Murali Sharma: ఈ ‘అల వైకుంఠపురంలో’ వాల్మీకీకి నిజ జీవితంలో భార్య ఎవరో.. ఆమె ఎలా ఉంటారో.. ఏం చేస్తుంటారో చూడండి..

టాలీవుడ్‌లో నటుడు మురళీ శర్మ అంటే ఎవరో తెలియని వారుండరు. మహేశ్ బాబు, సురేందర్ రెడ్డి కాంబినేషన్‌లో తెరకెక్కిన ‘అతిథి’ సినిమాలో ‘కైజర్’గా టాలీవుడ్‌లోకి ఎంట్రీ ఇచ్చిన ఈ నటుడు ప్రస్తుతం దాదాపు నూటికి 99 శాతం తెలుగు సినిమాల్లో కనిపిస్తున్నాడనడంలో సందేహమే లేదు.

తొలుత నెగిటివ్ రోల్స్ చేసిన మురళీ శర్మ ఈ మధ్య క్యారెక్టర్ ఆర్టిస్ట్‌గా బిజీగా మారాడు. చిన్న సినిమా, పెద్ద సినిమా అనే తేడా లేకుండా దుమ్ముదులిపేస్తున్నాడు. ఈ నటుడికి సంబంధించిన కొన్ని ఆసక్తికర విషయాలు చాలామందికి తెలియవు. ఆయన తెలుగులోకి ఎంట్రీ ఇవ్వక ముందు చాలా హిందీ సినిమాల్లో నటించారు.

మరో విశేషమేంటంటే.. ఈ 49 ఏళ్ల విలక్షణ నటుడు గుంటూరులో పుట్టడం విశేషం. ఆయన తండ్రి మరాఠీ కావడం, తల్లి గుంటూరు జిల్లాకు చెందిన తెలుగమ్మాయి కావడంతో మురళీ శర్మ ముంబైలో పెరిగారు. అక్కడ స్థిరపడ్డారు.

ఆయన మరాఠా నటి అశ్విని కల్సేకర్‌ను పెళ్లి చేసుకున్నారు. ఆమెకు ఇది రెండో పెళ్లి. బాలీవుడ్ నటుడు నితీష్ పాండేను ఆమె 1998లో వివాహం చేసుకున్నారు.

2002లో అభిప్రాయ భేదాల కారణంగా ఆయనకు విడాకులిచ్చారు. 2009లో మురళీ శర్మతో ఆమె వైవాహిక జీవితం మొదలైంది. ఆమె కూడా తెలుగులో మూడు సినిమాల్లో నటించారు.

అల్లుఅర్జున్ సినిమా ‘బద్రీనాథ్’తో టాలీవుడ్‌లో తళుక్కున మెరిసిన అశ్విని.. ఆ తర్వాత రవితేజ ‘నిప్పు’ సినిమాలో, పూరీ డైరెక్షన్‌లో తెరకెక్కిన ‘మెహబూబా’ సినిమాలో నటించారు.

ఆ తర్వాత మళ్లీ తెలుగు సినిమాల్లో కనిపించలేదు. సినిమాల్లో మాత్రమే కాదు టెలివిజన్ షోలతో కూడా అశ్విని ఎంతో ఆదరణ సంపాదించుకున్నారు. మరో కొసమెరుపేంటంటే.. మురళీ శర్మ కూడా తొలుత టీవీ సీరియల్స్‌లో నటించే పాపులర్ అయ్యారు.

Photo Source: Instagram

Photo Source: Instagram

Photo Source: Instagram

Photo Source: Instagram

Photo Source: Instagram

Photo Source: Instagram

Photo Source: Instagram

Photo Source: Instagram