Ali Daughter Marriage: అలీ కూతురు పెళ్లికి రాని పవన్ కళ్యాణ్.. పిలవలేదా ?

టాలీవుడ్ ప్రముఖ సినీ నటుడు , స్టార్ కమెడియన్ అలీ కుమార్తె ఫాతిమా వివాహం ఆదివారం ఘనంగా జరిగింది. హైదరాబాద్‌లోని ఓ కన్వెన్షన్ సెంటర్‌లో జరిగిన వివాహ మహోత్సవానికి టాలీవుడ్ సెలబ్రిటీలు హాజరై సందడి చేశారు.

ఈ వేడుకలో అక్కినేని నాగార్జున... భార్యఅమలతో సహా కలిసి వచ్చారు. అలీ కూతురు ఫాతిమాను ఆశీర్వదించారు. నాగార్జునతో పాటు ఏపీ మంత్రి సినీ నటి రోజా కూడా ఈ పెళ్లి వేడుకలో సందడి చేశారు.

సెలబ్రిటీల సందడి చేసిన ఫొటోలు, వీడియోలు నెట్టింట్లో ట్రెండింగ్ అవుతున్నాయి. హీరోలు చిరంజీవి, నాగార్జున దంపతులు, గోపీచంద్‌, వెంకటేశ్‌, రాజశేఖర్‌, లెజెండరీ కమెడియన్ బ్రహ్మానందం హాజరై సందడి చేశారు.

డైరెక్టర్లు కే రాఘవేంద్రరావు, అనిల్ రావిపూడి, నటి, ఏపీ మంత్రి రోజాతోపాటు పలువురు సినీ, రాజకీయ ప్రముఖులు హాజరై.. వధూవరులు ఫాతిమా-షహయాజ్‌లను ఆశీర్వదించారు. 

హైదరాబాద్‌లోని ఓ కన్వెన్షన్ సెంటర్‌లో జరిగిన వివాహ మహోత్సవానికి టాలీవుడ్ ప్రముఖలంతా తరలివచ్చినా.. పవర్ స్టార్ పవన్ కళ్యాణ్ మాత్రం ఎక్కడా కనిపించలేదు. వివాహ వేడుకకు పవన్ హాజరు కాలేదు.

దీంతో పవన్ కళ్యాణ్... అలీకి మధ్య దూరం ఇంకా తగ్గలేదా అని పలువురు జోరుగా చర్చించుకుంటున్నారు. గతంలో అలీ కుటుంబంలో జరిగిన వేడుకలకు పవర్ స్టార్ హాజరై సందడి చేశారు. కానీ ఇప్పుడు మాత్రం పవన్ కళ్యాణ్ అలీ ఇంట జరిగిన వివాహ వేడుకలో కనిపించలేదు.

దీంతో మరోసారి అలీ, పవన్ కళ్యాణ్ హాట్ టాపిక్’గా మారారు. ఇటీవలే అలీకి ఏపీ సర్కార్.. ఎలక్ట్రానిక్ మీడియా సలహాదారుడిగా నిమమించిన విషయం తెలిసిందే. ఆ తర్వాత అలీ మాట్లాడుతూ.. త్వరలో పవన్ కళ్యాణ్ అలీతో సరదాగా కార్యక్రమానికి వస్తారని చెప్పారు.

అయితే అలీ షోకు పవన్ వస్తారన్న ప్రచారం జోరుగా రావడంతో.. అలీకి పవన్‌కు మధ్య మనస్పర్థలు చెరిగిపోయాయని. వీరిద్దరు త్వరలో ఒకే వేదికపై కనిపిస్తారని అంతా ఆశించారు కానీ ఇప్పుడు అలీ కూతురు వేడుకలో పవర్ స్టార్ కనిపించకపోవడంతో అలీ పవన్‌ను పిలవలేదా ? లేదంటూ పవన్ కళ్యాన్ రాలేదా ? అనే అనుమానాలు సర్వత్ర వ్యక్తమవుతున్నాయి,

మరోవైపు పవన్ కళ్యాణ్‌కు దూరంగా ఉంటున్నా.. మెగా ఫ్యామిలీకి మాత్రం అలీ దగ్గరగానే ఉన్నాడు. మెగాస్టార్ చిరంజీవి సతీ సమేతంగా తరలివచ్చి అలీకూతురుని ఆశీర్వదించారు. అలీని కూడా గట్టిగా హత్తుకున్నారు. ఇప్పుడు ఈ వీడియోలో నెట్టింట వైరల్ అవుతున్నాయి.

మెగాస్టార్ వచ్చినా.. పవర్ స్టార్ రాకవపోవడంపై అటు అలీ ఏ విధంగా స్పందిస్తారో చూడాలి. మరోవైపు దీనిపై పవన్ కానీ... అలీ కానీ ఏమైనాస్పందిస్తారేమో చూడాలి. Ali Chiranjeevi (Photo Twitter)