Venkatesh Multistarrers: రానా సహా వెంకటేష్ ఇతర హీరోలతో చేసిన మల్టీస్టారర్ మూవీస్ లిస్ట్..

Venkatesh | టాలీవుడ్ సీనియర్ హీరోల్లో వెంకటేష్‌కు ప్రత్యేక స్థానం ఉంది. ఒకవైపు యాక్షన్ చిత్రాల్లో నటిస్తూనే ఫ్యామిలీ చిత్రాలను చేస్తూ అన్ని వర్గాల ప్రేక్షకులకు దగ్గరయ్యాడు. ఇక సీనియర్ టాప్ హీరోల్లో ఈయనకు మాత్రమే ఎక్కువగా మల్టీస్టారర్ మూవీస్‌ చేసారు. తాజాగా తన అబ్బాయితో మల్టీస్టారర్ మూవీ చేయకపోయినా.. వెబ్ సిరీస్ చేసాడు. వీళ్లిద్దరు ఒక స్క్రీన్ పై చూడాలనుకునే అభిమానులకు కిక్ ఇచ్చారు.

ఇప్పటికే విడుదలైన ఈ వెబ్ సిరీస్ ట్రైలర్‌కు మంచి రెస్పాన్స్ వచ్చింది.‘రానా నాయుడు’ టైటిల్‌తో తెరకెక్కుతోన్న ఈ వెబ్ సిరీస్‌ హిందీతో పాటు తెలుగు, తమిళంతోపాటు ఇతర దక్షిణాది భాషల్లో మార్చి 10 నుంచి స్ట్రీమింగ్ కానుంది. ఈ వెబ్ సిరీస్‌లో  వెంకటేష్ సాల్ట్ అండ్ పెప్పర్ లుక్‌లో కనిపించారు (Twitter/Photo)

గతంలో వీళ్లిద్దరు  ‘కృష్ణం వందే జగద్గురుం’  సినిమాలో ఓ పాటలో దగ్గుబాటి బాబాయి అబ్బాయి కలిసి నటించారు. కానీ వీళ్లిద్దరు పూర్తి స్థాయిలో మాత్రం నటించలేదు. ఇపుడు ఆ కోరిక ఈ వెబ్ సిరీస్‌తో నెరవేరిందనే చెప్పాలి. ఈ వెబ్ సిరీస్‌ను మీర్జాపూర్, ది ఫ్యామిలీ మ్యాన్ లాంటి సిరీస్‌లకు పనిచేసిన సుపన్ వర్మ, కరణ్ అన్షుమాన్ డైరెక్ట్ చేసారు. (Rana venkatesh)

వెంకటేష్, రానా  రానా నాయుడు వెబ్ సిరీస్‌తో పాటు  ఓ మల్టీస్టారర్ మూవీ చేయనున్నారు. ఇప్పటికే  వీళ్లిద్దరి ఇమేజ్‌కు తగ్గ కథ రెడీ అయినట్టు సమాచారం. త్వరలో అఫీషియల్ ప్రకటన వెలుబడే అవకాశం ఉంది. ఈ చిత్రానికి ’వెంకీ బాబాయి’ అనే టైటిల్ పరిశీలిస్తున్నారట. ఇక వీళ్లిద్దరి కాంబోలో వచ్చే వెబ్ సిరీస్ కోసం అభిమానులు కళ్లు కాయలు కాసేలా వెయిట్ చేస్తున్నారు.  (Facebook/Photo)

 గత కొన్నేళ్లుగా సీనియర్ హీరో వెంకటేశ్...ఎలాంటి ఈగోలకు పోకుండా ఆయన తోటి హీరోలతో మల్టీస్టారర్ మూవీలు చేస్తూ వస్తున్నారు. గతేడాది యువ హీరో విశ్వక్‌సేన్‌తో ‘ఓరి దేవుడా’ సినిమా చేసాడు. ఈ మూవీ బాక్సాఫీస్ దగ్గర ఓ మోస్తరు విజయాన్ని అందుకుంది.  (Twitter/Photo)

F2లో వరుణ్ తేజ్‌తో కలిసి స్క్రీన్ షేర్ చేసుకున్న వెంకటేష్. ఇపుడు మరోసారి F3లో మరోసారి కలిసి పలకరించారు.  సినిమాను మరింత కామెడీ ఎంటర్టేనర్‌గా  ప్రేక్షకుల ముందుకు వచ్చింది.  ఈ సినిమా మంచి వసూళ్లనే రాబట్టింది.  (Twitter/Photo)

మరోవైపు వెంకటేష్.. సల్మాన్ ఖాన్ హీరోగా నటిస్తోన్న ‘కిసీ కా భాయ్ కిసీ కా జాన్’ సినిమాలో పూజా హెగ్డే అన్న పాత్రలో నటిస్తున్నారు. అంతేకాదు ఈ సినిమా షూటింగ్‌ కూడా  కంప్లీట్ అయింది.  ఇక ‘అనారీ’, ‘తక్‌దీర్‌వాలా’ తర్వాత వెంకటేష్ యాక్ట్ చేస్తోన్నమూడో హిందీ మూవీ ఇదే కావడం విశేషం. ఈ సినిమా ఈ ఇయర్ ఈద్ పండగ రోజున విడుదల కానుంది.  (Twitter/Photo)

