Ramayan Ravan : టీవీ రావణుడు అరవింద్ త్రివేది కన్నుమూత.. ప్రధాని సహా పలువురు సంతాపం..

Ramayan Ravan Arvind Trivedi: టీవీ రావణుడు అరవింద్ త్రివేది  ఈ మంగళవారం  కన్నుమూసారు. ప్రధాన మంత్రి నరేంద్ర మోదీ సహా పలువురు ప్రముఖులు ఆయన మృతిపై సంతాపం వ్యక్తం చేస్తున్నారు. ఆయన మృతితో భారతీయ టెలివిజన్ రంగానికి తీరని లోటు అన్నారు. ఆయన రావణుడిగా తన నటనతో కోట్లాది ప్రేక్షకుల మనసు దోచుకున్నట్టు ప్రధాని తన సంతాపం సందేశంలో పేర్కొన్నారు.  స్మాల్ స్క్రీన్ పై రావణాషురుడిగా ఈయన నటనకు ప్రజలు జేజేలు పలికారు. గత కొన్నేళ్లుగా అనారోగ్యంతో బాధపడుతున్న ఈయన శరీరంలో వివిధ అవయవాలు పనిచేయకపోవడంతో పాటు తీవ్ర గుండెపోటుతో మరణించినట్టు ఆయన బంధువులు సన్నిహితులు తెలిపారు. (Twitter/Photo)

Ramayan | ఈయన అంత్యక్రియలు ముంబైలోని దహను కార్వాడి స్మశాన వాటికలో ఈ రోజు నిర్వహించనున్నారు.  గతేడాది (2020) దేశం మొత్తం లాక్ డౌన్ అయిన సమయంలో... దూరదర్శన్ (DD)లో మళ్లీ రామాయణం ప్రసారం చేయడటంతో... ఈ నిర్ణయంపై దేశవ్యాప్తంగా ప్రజలు ఈ సీరియల్‌కు బ్రహ్మరథం పట్టారు. అంతేకాదు చాలా యేళ్ల తర్వాత ప్రసారమైన రామాయణం సీరియల్ మంచి టీఆర్పీ వచ్చింది. గతేడాది మార్చి 28 శనివారం నుంచి దూరదర్శన్‌లో రామాయణం సీరియల్ ప్రసారమైది. ఉదయం 9 గంటల నుంచి 10 వరకు తిరిగి రాత్రి 9 గంటల నుంచి 10 గంటలకు డీడీ నేషనల్‌ దూరదర్శన్‌లో ఛానెల్‌లో ప్రసారం చేసారు. (Twitter/Photo)

తొలిసారి రామ‌య‌ణం సీరియ‌ల్‌ 1987 నుంచి 1988 మ‌ధ్యలో డీడీలోనే ప్రసారమైంది. అప్పట్లో అదో సంచలన సీరియల్ అయ్యింది. అంతేకాదు అత్యధిక ప్రజలు చూసిన సీరియల్‌గా లిమ్కా బుక్ ఆఫ్ రికార్డులకు ఎక్కింది.ఆ తర్వాత ప్రైవేటు ఛానెల్స్‌ ఈ రామాయణం సీరియల్‌ను ప్రసారం చేసారు. .

అంతేకాదు రామాయణ్ సీరియల్‌ను చాలా ప్రాంతీయ భాషల్లోకి ఈ డబ్ చేసారు. ఇప్పటికీ అదంటే ప్రజలు అభిమానం చూపిస్తుండటం విశేషం.ఈ సీరియల్‌ను రామానంద్ సాగర్ దర్శకత్వంలో తెరకెక్కింది. ఈ సీరియల్‌లో అరుణ్ గోవిల్ రాముడి పాత్ర వేసారు.సీతగా దీపికా నటించింది.రావణాసురుడిగా అరవింద్ త్రివేది యాక్ట్ చేసారు. ఈరోజు ఉదయం గుండెపోటుతో ఈయన మరణించారు. ఈయన మృతిపై ప్రధాన మంత్రి నరేంద్ర మోదీ సంతాపం వ్యక్తం చేశారు. దాంతో పాటు పలువురు సినీ, రాజకీయ ప్రముఖులు ఆయన మృతిపై సంతాపం వ్యక్తం చేస్తున్నారు.

