Karthi As Sardar : ‘సర్దార్’గా కార్తి.. పాత టైటిల్స్‌తో తమిళ హీరో చేసిన సినిమాలు ఇవే..

తమిళ హీరో కార్తి సినిమాలకు తెలుగులో కూడా మంచి డిమాండ్ ఉంది. ఈయన సినిమాలు ఇక్కడ కూడా మంచి మార్కెట్ సొంతం చేసుకున్నాయి. యుగానికి ఒక్కడు నుంచి ఆవారా, నా పేరు శివ, ఖాకీ, ఖైదీ లాంటి సినిమాలతో మంచి విజయాలు అందుకున్నారు కార్తి. అయితే ఈయన తెలుగు సినిమాలకు టైటిల్స్ మాత్రం చాలా ఆసక్తికరంగా ఉంటాయి. ముఖ్యంగా తెలుగులో వచ్చిన క్లాసిక్ టైటిల్స్ తన సినిమాల కోసం వాడుకుంటారు ఈయన. ఇప్పుడు కూడా మరోసారి సర్ధార్ అనే పాత టైటిల్‌తో పలకరించాడు.ఈ సినిమా కంటే కార్తి పాత టైటిల్స్‌తో చేసిన సినిమాలేంటో చూద్దాం..

సర్ధార్ | 80లలో రెబల్ స్టార్ కృష్ణంరాజు హీరోగా సర్థార్ సినిమా తెరకెక్కింది. ఇపుడు కార్తి మరోసారి అదే టైటిల్‌తో ప్రేక్షకులు ముందుకు వచ్చాడు. ఈ సినిమాలో తండ్రీ కొడుకులుగా ద్విపాత్రాభినయం చేశారు. ఒకటి ‘రా’ ఏజెంట్ పాత్ర అయితే.. మరొకటి  పోలీస్ ఆఫీసర్ పాత్ర.  (Twitter/Photo)

‘సుల్తాన్’ | నందమూరి నట సింహా బాలకృష్ణ నటించిన సుల్తాన్ మూవీ టైటిల్‌తో కార్తి హీరోగా వచ్చిన ఈ మూవీ అంతగా అలరించ లేకపోయింది. ఈ చిత్రంలో కార్తి సరసన రష్మిక మందన్న హీరోయిన్‌గా నటించింది.  (Twitter/Photo)

కాశ్మోరా | 80లలో రాజశేఖర్, రాజేంద్ర ప్రసాద్ ప్రధాన పాత్రలో తెరకెక్కిన సూపర్ హిట్ మూవీ ‘కాశ్మోరా’, ఈ సినిమా టైటిల్‌తో కార్తి సినిమా చేసాడు. ఈ మూవీ అంతగా అలరించలేకపోయింది. (Twitter/Photo)

చినబాబు | నాగార్జున, అమల హీరో, హీరోయిన్లుగా మోహన్ గాంధీ దర్శకత్వంలో సురేష్ ప్రొడక్షన్ బ్యానర్‌లో తెరకెక్కిన మూవీ ‘చినబాబు’. ఈ సినిమా ప్రేక్షకులను పెద్దగా అలరించలేకపోయింది. ఆ తర్వాత కార్తి హీరోగా నటించిన చినబాబు కూడా ప్రేక్షకులను ఆకట్టుకోలేదు.  (Twitter/Photo)

దొంగ | చిరంజీవి పాత సూపర్ హిట్  ‘దొంగ’ టైటిల్‌తో వచ్చిన కార్తి. ఈ సినిమా తెలుగు ప్రేక్షకులను అంతగా ఆకట్టుకోవడంలో విఫలమైంది. ఈ సినిమా ఓటీటీ వేదికగా మంచి రెస్పాన్స్ తెచ్చుకుంది.  (twitter/Photo)

ఖైదీ | చిరంజీవి సూపర్ హిట్ ‘ఖైదీ’ టైటిల్‌తో బ్లాక్ బస్టర్ అందుకున్న కార్తి . చిరంజీవి ‘ఖైదీ’ రేంజ్‌లోనే కార్తి తెలుగు డబ్బింగ్ మూవీ ‘ఖైదీ’ ఓ రేంజ్‌లో అన్ని వర్గాల ప్రేక్షకులను మెప్పించింది. (Twitter/Photo)

మొత్తంగా పాత సూపర్ హిట్ టైటిల్స్‌తో తెలుగు బాక్సాఫీస్ పై దండయాత్ర చేస్తూనే ఉన్నాడు. ఈ కోవలో తాజాగా విడుదలైన ‘సర్ధార్’కు మిక్స్‌డ్ టాక్ సొంతం చేసుకుంది. ఈ సినిమా తెలుగులో ఎలాంటి ఫలితాన్ని అందుకుంటుందో చూడాలి. (Twitter/Photo)