Prabhas: తెరపైకి ప్రభాస్ పెళ్లి మ్యాటర్..! ఆ మాట చెప్పి షాకిచ్చిన ఆదిపురుష్ హీరోయిన్
Kriti Sanon: ఇప్పటికే చాలామంది హీరోయిన్స్ ప్రభాస్ పై ఇంట్రెస్ట్ చూపిస్తూ ఓపెన్ కాగా.. తాజాగా ఈ మోస్ట్ ఎలిజిబుల్ బ్యాచిలర్ ప్రభాస్‌ని పెళ్లి చేసుకోవాలని ఉందంటూ నేరుగా తన మనసులో మాట బయటపెట్టేసింది బాలీవుడ్ హీరోయిన్ కృతి సనన్.
ప్రభాస్ తో కలిసి ఆదిపురుష్ సినిమా చేస్తున్న కృతి సనన్.. ప్రస్తుతం భేడియా (తెలుగులో తోడేలు)తో హిట్ కొట్టేసింది. దీంతో వరుణ్‌ ధావన్‌, కృతిల ఖాతాలో హిట్ పడింది. కాగా ఈ మూవీ ప్రమోషన్స్‌లో పదే పదే ప్రభాస్ పేరు ప్రస్థావనలోకి రావడం విశేషం. ఓ మీడియా ఇంటర్వ్యూలో భాగంగా ప్రభాస్ తో పెళ్లి అనే విషయాన్ని బయటకు తీసుకొచ్చింది కృతి.
ప్రభాస్ తో ఆదిపురుష్ సినిమా చేస్తోంది కృతిసనన్. గత కొన్ని నెలలుగా జరుగుతున్న ఈ సినిమా షూటింగ్స్, ఇతర పనుల్లో ప్రభాస్ తో ఫుల్ క్లోజ్ అయింది కృతి. ఈ ఇద్దరూ కూడా ఎంతో సరదాగా ఒకరికి ఒకరు సహకరించుకుంటూ ఆదిపురుష్ సినిమాను కంప్లీట్ చేస్తున్నారు. ఈ పరిస్థితుల్లో ప్రభాస్ తో పెళ్లిపై కృతి ఓపెన్ కావడం హాట్ టాపిక్ అయింది.
ఇప్పటికే ఈ ఆదిపురుష్ సినిమా షూటింగ్ కంప్లీట్ చేశారు మేకర్స్. భారీ బడ్జెట్ కేటాయించి రూపొందిస్తున్న ఈ సినిమాకు సంబంధించి ప్రస్తుతం పోస్ట్ ప్రొడక్షన్ వర్క్స్ జరుగుతున్నాయి. ఆదిపురుష్ రూపంలో వస్తున్న ఈ రామ రావణ యుద్ధం ప్రేక్షకులను కనువిందు చేయడం ఖాయం అని ఇప్పటికే వచ్చిన అప్‌డేట్స్ కన్ఫర్మ్ చేశాయి.
భారీ తారాగణం ఎంచుకున్న దర్శకనిర్మాతలు.. సైఫ్ అలీఖాన్, దేవదత్త నాగె, సన్నీ సింగ్ లను ఈ సినిమాలో భాగం చేశారు. దీంతో ఈ సినిమాపై బోలెడన్ని ఆశలు పెట్టుకున్నారు రెబల్ స్టార్ అభిమానులు. అయితే ఫ్యాన్స్ అంచనాలు రీచ్ అయ్యేలా ఈ మూవీ ఉంటుందని చిత్రయూనిట్ చాలా కాన్ఫిడెంట్ గా ఉంది. ఈ సినిమాను 3D ఫార్మాట్ లో కూడా విడుదల చేయనుండటం విశేషం.