గతేడాది రావయణం సీరియల్ ప్రసారమయినపుడు ఈయన తన ఇంట్లో దూరదర్శన్‌లో రామాయణం సీరియల్‌లోని సీతాపహరణం సీన్‌ను చూస్తున్న దృశ్యాన్ని ఇంట్లో వాళ్లు సామాజిక మాధ్యమాల్లో షేర్ చేసారు. అర్వింద్ త్రివేది 33 ఏళ్ల తర్వాత సీరియల్‌లో తన నటనను చూసుకున్నారు. తాను నటించిన సీతాపహరణ సన్నివేశాన్ని తదేకంగా వీక్షించారు. (Instagram/Photo)

రామాయణం సీరియల్‌‌లో నటించిన నటీనటుల ఫోటో అప్పట్లో సామాజిక మాధ్యమాల్లో వైరల్ అయింది. ఈ సీరియల్‌లో నటించిన చాలా మంది ఇపుడు లేరు. (Instagram/Photo)

అప్పట్లో  కుటుంబ సభ్యులతో కలిసి రామాయణం సీరియల్ వీక్షిస్తున్న టీవీ రాముడు అరుణ్ గోవిల్. ప్రస్తుతం ఈయన బీజేపీ సభ్యత్వం తీసుకున్నారు.  (Special Arrangement/Photo)

అంతేకాదు గతేడాది రామాయణం సీరియల్‌లో నటించిన నటీనటులు అప్పట్లో పలు టీవీ షోస్‌లో పాల్గొన్నారు. కపిల్ శర్మ ప్రోగ్రామ్‌లో పాల్గొన్న రామ,సీత పాత్రధారులు అరుణ్ గోవిల్, దీపికా (Youtube/Credit)

రామ పాత్రధారి అరుణ్ గోవిల్. అప్పట్లో ఆయన బయట కనిపిస్తే ప్రజలు ఆయన కాళ్లకు దండం పెట్టేవాళ్లట. అంతలా రాముడి పాత్రలో ప్రేక్షకుల గుండెల్లో స్థానం సంపాదించికున్నారు. (Special Arrangement/Photo)

హనుమంతుని పాత్రలో మెప్పించిన ధారా సింగ్. ఈయన తెలుగులో కృష్ణ నటించిన ‘కురుక్షేత్రం’ సినిమాలో భీముడి పాత్రలో మెప్పించారు. ఆ తర్వాత నాగార్జున ‘ఆటో డ్రైవర్’ సినిమాలో ముఖ్యపాత్రలో నటించారు. (Special Arrangement)

రామాయణ్ సీరియల్ ప్రసారమయిన ప్రతీసారి అప్పట్లోనే దూరదర్శన్ రూ.40లక్షల వాణిజ్య ప్రకటనలు వచ్చేవి. అప్పట్లో అది ఒక రికార్డు. (Youtube/Credit)

అప్పట్లో దూరదర్శన్ సీరియల్ వచ్చే సమయంలో రోడ్లన్ని నిర్మానుషమయ్యేవి. రోడ్లపై అప్రకటిత కర్ఫ్యూ ఉండేది. (Twitter/Photo)

రామాయణ్ సీరియల్ అప్పట్లో దాదాపు 90 శాతం ప్రజలు చూసిన సీరియల్‌గా రికార్డులకు ఎక్కింది. (Twitter/Photo)

రామాయణ్ సీరియల్‌ను రామానంద్ సాగర్ ఎంతో అద్భుతంగా ఈ సీరియల్‌ను తీర్చిదిద్దారు. ఇప్పటికే ఈ సీరియల్ ప్రేక్షకులకు ఓ తీపి గుర్తు.  (Twitter/Photo)