దాంతో పాటు వెంకటేష్ ఇపుడు టాలీవుడ్ క్రేజీ స్టార్ హీరోతో ఓ మల్టీస్టారర్ మూవీకి ఓకే చెప్పినట్టు సమాచారం. ఆ హీరో ఎవరనేది తెలియాల్సి ఉంది. ఐతే.. ఎన్టీఆర్, కొరటాల శివ సినిమాలో వెంకటేష్ ఇంపార్టెంట్ రోల్ చేస్తున్నట్టు వార్తలు వస్తున్నాయి. దీనిపై అధికారిక ప్రకటన వెలుబడాల్సి ఉంది.   (Venkatesh/File/Photo )

ఇక వెంకీ నటించిన ‘చింతకాయల రవి’లో ఎన్టీఆర్ ఓ పాటలో అతిథి పాత్రలో మెరిసిన సంగతి తెలిసిందే కదా. ఇక వీళ్లిద్దరు కలిసి నటిస్తే చూడాలనుకునే అభిమానులున్నారు. త్వరలో దీనిపై అధికారిక ప్రకటన వెలుబడాల్సి ఉంది.  (Facebook/Photo)

‘ప్రేమమ్’ తర్వాత పూర్తిస్థాయిలో నాగచైతన్యతో వెంకటేష్ చేసిన మల్టీస్టారర్ మూవీ ‘వెంకీ మామ’.. ఈ సినిమా బాక్సాఫీస్ దగ్గర మంచి విజయాన్ని సాధించింది. బాబీ దర్శకత్వంలో ఈ సినిమా తెరకెక్కింది.  (Twitter/Photo)

‘వెంకీ మామ’ సినిమాలో వెంకటేష్, నాగ చైతన్యలు వాళ్లు నిజ జీవితంలో లాగా మామ మేనల్లుగా నటించారు. అంతకు ముందు ‘ప్రేమమ్’లో కూడా వీళ్లిద్దరు మేనమామ, మేనళ్లులుగా వాళ్ల నిజ జీవిత పాత్రల్లో  నటించిన సంగతి తెలిసిందే కదా. Twitter/Photo)

‘ఈనాడు’ మూవీలో కమల్ హాసన్‌తో స్క్రీన్ షేర్ చేసుకున్న వెంకటేశ్. ఈ సినిమా హిందీలో అనుపమ్ ఖేర్, నసీరుద్దీన్ షా ప్రధాన పాత్రల్లో తెరకెక్కిన ‘ది వెడ్నెస్ డే’ సినిమాకు రీమేక్‌గా తెరకెక్కింది. ఈ సినిమా తెలుగులో అంతగా నడవలేదు.  (Facebook/Photo)

‘సీతమ్మ వాకిట్లో సిరిమల్లె చెట్టు’లో మహేష్ బాబుతో  స్క్రీన్ షేర్ చేసుకున్న వెంకటేష్.ఈ సినిమాలో అన్నదమ్ములుగా వెంకటేష్, మహేష్ బాబు నటించారు. శ్రీకాంత్ అడ్డాల దర్శకత్వంలో తెరకెక్కిన ఈ చిత్రం బాక్సాఫీస్ దగ్గర సూపర్ హిట్‌గా నిలిచింది.  (Facebook/Photo)

‘గోపాల గోపాల’లో పవన్ కళ్యాణ్‌తో యాక్ట్ చేసిన విక్టరీ వెంకటేశ్. ఈ సినిమా హిందీలో అక్షయ్ కుమార్, పరేష్ రావల్ ప్రధాన పాత్రలో తెరకెక్కిన ‘ఓ మై గాడ్’ సినిమాకు రీమేక్. ఈ చిత్రం బాక్సాఫీస్ దగ్గర యావరేజ్‌గా నిలిచింది. (Facebook/Photo)

‘అజ్ఞాతవాసి’లో అతిథి పాత్రలో మెరిసిన వెంకీ. త్రివిక్రమ్ శ్రీనివాస్ దర్శకత్వంలో తెరకెక్కిన ఈ సినిమాలో వెంకటేష్ కాసేపు మెరిసారు. ఈ సినిమా విడుదలపుడు కాకుండా.. ఆ తర్వాత యాడ్ చేసారు. త్వరలో వెంకటేష్, త్రివిక్రమ్ దర్శకత్వంలో ఓ సినిమా చేయనున్నారు.  (Facebook/Photo)

