Balakrishna : నందమూరి బాలకృష్ణ బ్లాక్ బస్టర్ చిత్రం 32 యేళ్లు పూర్తి..

నందమూరి బాలకృష్ణ రీసెంట్‌గా ‘అఖండ’తో మరో బ్లాక్ బస్టర్ అందుకన్నారు. హీరోగా ఆయనకు ఇది 106 మూవీ. ఇక బాలయ్య నటించిన ఎన్నో బ్లాక్ బస్టర్స్ మూవీస్‌లో ఒక మూవీ నేటితో 32 యేళ్లు పూర్తి చేసుకుంది. ఆ సినిమా యేంటో చూద్దాం.. (Twitter/Photo)

నారీ నారీ నడుమ మురారి సినిమా విడుదలై నేటితో 32 యేళ్లు పూర్తి చేసుకుంది. ఈ సినిమా బాలకృష్ణ, ఏ. కోదండరామిరెడ్డి కాంబినేషన్‌లో వచ్చిన 7వ సినిమా. హీరోగా నందమూరి బాలకృష్ణకు 50వ చిత్రం. ఈ సినిమా బాక్సాఫీస్ దగ్గర బ్లాక్ బస్టర్‌గా నిలిచింది. (Twitter/Photo)

నారీ నారీ నడమ మురారి హీరోగా బాలయ్య కెరీర్‌లో ఈ సినిమాకు ప్రత్యేక స్థానం ఉంది. ఈ సినిమా బాలయ్యను పూర్తి క్లాస్‌గా చూపించింది. ఈ సినిమాలో బాలయ్యకు ఒక్క ఫైట్ సీన్ లేకపోవడం విశేషం. అప్పటికే ఈయన మాస్ హీరోగా టాలీవుడ్ చిత్ర పరిశ్రమను దున్నేస్తున్న సమయంలో ఇలాంటి ప్రయోగాత్మక చిత్రంలో నటించడం విశేషం. (Twitter/Photo)

నారీ నారీ నడుమ మురారి సినిమాను యువ చిత్ర పతాకంపై కాట్రగడ్డ మురారి, కే.నరసింహనాయుడు  నిర్మించారు. గతంలో ఈయన బాలయ్యతో జంధ్యాల దర్శకత్వంలో ’సీతారామ కళ్యాణం’ సినిమాను తెరకెక్కించారు. ఈ సినిమాలో బాలయ్య సరసన శోభన, నిరోషా హీరోయిన్స్‌గా నటించారు. (Twitter/Photo)

ముఖ్యంగా ఈ సినిమాలో ఆచార్య ఆత్రేయ రాసిన ‘ఇరుభామల కౌగిలిలో’ పాటకు కే.వి.మహదేవన్ అద్భుతమైన ట్యూన్స్ ఇచ్చారు. ఈ సినిమాలోని పాటలు మ్యూజికల్ హిట్‌గా నిలిచింది. ఈ సినిమాలో దుత్తలా ఉన్నావే రంగమ్మత్తో పాటను వేటూరి రాసారు. మిగిలిన పాటలను సిరివెన్నెల సీతారామశాస్త్రి రాసారు. (Twitter/Photo)

నారీ నారీ నడుమ మురారి సినిమాకు తనికెళ్ల భరణి, భమిడిపాటి రాధాకృష్ణ,సత్యమూర్తి కథను అందించారు. వినాయక శర్మ మాటలను అందించారు. ఈ సినిమాను ఏ.కోదండరామిరెడ్డి తనదైన శైలిలో తెరకెక్కించారు. మరోవైపు బాలకృష్ణను ఈ సినిమాలో కొంచెం కొత్తగా చూపించారు. ఇక దర్శకుడు ఏ.కోదండరామిరెడ్డి, బాలకృష్ణ కాంబినేషన్‌లో పదమూడు చిత్రాలు తెరకెక్కిస్తే.. అందులో 7 సినిమాలు సూపర్ హిట్‌గా నిలిచాయి. నాలుగు సినిమాలు డిజాస్టర్స్ అయ్యాయి. 2 చిత్రాలు మాత్రం యావరేజ్‌తో సరిపెట్టుకున్నాయి.(Twitter/Photo)

నందమూరి బాలకృష్ణ దర్శకుడు ఏ. కోదండరామిరెడ్డి కాంబినేషన్‌లో వచ్చిన  చిత్రాల్లో చివరి మూడు చిత్రాలు ‘మాతో పెట్టుకోకు’, ముద్దుల మొగుడు’‘యువరత్న రాణా’ చిత్రాలు ప్లాప్‌గా నిలిస్తే.. మొదటి మూడు చిత్రాలు ..అనసూయమ్మ గారి అల్లుడు, ‘భార్గవ రాముడు’, ‘భానుమతి గారి మొగుడు’ చిత్రాలు సూపర్ హిట్‌గా నిలవడం విశేషం. (Twitter/Photo)