంది. ప్రముఖ ఇంటర్నేషనల్ మూవీ సైట్ IMDb(ఇంటర్నెట్ మూవీ డేటాబేస్) రేటింగ్‌లో లైగర్ సినిమాకు అతి తక్కువ రేటింగ్ వచ్చింది. అది చూసిన విజయ్ అభిమానులు షాక్ అవుతున్నారు. లైగర్ సినిమాకు ఐఎండిబి‌లో 10 పాయింట్స్‌కు కేవలం 1.7 రేటింగ్ మాత్రమే వచ్చింది. దీంతో ఇండస్ట్రీలో ప్రస్తుతం ఇదే హాట్ టాపిక్‌గా మారింది. ఇటీవల విడుదలైన డిజాస్టర్‌గా మారిన తమిళ సినిమా ది లెజెండ్ (4.7), అమీర్ ఖాన్ హిందీ లాల్ సింగ్ చడ్డా(5), తెలుగు సినిమా సన్ ఆఫ్ ఇండియాకు (5) కంటే తక్కువ రేటింగ్ నమోదు చేయడమేంటనీ చర్చించుకుంటున్నారు నెటిజన్స్. Photo : Twitter
ఇక బాక్స్ ఆఫీస్ దగ్గర రౌడీ హీరో విజయ్ దేవరకొండ లేటెస్ట్ మూవీ లైగర్ మొదటి రోజు సాధించిన కలెక్షన్స్ విషయానికి వస్తే.. ఈ సినిమా తెలుగు రాష్ట్రాల్లో మినిమమ్ 11 కోట్ల మార్క్‌ని అందుకుంటుంది అనుకున్నా.. తెలుగు రాష్ట్రాల్లో ఈ సినిమా మొత్తం మీద 9.57 కోట్ల రేంజ్‌లో షేర్‌ని మాత్రమే సొంతం చేసుకుని షాక్ ఇచ్చింది. ఇక వరల్డ్ వైడ్‌గా ఈ సినిమా 13.45 కోట్ల షేర్ అందుకుంది... Photo : Twitter
ఈ సినిమా తెలుగు రాష్ట్రాల్లో చేతులేత్తేసిన లైగర్ హిందీ బెల్ట్‌లో మాత్రం అదరగొట్టింది. ఈ సినిమా ప్రీమియర్స్‌తో కలిపి హిందీలో ఫస్ట్ డే సుమారు 6 కోట్ల నెట్ వసూళ్లు నమోదు చేసినట్టుగా తెలుస్తుంది. దీంతో ఈ సినిమాకి హిందీలో అదిరే ఓపెనింగ్స్ దక్కినట్టే అని అంటున్నారు ట్రేడ్ పండితులు. పుష్ప, రాధేశ్యామ్, బాహుబలి1 సినిమాలకు కూడా ఫస్ట్ డే ఈ రేంజ్‌లో రాలేదని అంటున్నాయి ట్రేడ్ వర్గాలు.. సినిమా టాక్ బాగుట్టే అదరగొట్టేదని అంటున్నారు. Photo : Twitter
ఇక ఈ సినిమాకు సంబంధించి ఓటీటీ రైట్స్‌ను దాదాపు 85 కోట్లకు హాట్ స్టార్ దక్కించుకుందని తెలుస్తోంది. అయితే ఇది అన్ని భాషలకు కలిపి అని అంటున్నారు. లైగర్ (Liger) తెలుగు శాటిలైట్ రైట్స్‌ను స్టార్ మా దక్కించుకుంది. ఇక లైగర్ కథ విషయానికి వస్తే.. ముంబైలో ఓ మురికివాడలో ఛాయ్ అమ్ముతూ జీవనం గడిపే కుర్రాడు.. ఎలా ప్రపంచ బాక్సింగ్ ఛాంపియన్‌గా మారాడనేదే కథ. మరోవైపు బాక్సింగ్ ఛాంపియన్ మైక్ టైసన్ (Myke Tyson)‘లైగర్’లో కథను మలుపు తిప్పే కీలక పాత్రలో నటించారు.. Photo : Twitter
ఈ లైగర్ అటు పూరీ, ఇటు విజయ్ కెరీర్‌లో కూడా అత్యంత ఎక్కువ బడ్జెట్ సినిమాగా వచ్చింది. లైగర్‌ను (Liger) ఛార్మి, ప్రముఖ హిందీ నిర్మాత కరణ్ జోహార్‌తో కలిసి నిర్మించారు. ఈ సినిమా అలా ఉండగానే ఆయన పూరీతో మరో సినిమాను మొదలు పెట్టారు. విజయ్.. పూరీ జగన్నాథ్ డైరెక్షన్ లో 'జనగణమన' (జేజీఎమ్) పేరిట మరో భారీ ప్యాన్ ఇండియా చిత్రాన్ని ప్రకటించిన సంగతి తెలిసిందే. . Photo : Twitter
