Allu Arjun: పుష్ప 2లో సీనియర్ హీరో.. పర్ఫెక్ట్ స్కెచ్‌తో రంగంలోకి దించుతున్న సుక్కు

అల్లు అర్జున్ హీరోగా రూపొందుతున్న పుష్ప 2 మూవీ నుంచి మరో అప్ డేట్ నెట్టింట వైరల్ అవుతోంది. ఈ సినిమా కోసం పర్ఫెక్ట్ ప్లాన్స్ చేసుకున్న సుకుమార్.. పలు జాగ్రత్తలు తీసుకుంటూ షూటింగ్ చేస్తున్నారు.

భారీ తారాగణంతో పాన్ ఇండియా ప్రేక్షకులు థ్రిల్ అయ్యేలా ఈ సినిమాను రూపొందిస్తున్నారట సుకుమార్. ఈ మేరకు టాలీవుడ్‌ స్టార్ యాక్టర్ ని కీలక పాత్ర కోసం తీసుకున్నారని తెలిసింది. ఆయనెవరో కాదు జగపతి బాబు. త్వరలోనే ఆయన షూటింగ్‌లో జాయిన్ అవుతారని తెలుస్తోంది.

పుష్ప తొలి భాగంలో మలయాళ నటుడు ఫహద్ ఫాజిల్ పోషించిన భన్వర్ లాల్ క్యారెక్టర్‌ మంచి రెస్పాన్స్ అందుకుంది. అయితే సెకండ్ పార్ట్‌ పుష్ప ది రూల్ ను అంతకుమించిన గ్రిప్పింగ్ కథనంతో నడిపించాలని ప్లాన్ చేసుకున్నారట సుక్కు. ఇందుకోసం జగపతి బాబును రంగంలోకి దించుతున్నట్లు తెలుస్తోంది.

రాబోయే షెడ్యూల్‌లో జగపతి బాబు జాయిన్ కాబోతున్నారని, ఆయనతో చిత్రంలోని పలు కీలక సన్నివేశాలు షూట్ చేయనున్నారని సమాచారం. అయితే ఈ సినిమాలో జగ్గూ బాయ్ కోసం మరో విలన్ రోల్ క్రియేట్ చేశారా? లేక వేరే ఏదైనా పవర్‌ఫుల్ క్యారెక్టర్ డిజైన్ చేశారా? అనేది ఇక్కడ సస్పెన్స్.

పుష్ప సినిమాకు సీక్వల్ గా పుష్ప 2 రాబోతోంది. సుకుమార్ దర్శకత్వంలో పుష్ప సినిమా చేసి భారీ సక్సెస్ అందుకున్న బన్నీ.. తన తదుపరి సినిమాగా ఈ సీక్వల్ చేస్తున్నారు. ఇప్పటికే షూటింగ్ మొదలుపెట్టి కొద్దిమేర పూర్తిచేశారు.

పుష్ప 2 మూవీ షూటింగ్ క్రమంగా ఊపందుకుంది. ఇటీవలే హైదరాబాద్ లో కొన్ని కీలక సన్నివేశాలు షూట్ చేసిన సుకుమార్.. ఇప్పుడు లొకేషన్ విశాఖకు మార్చేశారు. ఈ మేరకు అల్లు అర్జున్ సహా పుష్ప రాజ్ టీం అంతా కూడా వైజాగ్‌ వెళ్ళింది. అక్కడ పది రోజుల షెడ్యూల్ ప్లాన్ చేశారట సుకుమార్.

ప్రస్తుతం పాన్ ఇండియా ఇమేజ్ ఎంజాయ్ చేస్తున్న అల్లు అర్జున్ కి పాన్ వరల్డ్ క్రేజ్ దక్కేలా పక్కా ప్లాన్ చేసిన సుకుమార్.. ఈ పుష్ప 2 సినిమాను వరల్డ్ క్లాస్ క్వాలిటీతో తెరకెక్కిస్తున్నారట. అంతేకాదు ప్రపంచవ్యాప్తంగా ఒకేసారి 20కి పైగా దేశాల్లో విడుదల చేయాలని టార్గెట్ పెట్టుకున్నారట సుక్కు.

మొదటి భాగంలో శ్రీవల్లిగా కనిపించి యూత్ ఆడియన్స్ మనసు దోచుకున్న హీరోయిన్ రష్మిక మందన్న రోల్.. ఈ సినిమాలో మరింత అట్రాక్ట్ ఫుల్‌గా ఉండనుందట. అనసూయ కూడా మరింత పదునైన క్యారెక్టర్ తో ప్రేక్షకుల ముందుకు రానుందని టాక్.