Samantha - Yashoda: ’యశోద’ సక్సెస్‌తో ప్రేక్షకులకు ఎమోషనల్ లెటర్ రాసిన సమంత..

'యశోద' పై మీరు చూపిస్తున్న ప్రేమ, ఆదరణకు ధన్యవాదాలు. మీ ప్రశంసలు, మీరు ఇస్తున్న మద్దతు చూస్తున్నాను. ఇదే నాకు లభించిన గొప్ప బహుమతి. సినిమాకు వస్తున్న స్పందన నాకెంతో సంతోషాన్ని ఇస్తోందన్నారు. (Twitter/Photo)

'యశోద' చిత్రాన్ని ప్రదరిస్తున్న థియేటర్లలో మీ సంబరాలు చూశాను. సినిమా గురించి మీరు చెప్పిన మాటలు విన్నాను. దీని వెనుక మా చిత్ర బృందం అహర్నిశలు నిర్విరామంగా పడ్డ కష్టం ఉంది. ఇప్పుడు నా మనసు గాల్లో తేలుతున్నట్టుగా ఉందన్నారు. (Twitter/Photo)

'యశోద' మీ ముందుకు రావడానికి కారణమైన వాళ్ళకు, ఈ ప్రాజెక్టులో ఇన్వాల్వ్ అయిన వాళ్ళకు ఈ సందర్భంగా థాంక్స్ చెబుతున్నాను. నా పైన, ఈ కథపైన నమ్మకం ఉంచిన నిర్మాత, శ్రీదేవి మూవీస్‌ శివలెంక కృష్ణప్రసాద్ గారికి కృతజ్ఞతలు తెలిపారు. (Twitter/Photo)

దర్శకులు హరి, హరీష్‌తో పని చేయడం నాకు ఎంతో సంతోషాన్ని కలిగించింది. ఈ కథ కోసం ఎంతో రీసెర్చ్ చేశారు. వరలక్ష్మీ శరత్ కుమార్ గారికి, ఉన్ని ముకుందన్ గారికి, మిగతా నటీనటులు, సాంకేతిక నిపుణులు అందరితో పనిచేయడం నాకు ఎంతో ఆనందానిచ్చింది. సదా వినయపూర్వక కృతజ్ఞతలు తెలియజేసింది. (Twitter/Photo)

టాలీవుడ్ స్టార్ హీరోయిన్ సమంత నటించిన లేటెస్ట్ మూవీ యశోద. సస్పెన్స్ థ్రిల్లర్ గా వచ్చిన ఈ సినిమా నవంబర్ 11న థియేటర్లలో విడుదల అయ్యింది. ఈ సినిమా విడుదలైన మొదటి రోజు నుంచే మంచి టాక్ తెచ్చుకుంది. సమంత నటనకు విమర్శకులు కూడా ప్రశంసలు అందిస్తున్నారు.

ఈ చిత్రానికి మణిశర్మ సంగీతం అందించగా, మార్తాండ్ కె. వెంకటేష్ ఎడిటింగ్‌ను నిర్వహిస్తున్నారు. సైన్స్ ఫిక్షన్ థ్రిల్లర్ ట్రాక్ లో వచ్చిన ఈ సినిమాలో రావు రమేష్, వరలక్ష్మి శరత్‌కుమార్, ఉన్ని ముకుందన్, మురళీ శర్మ, సంపత్ రాజ్, శత్రు, మధురిమ, కల్పిక గణేష్, దివ్య శ్రీపాద, ప్రియాంక శర్మ ముఖ్య పాత్రలు పోషించారు. (Twitter/Photo)

శ్రీదేవి మూవీ బ్యానర్‌పై శివలెంక కృష్ణ ప్రసాద్ ఈ సినిమాని నిర్మించారు. సరొగసీ నేపథ్యంలో తీసిన సినిమా అని ట్రైలర్ వచ్చినప్పటినుంచి తెలిసిన విషయమే.అయితే తాజాగా యశోద సినిమా విడుదలై మొదటి వారంలోనే బ్రేక్ ఈవెన్‌కు దగ్గరలో ఉంది. 

ఏడు రోజుల్లో దాదాపు రూ. 25 కోట్ల గ్రాస్ కలెక్షన్స్ రాబట్టినట్లు ట్రేడ్ వర్గాలు చెబుతున్నాయి. ఈ సినిమా ప్రీ రిలీజ్ బిజినెస్ దాదాపు రూ. 12కోట్లకుపైగా జరిగినట్లు సమాచారం. గురువారం నాటి వసూళ్లతో ఈ సినిమా పన్నెండున్నర కోట్లకుపైగా షేర్‌ను సాధించినట్లు ట్రేడ్ వర్గాలు చెబుతున్నాయి.

ఈ వారం కూడా పెద్ద సినిమాలు రిలీజ్ కాకపోవడం యశోదకు కలిసివచ్చే అవకాశం ఉన్నట్లు అంచనా వేస్తున్నారు. ఓవరాల్‌గా థియేట్రికల్ రన్ ద్వారా యశోద ముప్పై కోట్లకుపైగా కలెక్షన్స్ రాబట్టే అవకాశం ఉన్నట్లు అంచనా వేస్తున్నారు. ఫస్ట్ వీక్‌లోనే ఈ సినిమా బ్రేక్ ఈవెన్‌ను సాధించింది. గురువారం నుంచి నిర్మాతలు లాభాల బాట పట్టినట్లు ట్రేడ్ వర్గాలు చెబుతున్నాయి.

యశోద కథ సస్పెన్స్‌గా సాగే యాక్షన్ థ్రిల్లర్. బస్తీలో బతికే ఒక పేద అమ్మాయి యశోద. ఆమెకు అనారోగ్యంతో ఉన్న చెల్లెలు ఉంటుంది. దీంతో ఆమె చికిత్స కోసం సరొగసీకి ఒప్పుకుంటే భారీగా డబ్బొస్తుందని భావిస్తుంది. తన చెల్లెలి వైద్యం కోసం సరోగసి నిర్ణయం తీసుకుంటుంది. అక్కడి నుంచి అసలు కథ మొదలవుతుంది

కొరియన్ వెబ్ సిరీస్ స్క్విడ్ గేం టైపులో సరొగసీ గర్భవతులందర్నీ ఒక రహస్య స్థావరంలో ఉంచుతారు. ఆ చోటు చాలా పాష్ గా సకర సౌకర్యాలతో నిండి ఉంటుంది. అంతా బాగుందనుకున్న సమయంలో ఒక పెద్ద ప్రమాదాన్ని పసిగడుతుంది యశోద. అదేంటి? ఆ ప్రమాదం నుంచి యశోద బయటపడుతుందా ? లేదా అనేదే మిగతా కథ.

గే ఈ సినిమాకి సీక్వల్ వుంటుందా అన్న ప్రశ్న కూడా ఈ సినిమా విడుదల అయిన దగ్గర నుంచి ఒక చర్చ నడుస్తోంది. దీనికి దర్శకులు హరి మరియు హరీష్, అలాగే నిర్మాత శివలెంక కృష్ణప్రసాద్ ఒక క్లారిటీ ఇచ్చారు. 'యశోద 2' గురించి చాలా మంది అడుగుతున్నారు కానీ ఈ సీక్వెల్ ప్రయత్నం మాత్రం దర్శకులు హరి, హరీష్ నుంచి రావాలి అని నిర్మాత అనగానే దర్శకులు రెడీ అన్నారు.