Jr Ntr: ఎన్టీఆర్‌ని పట్టించుకోరా..? మంచు లక్ష్మి షాకింగ్ కామెంట్స్.. వాళ్లే టార్గెట్!

యంగ్ టైగర్ ఎన్టీఆర్ క్రేజ్ ఎల్లలు దాటుతోంది. RRR సినిమాతో పాన్ ఇండియా క్రేజ్ అందుకున్న ఎన్టీఆర్.. దేశ విదేశాల్లో సూపర్ క్రేజ్ సంపాదించారు. ఈ నేపథ్యంలో తాజాగా ఎన్టీఆర్ గురించి మంచు లక్ష్మి చేసిన కొన్ని కామెంట్స్ వైరల్ గా మారాయి.

RRRలో ఎన్టీఆర్ రోల్ చూసి ఫిదా అయ్యారు ప్రేక్షకులు. దీంతో అంతర్జాతీయంగా ఎన్టీఆర్ పాపులారిటీ రెట్టింపయింది. ఇండియన్ ఫిలిం హిస్టరీలోని గొప్ప నటుల్లో ఒకరుగా ఎన్టీఆర్ పేరు వినిపిస్తోంది.

ఈ క్రమంలోనే వెరైటీ మ్యాగజైన్ బెస్ట్ యాక్టర్ ఆస్కార్ ప్రిడిక్షన్స్ లిస్టులో యంగ్ టైగర్ ఎన్టీఆర్ టాప్ 10 ప్లేస్ లో నిలిచారు. ఇది ఎన్టీఆర్ సాధించిన ఓ అరుదైన ఘనత అని చెప్పుకోవాలి. ఒక భారతీయ నటుడు టాప్ 10 ఆస్కార్ ఉత్తమ నటుల అంచనా జాబితాలో చోటు సంపాదించడం ఇదే తొలిసారి.

దీంతో ఎన్టీఆర్‌కి ఆస్కార్ రావడం పక్కా అంటూ నందమూరి అభిమానులు ఖుషీ అవుతున్నారు. అభిమాన వర్గాలు, మీడియా సంస్థలు ఎన్టీఆర్ ని తెగ పొగిడేస్తున్నాయి. అయితే ఈ విషయమై సినీ సెలబ్రిటీలు పెద్దగా స్పందించినట్లు కనిపించడం లేదు. ఇదే ఇష్యూపై మంచు లక్ష్మి సీరియస్ కామెంట్స్ చేసింది.

కొంతమంది సెలబ్రిటీలు ఎన్టీఆర్ కి కంగ్రాట్స్ చెప్పారు కానీ చాలా వరకు సెలబ్రిటీలు స్పందించలేదు. ఇదే మ్యాటర్ తీస్తూ మంచు లక్ష్మి ప్రశ్నించింది. ఎన్టీఆర్ సాధించిన ఘనత చిన్న విషయం కాదు. ప్రపంచ సినిమా చరిత్రలోనే పెద్ద విజయం ఇది. మనం ఎందుకు సెలబ్రేట్ చేసుకోవడం లేదు? అంతా ఎందుకు మౌనంగా ఉన్నారు అంటూ మంచు లక్ష్మి ట్వీట్ పెట్టింది.

నిజానికి ఒక్క స్టార్ హీరో, హీరోయిన్ కూడా ఎన్టీఆర్‌ని అభినందిస్తూ ట్వీట్ చేయలేదు. కానీ ఫ్యాన్స్ మాత్రం సోషల్ మీడియాలో బీభత్సం సృష్టిస్తున్నారు. ఈ పరిస్థితుల నడుమ మంచు లక్ష్మి చేసిన ఈ ట్వీట్ వాళ్లకు మరింత బలాన్నిచ్చింది. ఆమె ట్వీట్ పై పాజిటివ్ రియాక్షన్స్ ఇస్తూ కరెక్ట్ అంటున్నారు ఫ్యాన్స్.

రామ్ చరణ్ తో కలిసి RRR సినిమాలో నటించిన ఎన్టీఆర్.. ట్రెండ్ సృష్టించారు. రాజమౌళి రూపొందించిన ఈ సినిమాలో రామ్ చరణ్, ఎన్టీఆర్ పోటాపోటీ నటన అన్ని వర్గాల ప్రేక్షకులను మెప్పించింది. దీంతో ఈ సినిమాకు, అందులో నటించిన నటీనటులకు అవార్డుల పంట పండుతోంది.

ప్రస్తుతం స్టార్ డైరెక్టర్ కొరటాల శివతో ఓ సినిమా చేస్తున్నారు ఎన్టీఆర్. స్ట్రాంగ్ కథాంశంతో తెరకెక్కనున్న ఈ సినిమాను అతి త్వరలో సెట్స్ మీదకు తీసుకురాబోతున్నారు.