Ashu Reddy: ఎదపై టాటూ చూపించిన అషు రెడ్డి.. ప్రేమ విషయంలో బిగ్ బాస్ బ్యూటీ దాగుడుమూతలు

అషూ రెడ్డి ఎక్స్‌ప్రెస్ హరి జంట ఒకప్పుడు ఎంతలా ట్రెండ్ అయిందో అందరికీ తెలిసిందే. తెరపై ఒకలా తెరపై ఇంకోలా కనిపిస్తూ ఈ జంట మామూలుగా రచ్చ చేయలేదు. స్క్రీన్ మీదకు వస్తే లవర్స్‌లా నటిస్తుంటారు. ఆఫ్ స్క్రీన్‌లో హరిని అషూ ఏడిపిస్తుంటుంది. అన్నా అని పిలుస్తూ హరికి అషూ పిచ్చెక్కిస్తుంటుంది. తాజాగా మరోసారి ఈ జంట వార్తల్లోకి ఎక్కింది.

కామెడీ స్టార్స్ షోలో అషూ రెడ్డి, ఎక్స్ ప్రెస్ హరిలు చేసిన స్కిట్లు ఎంతగా వైరల్ అయ్యాయో అందరికీ తెలిసిందే. అయితే ఆ స్కిట్లలో కాస్త లవ్ ట్రాక్‌ను జోడించారు. అది కాస్త సీరియస్ అయ్యే వరకు తీసుకొచ్చారు. స్టేజ్ మీదే లవ్ ప్రపోజల్స్ చేసుకునే వారు. అవి స్కిట్లో భాగంగానా? లేక నిజమా? అన్న కన్ఫ్యూజన్‌లో జనాలను పడేసేవారు.

స్కిట్లలో అషూ రెడ్డి, హరి ఇద్దరూ బాగానే రెచ్చిపోయే వారు. లవ్ ట్రాక్ బాగానే వర్కవుట్ అవుతోందని మరింత రెచ్చిపోయారు. ఏకంగా ఎక్స్ ప్రెస్ హరి అయితే తన గుండెల మీద అషూ రెడ్డి పేరుని టాటూగా వేయించుకున్నాడు. అది కూడా ఎంతో సస్పెన్స్ క్రియేట్ చేస్తూ రివీల్ చేశారు.

ఆ టాటూ తాత్కాలికం అని, స్కిట్ కోసమే వేసుకున్నాడంటూ ముందు అనుకున్నారు. అయితే దీన్ని కూడా ప్రోమోలో వేసి ఎపిసోడ్ కోసం హైప్ పెంచేశారు. ఇక అషూ కూడా వీర లెవెల్లో నటించేసింది. స్కిట్లో భాగంగానా? నిజంగానా? ఏమో తెలీదు గానీ.. హరిని లాగి పెట్టి కొట్టేసింది. టాటూ ఎందుకు వేయించుకున్నావ్ అంటూ చెడామడా తిట్టేసింది.

తన కోసం ఎవ్వరూ టాటూ వేయించుకోలేదని, తన మీద ప్రేమ ఉన్నది కేవలం తన అమ్మకేనని, అదే నిజమైన ప్రేమ అని, తన పేరు మీదున్న టాటూ ఒకరి మీదే ఉందని అషూ రెడ్డి తన తల్లి చేతి ఫోటోను పెట్టేసింది. దీంతో హరి వేసుకున్న టాటూ డమ్మీ అని తేలిపోయింది.

అయితే ఆ తరువాతి ఎపిసోడ్‌లో కూడా హరి గుండెల మీద అషూ రెడ్డి టాటూ మాత్రం కనిపిస్తూనే వచ్చింది. అలా ఈ టాటూ నిజమైందా? కాదా? అన్నది ఇప్పటికీ అనుమానాలు రేకిత్తిస్తూనే ఉంది. ఇక ఈ ఇద్దరూ ఒకరికొకరు ఇచ్చుకునే బహుమతులు కూడా వైరల్ అవుతుంటాయి.

ఎక్స్ ప్రెస్ హరి కోసం అషూ రెడ్డి కాస్ట్ లీ బహుమతి ఇచ్చిన సంగతి తెలిసిందే. హరికి బైక్ అంటే ఇష్టమని, ఓ కాస్ట్ లీ బైకుని కొని గిఫ్ట్ ఇచ్చింది అషూ రెడ్డి. ఆ సమయంలోనూ ఈ ఇద్దరి ప్రేమ వ్యవహారం ఎక్కువగా వైరల్ అయింది. ఈ ఇద్దరూ ప్రేమలో ఉన్నారంటూ రూమర్లు వస్తుంటాయి. కానీ తామిద్దరం మాత్రం ఫ్రెండ్స్ అని చెప్పుకుంటుంటారు.

అషూ రెడ్డి బిగ్ బాస్ ఓటీటీ షోకు వెళ్లడంతో బుల్లితెరపై ఇతర షోలకు దూరంగా ఉండాల్సి వచ్చింది. అందుకే రవితో కలిసి చేసిన హ్యాపీ డేస్ షోకు అషూ దూరమైంది. ఇక కామెడీ స్టార్స్ షోలోనూ అషూ రెడ్డి కనిపించడం లేదు. అషూ లేకపోవడంతో హరి స్కిట్లు కూడా అంతగా క్లిక్ అవ్వడం లేదు.

తాజాగా అషూ రెడ్డి, హరి జంట మరోసారి నెట్టింట్లో హాట్ టాపిక్ అయింది. తాజాగా అషూ రెడ్డి తన ఇన్ స్టా స్టోరీ హరి చొక్కాను విప్పి తన టాటూని చూపిస్తున్న ఫోటోను షేర్ చేసింది. అలా అషూ రెడ్డి టాటూ హరి గుండెల మీద కనిపించడంతో వీరి ప్రేమాయణం మరోసారి వార్తల్లో నిల్చింది.