రామ్‌తో కలిసి తెలుగు ఆడియన్స్‌కు ‘మసాలా’ చూపెట్టిన సీనియర్ హీరో వెంకటేష్. ఈ సినిమా బాక్సాఫీస్ దగ్గర సరైన ఫలితాన్ని అందుకోలేదు. ఈ సినిమా హిందీలో అజయ్ దేవ్‌గణ్, అభిషేక్ బచ్చన్ హీరోలుగా తెరకెక్కిన ‘బోల్ బచ్చన్’ మూవీకి రీమేక్‌గా తెరకెక్కింది.  (Facebook/Photo)

అర్జున్, రాజేంద్ర ప్రసాద్‌లతో ‘త్రిమూర్తులు’ అనే మల్టీస్టారర్ సినిమా చేసిన వెంకటేష్. ఈ సినిమా హిందీలో అమితాబ్ బచ్చన్, శతృఘ్న సిన్హా, రిషీ కపూర్ హీరోలుగా తెరకెక్కిన ‘నసీబ్’ మూవీకి రీమేక్‌గా తెరకెక్కింది. ఈ సినిమా బాక్సాఫీస్ దగ్గర సరైన ఫలితాన్ని అందుకోలేదు.  (Facebook/Photo)

దివంగత సీనియర్ హీరో కృష్ణంరాజుతో కలిసి ‘టూటౌన్ రౌడీ’లో స్క్రీన్ షేర్ చేసుకున్న వెంకటేష్. ఈ సినిమా హిందీలో అనిల్ కపూర్, మాధురి దీక్షిత్ హీరో, హీరోయిన్లుగా తెరకెక్కిన ‘తేజాబ్’ మూవీకి రీమేక్‌గా తెరకెక్కింది హిందీలో సురేష్ ఓబెరాయ్ పాత్రను తెలుగులో కృష్ణంరాజు చేసారు. దాసరి నారాయణ రావు తెరకెక్కించిన ఈ సినిమా సరైన ఫలితాన్ని అందుకోలేదు.  (Youtube/Photo)

సీనియర్ హీరో మోహన్ బాబుతో పలు సినిమాల్లో నటించినా.. అన్ని సినిమాల్లో హీరోగా వెంకటేష్ నటిస్తే.. విలన్‌గా మోహన్ బాబు యాక్ట్ చేయడం విశేషం. త్వరలో వీళ్లిద్దరు కలిసి ఓ సినిమాలో కలిసి నటించబోతున్నట్టు సమాచారం.  (Twitter/Photo)

‘బ్రహ్మ రుద్రులు’ సినిమాలో సీనియర్ హీరో అక్కినేని నాగేశ్వరరావుతో స్క్రీన్ షేర్ చేసుకున్న వెంకటేష్. ఈ సినిమాలో వెంకటేష్, నాగేశ్వరరావు మామ అల్లుళ్ల పాత్రలో నటించడం విశేషం. ఈ సినిమా బాక్సాఫీస్ దగ్గర సరైన ఫలితాన్ని అందుకోలేదు. (Facebook/Photo)

సీనియర్ ఎన్టీఆర్‌తో వెంకటేష్ ఓ చారిత్రక కథను చేద్దామనుకున్నా.. ఎందుకో వర్కౌట్ కాలేదు. ఆ సినిమా ఏదో కాదు. ‘గౌతమిపుత్ర శాతకర్ణి’ సినిమాను అప్పట్లో అనౌన్స్ చేసినా.. అప్పటికీ ఎన్టీఆర్..రాజకీయాల్లో బిజీగా ఉండటంతో ఈ సినిమా కార్యరూపం దాల్చలేదు. కానీ వెంకటేష్.. ఎన్టీఆర్‌తో నటించాలనుకున్న కోరికను ‘కలిసుందాం.. రా’లో గ్రాఫిక్స్ రూపంతో ఈ కోరిక నెరవేర్చుకున్నారు.  (Twitter/Photo)

అటు చిరంజీవితో ఈయన అప్పట్లో ఓ సినిమా చేయాలనుకున్నారు. కానీ అది వర్కౌట్ కాలేదు. త్వరలో వీళ్లిద్దరు కలిసి నటిస్తే చూడాలనుకునే అభిమానులున్నారు.  (Twitter/Photo)

తన తరం హీరోలైన చిరంజీవి, బాలకృష్ణ,నాగార్జునలతో మల్టీస్టారర్ మూవీ చేయలేకపోయిన వెంకటేష్. కానీ ‘త్రిమూర్తులు’ సినిమాలో ఓపాటలో తన తరం హీరోలైన బాలయ్య, చిరు, నాగ్‌లతో పాటు కృష్ణ, కృష్ణంరాజు, శోభన్ బాబులతో స్క్రీన్ షేర్ చేసుకున్నారు వెంకటేష్. ఇక ‘ప్రేమమ్’ సినిమాలో నాగార్జున, వెంకటేష్ నటించినా.. వీళ్లిద్దరు కలిసి ఉండే సీన్స్ మాత్రం లేవు.  (Facebook/Photos)