Samantha: యశోద 8 డేస్ కలెక్షన్స్.. మళ్లీ పుంజుకున్న వసూళ్లు! బ్రేక్ ఈవెన్ చేరాలంటే..

సమంత లేటెస్ట్ మూవీ యశోద సక్సెస్ బాటలో వెళుతోంది. విడుదలకు ముందు వదిలిన టీజర్, ట్రైలర్‌కు మంచి రెస్పాన్స్ రావడంతో ఈ సినిమాపై భారీ అంచనాలు నెలకొన్నాయి. ఈ నేపథ్యంలో నవంబర్ 11న ప్రేక్షకుల ముందుకొచ్చిన ఈ సినిమా పాజిటివ్ టాక్ తో దూసుకుపోతోంది.

రెండు తెలుగు రాష్ట్రాల్లో యశోద సినిమాకు నీరాజనం పలుకుతున్నారు ఆడియన్స్. చిత్రంలో సమంత నటన ప్రతిభపై ప్రశంసలు గుప్పిస్తున్నారు. దీంతో కలెక్షన్స్ పరంగా భేష్ అనిపించుకుంటూ బ్రేక్ ఈవెన్ దిశగా వెళుతోంది యశోద.

థియేటర్స్ లో యశోద సినిమా చూసిన ఆడియన్స్ సినిమాపై పాజిటివ్ ఒపీనియన్ వ్యక్తం చేస్తుండటం సినిమాకు బాగా కలిసొస్తోంది. దీంతో విజయవంతంగా తొలివారం పూర్తి చేసుకున్న ఈ సినిమా.. ఎనిమిదో రోజు స్వల్పంగా పుంజుకుంది.

యశోద రోజువారీ వసూళ్లు చూస్తే.. Day 1- 1.63Cr, Day 2 – 1.76Cr, Day 3 – 1.58Cr, Day 4 – 69L, Day 5 – 36L, Day 6 – 28L, Day 7 – 23L, Day 8 – 31L లుగా నమోదైనట్లు ట్రేడ్ వర్గాల రిపోర్ట్స్ చెబుతున్నాయి.

8వ రోజు ఏరియా వైజ్ కలెక్షన్స్ చూస్తే.. నైజాంలో 12 లక్షలు, సీడెడ్‌లో 4 లక్షలు, ఉత్తరాంధ్రలో 7 లక్షలు, ఈస్ట్ గోదావరిలో 2 లక్షలు, వెస్ట్ గోదావరిలో 1 లక్ష, గుంటూరులో 2 లక్షలు, కృష్ణాలో 2 లక్షలు, నెల్లూరులో 1 లక్షతో కలిపి ఏపీ, తెలంగాణలో 31 లక్షలు షేర్, 55 లక్షలు గ్రాస్ వసూలైంది.

ఈ 8 రోజుల్లో కలిపి అన్ని ఏరియాల్లో వసూళ్లు చూస్తే.. నైజాంలో 3.52 కోట్లు, సీడెడ్‌ 65 లక్షలు, ఉత్తరాంధ్రలో 87 లక్షలు, ఈస్ట్ గోదావరిలో 41 లక్షలు, వెస్ట్ గోదావరిలో 25 లక్షలు, గుంటూరులో 45 లక్షలు, కృష్ణాలో 48 లక్షలు, నెల్లూరులో 21 లక్షలతో కలిపి మొత్తంగా 6.84 కోట్ల షేర్, 12.05 కోట్ల గ్రాస్ వచ్చినట్లు రిపోర్ట్స్ చెబుతున్నాయి.

కర్నాటక, రెస్టాఫ్ ఇండియా 1.10 కోట్లు, తమిళ వెర్షన్‌ 95 లక్షలు, ఓవర్సీస్‌లో మరో 2.45 కోట్లు కలెక్ట్ చేసింది యశోద మూవీ. దీంతో 8 రోజుల్లో మొత్తంగా చెప్పాలంటే ఈ సినిమాకు ప్రపంచ వ్యాప్తంగా 11.34 కోట్ల షేర్‌, 24.25 కోట్ల గ్రాస్ వచ్చింది.

విడుదలకు ముందు 11.5Cr రూపాయల ప్రీ రిలీజ్ బిజినెస్ చేసిన యశోద మూవీ.. 12 కోట్ల రూపాయల బ్రేక్ ఈవెన్ టార్గెట్ పెట్టుకొని బరిలోకి దిగింది. అంటే 66 లక్షలు వచ్చాయంటే ఈ సినిమా లాభాల్లోకి అడుగుపెట్టినట్లే.