Naga Chaitanya: ఆమెతో అడ్డంగా దొరికేసిన నాగ చైతన్య.. లండన్ హోటల్‌లో అలా..! ఫోటో వైరల్

సమంతను ప్రేమించి పెళ్లాడిన నాగ చైతన్య ఆమెతో వైవాహిక బంధానికి ఫుల్‌స్టాప్ పెట్టి ఊహించని షాకిచ్చారు. అప్పటినుంచి ఈ ఇద్దరికి సంబంధించిన ఎన్నో విషయాలు ట్రెండ్ అవుతూ వస్తున్నాయి. అటు సమంత, ఇటు నాగ చైతన్యపై సోషల్ మీడియాలో పుట్టిన రూమర్లకు లెక్కే లేదు.

ప్రస్తుతం సమంత, నాగ చైతన్య ఇద్దరూ కూడా వారి వారి ప్రొఫెషనల్ లైఫ్ లీడ్ చేస్తూ సినిమాలతో బిజీ అయ్యారు. ఈ నేపథ్యంలో నాగ చైతన్యకు సంబంధించిన ఓ పిక్ చూసి నెటిజన్లు ఆశ్చర్యపోతున్నారు. ఇందుకు కారణం సదరు ఫొటోలో చైతూతో పాటు హీరోయిన్ శోభిత దూళిపాళ దర్శనమీయడం.

సమంతతో డివోర్స్ తర్వాత యంగ్ హీరోయిన్ హీరోయిన్ శోభిత దూళిపాళతో నాగ చైతన్య డేటింగ్ చేస్తున్నట్లు ఎన్నో వార్తలు బయటకొచ్చాయి. ఈ ఇద్దరూ సీక్రెట్ ఎఫైర్ నడిపిస్తున్నారని, ఎవ్వరికీ తెలియకుండా చెట్టాపట్టాలేసుకు తిరుగుతున్నారని చెప్పుకున్నారు.

శోభిత దూళిపాళ్లతో నాగ చైతన్య సన్నిహితంగా ఉంటున్నారని.. వారిద్దరూ తరచుగా వెకేషన్స్‌కి వెళుతున్నారనే టాక్ అయితే నడిచింది. నాగ చైతన్య కొత్తగా నిర్మించుకుంటున్న ఇంటికి పలుమార్లు ఆమెను తీసుకెళ్లాడని, శోభితను వివాహం చేసుకోవాలని చైతూ ఫిక్సయినట్లు ఓ రేంజ్ డిస్కషన్స్ నడిచాయి.

ఈ నేపథ్యంలో తాజాగా బయటకొచ్చిన ఓ ఫోటో నెట్టింట ఈ విషయాన్ని హాట్ ఇష్యూ చేసింది. నాగ చైతన్య- శోభిత దూళిపాళ కలిసి లండన్‌లో డిన్నర్ డేట్‌కు వెళ్లినట్లు ఈ ఫోటో స్పష్టం చేస్తోంది. అయితే ఈ ఫోటోని చైతూ గానీ, శోభిత గానీ బయటపెట్టలేదు. ఊహించని విధంగా హోటల్ సిబ్బంది ఒకరు షేర్ చేయడంతో అసలు మ్యాటర్ బయటపడింది.

సెలబ్రిటీ కావడంతో నాగ చైతన్యతో అక్కడి హోటల్ చెఫ్ సురేందర్ మోహన్ ఓ ఫోటో దిగారు. అయితే ఆ వెనుకే శోభిత కూడా కూర్చొని ఉంది. కావాలని కాకపోయినా అనుకోకుండా ఈ ఫొటోలో ఆమె కూడా పడింది. అయితే ఈ పిక్ సురేందర్ మోహన్ తన సోషల్ మీడియా ఖాతాలో పోస్ట్ చేయడంతో ఇష్యూ మళ్ళీ షురూ అయింది.

ఈ ఫొటోలో బ్యాక్‌గ్రౌండ్‌లో టేబుల్‌ దగ్గర శోభిత కూర్చోవడం గమనించిన నెటిజన్లు.. నాగ చైతన్యతో ఆమె డేటింగ్ చేస్తుండటం కన్ఫమ్ అని ఫిక్సయ్యారు. శోభిత నాగ చైతన్య నడుమ ఏమీ లేనిదే ఇలా లండన్ హోటల్ కి ఎందుకు వెళతారు? కచ్చితంగా వీళ్ళు డేటింగ్ చేస్తున్నారు అని చెప్పుకుంటున్నారు.

గతంలో కూడా శోభితతో కలిసి నాగ చైతన్య దిగిన ఓ ఫోటో సామాజిక మాద్యమాల్లో వైరల్ కావడం, జనాల్లో అనుమానాలు షురూ కావడం చూశాం. విదేశీ టూర్ లో ఇద్దరూ ఫోటోకి ఫోజు ఇచ్చినట్లు ఆ ఫోటో స్పష్టం చేయగా.. ఆ తర్వాత అది మార్ఫింగ్ ఫోటో అనే విషయం తెలిసింది.

గతేడాది నాగ చైతన్య కొత్త ఇంట్లో శోభిత ధూళిపాళ కనిపించడంతో ఇష్యూ మరోసారి వైరల్ అయింది. ఆ తర్వాత ‘లాల్ సింగ్ చద్దా’ ప్రమోషన్స్‌లో ఇదే విషయాన్ని నాగ చైతన్య వద్ద ప్రస్తావిస్తే.. తనకు నవ్వొస్తుందని అన్నారు.

అయితే మళ్ళీ ఇప్పుడు ఇలా ఒకే ఫొటోలో ఇద్దరూ కనిపించడంతో ఇష్యూ రచ్చకెక్కింది. ఇలా మరోసారి నాగ చైతన్య- శోభిత దూళిపాళ డేటింగ్ మ్యాటర్ మీడియాలో పతాక శీర్షికలో నిలిచింది. చూడాలి మరి దీనిపై ఇద్దరిలో ఎవరైనా స్పందిస్తారా లేదా అనేది.

2010లో వచ్చిన 'ఏమాయ చేశావే' సినిమా షూటింగ్ సమయంలో సమంతతో ప్రేమలో పడ్డ నాగ చైతన్య.. 2017లో వివాహం చేసుకున్నారు. అయితే వారి మధ్య అభిప్రాయ బేధాలు తలెత్తడంతో 2021 అక్టోబర్ 2వ తేదీన విడిపోతున్నామని అఫీషియల్ స్టేట్‌మెంట్ ఇచ్చారు.