Chiranjeevi : శృతిహాసన్‌ను ఈవెంట్‌కు రాకుండా ఎవరో బెదిరించారు.. చిరంజీవి కామెంట్స్ వైరల్..!

చిరంజీవి చేస్తున్న డైరెక్ట్ సినిమా వాల్తేరు వీరయ్య, ఈ సినిమాలో చిరు మనకు వింటేజ్ లుక్‌లో కనిపిస్తారు. దర్శకుడు బాబీ 'వాల్తేరు వీరయ్య' సినిమాను రూపొందింస్తున్నారు. మైత్రీ మూవీ మేకర్స్ వారు నిర్మించిన ఈ సినిమాకి దేవిశ్రీ ప్రసాద్ సంగీతాన్ని అందించాడు.

సంక్రాంతికి విడుదల కానున్న ఈ సినిమా రిలీజ్ డేట్ దగ్గర పడుతుండటంతో విశాఖలో ఘనంగా వాల్తేరు వీరయ్య ప్రీ రిలీజ్ ఈవెంట్ నిర్వహించారు. అయితే ఈ కార్యక్రమానికి శృతి హాసన్ రాలేదు. ఆమెకు ఆరోగ్యం బాగాలేదని రాలేకపోతున్నానని తెలిపింది. t (Photo twitter)

అయితే ప్రీ రిలీజ్ ఈవెంట్’లో మాట్లాడుతూ.. చిరంజీవి శృతి హాసన్ పై కీలక వ్యాఖ్యలు చేశారు. శృతి హాసన్ కు ఏమైందో ఏంటో రాలేదన్నారు. ఒంగోలులో ఏం తినిందో... ? లేదంటే ఎవరైనా బెదిరించారో మరి ఫంక్షన్ కు రాలేదని మెగస్టార్ తనదైన స్టైల్లో సెటైర్లు వేశారు.

తనకు ఆరోగ్యం బాాగాలేదని.. కోవిడ్ టెస్ట్ కూడా చేయించుకున్నానని చెప్పిందన్నారు. పాజిటివ్ రాకూడదని కోరుకుంటున్నాని అందన్నారు. అయితే శృతి హాసన్ త్వరగా కోలుకోవాలన్నారు చిరంజీవి. ఆమె త్వరగా అనారోగ్యం నుంచి బయటపడాలన్నారు.

ఇక శృతిహాసన్ గురించి మాట్లాడుతూ.. ఆమె కూడా చాలా అద్భుతంగా నటించిందన్నారు చిరు. అంత చలిలో కూడా వణకుతూ.. శ్రీదేవి పాటలో అందంగా మెరిసిందన్నారు. ఆమె కేవలం గ్లామర్ కోసమే నటించలేదన్నారు. చీరలో మంచులో డాన్స్ చేస్తూ వణికిపోయిందన్నారు.

అంత చలిలో కూడా చీరలో శృతి హాసన్ చేసిన స్టెప్పులకు హ్యాట్సాఫ్ అన్నారు మెగాస్టార్. ఆమె డెడికేషన్ నిజంగా గ్రేట్ అంటూ శృతి హాసన్ పై ప్రశంసలు కురిపించారు. శృతి హాసన్ వాల్తేరు వీరయ్య సినిమాలో హీరోయిన్‌గా నటిస్తోన్న విషయం తెలిసిందే. చిరంజీవితో శృతికి ఇది మొదటి సినిమా. 

శృతి హాసన్ ఇటు చిరంజీవితో పాటు.. అటు బాలయ్యతో కూడా ఒకేసారి సినిమా చేస్తుంది. బాలయ్య వీర సింహా రెడ్డిలో కూడా శృతి హాసన్ హీరోయిన్. అందుకే ఆమె.. ఒంగోలోలు జరిగిన వీర సింహా రెడ్డి ప్రీ రిలీజ్ ఈవెంట్‌లో పాల్గొంది,ఆ తర్వాతే ఆమె అనారోగ్యం పాలైన విషయం తెలిసిందే.

ఇక మైత్రీ మూవీ మేకర్స్ గురించి చెప్పాలంటే.. చాలా మంచి ప్రొడక్షన్. ఒకే రోజు రెండు సినిమాలను రిలీజ్ చేస్తున్న ఏకైక ప్రొడక్షన్ ఏదైనా ఉంది అంటే అది మైత్రీ. నా సినిమాతో పాటు వీరసింహారెడ్డి సినిమా కూడా మంచి విజయం అందుకోవాలని కోరుకుంటున్నాను. డబ్బు లెక్క చూడకుండా సినిమా కోసం ఖర్చు పెట్టడంలో నిర్మాతలు ఎక్కడ తగ్గలేదు. వారికి మరిన్ని విజయాలు రావాలని కోరుకుంటున్నాను అని పేర్కొన్నారు చిరంజీవి. 

నాతో ఢీకొట్టేలా ఉండే పాత్రను రవి చేయడం ఎంతో ఆనందంగా ఉంది. అన్నయ్య సినిమాలో నా తమ్ముడిగా చేసిన రవితేజ.. ఇప్పుడు అంచలంచెలుగా ఎదిగి మాస్ మహారాజా లా ఎదిగాడు అంటే నాకు ఎంతో గర్వంగా ఉంది. రవితేజ సెట్ లో అస్సలు ఫోకస్ చేసేవాడు కాదు.. ముచ్చట్లు పెట్టేవాడు. తెగ అల్లరివాడు అంటూ చిరు రవితేజపై కామెంట్లు చేశారు.