Pawan Kalyan: పవన్ కళ్యాణ్‌తో బాలయ్య బాబు పర్ఫెక్ట్ ప్లాన్.. ఇక దబిడి దిడిబే!!

తనదైన నటనతో వెండితెరపై పూనకాలు తెప్పించడంలో బాలయ్య బాబు దిట్ట అనే సంగతి మనందరికీ తెలుసు. అదే బాలయ్య బుల్లితెర ఎంట్రీ ఇస్తే.. అబ్బే అంతగా వర్కవుట్ కాకపోవచ్చు అని అనుకున్నారంతా. కానీ అన్‌స్టాపబుల్ అనే షోకి హోస్ట్ గా వచ్చి ఆ అనుమానాలను పటాపంచలు చేశారు బాలకృష్ణ.

నందమూరి బాలకృష్ణతో అన్‌స్టాపబుల్ షో ప్లాన్ చేసి సూపర్ సక్సెస్ సాధించారు ఆహా యాజమాన్యం. తొలిసారి బుల్లితెరపై అడుగుపెట్టిన నటసింహం విమర్శకుల ప్రశంసలు దక్కించుకోవడమే గాక భారీ టీఆర్ఫీ రాబట్టారు.

ఆహా వేదికగా ప్రసారమైన అన్‌స్టాపబుల్ షో ఎంత పెద్ద స‌క్సెస్ అయిందో ప్ర‌త్యేకించి చెప్ప‌న‌వ‌స‌రం లేదు. తన తోటి సెలబ్రిటీలను ఇంటర్వ్యూ చేయడంలో వైవిద్యం చూపిస్తూ బాలయ్య హోస్ట్ చేసిన తీరు వావ్ అనిపించింది.

ఏంటీ బాల‌య్య బాబు హోస్ట్‌ గా రావడమేంటి అనుకున్న వాళ్లంతా ముక్కున వేలేసుకునేలా చేశారు బాలకృష్ణ. అలా భారీ రెస్పాన్స్ అందుకుంటూ అన్‌స్టాపబుల్ సీజన్ 1 పూర్తయింది. ఈ సీజన్ లో తన లోని మ‌రో కోణాన్ని ప్రేక్షకులకు చూపించారు బాలకృష్ణ.

టాలీవుడ్ ఫేమస్ సెలెబ్రిటీలను ముందర కూర్చోబెట్టి ఉక్కిరిబిక్కిరి చేసే ప్రశ్నలతో బాలకృష్ణ దూకుడు చూసి ప్రేక్షకులు ఫిదా అయ్యారు. దీంతో ఈ షోకి ఊహించిన దాన్ని మించిన రెస్పాన్స్ వచ్చింది. అన్ని వర్గాల ఆడియన్స్ ని బాలయ్య బాబు మేనరిజం అట్రాక్ట్ చేసింది.

సరదాగా బాలకృష్ణ ఇంటర్వ్యూ చేస్తే ఉండే కిక్ జనానికి అర్థమైంది. దీంతో అన్‌స్టాపబుల్ సీజన్ 2 పై జనం కన్ను పడింది. ఈ సీజన్ ఎప్పుడెప్పుడు స్టార్ట్ అవుతుందా అని వేయికళ్లతో ఎదురు చూస్తున్న బుల్లితెర ప్రేక్షకులకు ఆహా యాజమాన్యం గుడ్ న్యూస్ చెప్పింది.

అన్‌స్టాప‌బుల్‌ విత్ ఎన్‌బీకే 2 (Unstoppable With NBK Season 2) అంటూ ఈ విజయ దశమి కానుకగా ప్రేక్షకులకు సూపర్ ట్రీట్ ఇవ్వాలని ఆహా యాజమాన్యం సిద్దమైందట. సెప్టెంబ‌ర్ 26వ తేదీ నుండి అన్‌స్టాప‌బుల్ సీజ‌న్‌ 2 షూటింగ్ ప్రారంభం కానున్న‌ట్లు సమాచారం.

ఈ మేరకు ఇప్ప‌టికే సెల‌బ్రెటీల లిస్టు కూడా రెడీ చేసినట్లు టాక్‌. ఈ లిస్ట్‌లో పవర్ స్టార్ ప‌వ‌న్ క‌ళ్యాణ్‌, మాటల మాంత్రికుడు త్రివిక్ర‌మ్ శ్రీనివాస్ కూడా ఉన్న‌ట్లు ఇన్ సైడ్ టాక్. ప‌వ‌న్ క‌ళ్యాణ్‌తో పాటు త్రివిక్ర‌మ్‌తో అల్లుఅర‌వింద్‌కు కూడా మంచి సాన్నిహిత్యం ఉంది.

ఈ క్ర‌మంలో అల్లుఅర‌వింద్ అడగ్గానే ఈ ఇద్ద‌రూ సీజ‌న్‌ 2లో గెస్ట్‌లుగా రావ‌డానికి ఒప్పుకున్న‌ట్లు టాక్. ఏది ఏమైనా పవన్ కళ్యాణ్ ని బాలయ్య బాబు ఇంటర్వ్యూ చేయడమంటే ప్రేక్షకులకు అంతకన్నా కన్నుల పండగ మరొకటి ఉండదు. సో.. చూడాలి మరి ఆ క్షణం ఎప్పుడొస్తుందనేది!.