HIT 2 Collections: వన్ మిలియన్ క్లబ్‌లో హిట్ 2.. బ్యాక్ టూ బ్యాక్ హిట్స్‌తో అడివి శేష్ కేక..

Adivi Sesh - Hit 2 : మేజర్ సినమా తర్వాత అడివి శేష్ హీరోగా నటించిన మూవీ హిట్ 2. డిసెంబర్ 2న ఈ ప్రేక్షకుల ముందుకు వచ్చిన ఈ సినిమా మొదటి ఆట నుంచి పాజిటివ్ టాక్ సొంతం చేసుకుంది. అంతేకాదు ఈ సినిమా తెలుగు రాష్ట్రాల్లో మూడు రోజుల్లోనే బ్రేక్ ఈవెన్ పూర్తి చేసుకోవడం విశేషం... ఇక ఈ సినిమా ఇటు తెలుగు రాష్ట్రాల్లోనే కాకుండా అటు అమెరికాలోను అదరగొడుతోంది. (Twitter/Photo)

ఈ సినిమా హిట్‌కు సీక్వెల్‌గా వచ్చింది. హిట్ 1లో విశ్వ‌క్‌సేన్ హీరోగా నటించారు.  హిట్2లో అడివి శేష్ నటించారు. అడివి శేష్ (Adivi Sesh) గురించి ప్రత్యేకంగా చెప్పాల్సిన పనిలేదు. శేష్ ఇటీవలే మేజర్ సినిమాతో బంపర్ హిట్ అందుకున్నారు. కెరీర్ మొదట్లో కాస్త తడబడ్డ.. ఆ తర్వాత తనను తాను మార్చుకుని.. స్వయంగా తన సినిమాలకు తానే కథలు  రాసుకుంటూ వరుసగా హిట్‌లను అందుకుంటున్నారు.  (Twitter/Photo)

ఇక హిట్ 2 విషయానికి వస్తే... ఈ సినిమా ఇటు తెలుగు రాష్ట్రాల్లో అదరగొడుతోంది. అంతేకాదు అటు అమెరికాలో మంచి ఆదరణ పొందుతోంది. అందులో భాగంగా ఈ సినిమా అక్కడ వన్ మిలియన్ డాలర్స్‌ను  వసూలు చేసింది.. ఇక్కడ విశేషం ఏమంటే అడివి శేష్ చివరి చిత్రం మేజర్ కూడా USలో ఒక మిలియన్ డాలర్స్‌ను సాధించింది. ఇలా బ్యాక్ టూ బ్యాక్ మంచి చిత్రాలతో అదరగొడుతోన్నారు.  Photo : Twitter

శేష్ ప్రస్తుతం తన తదుపరి చిత్రం గూడచారి 2 స్క్రిప్ట్‌ పనుల్లో బిజీగా ఉన్నారు. ఈ చిత్రంతో పాటు శేష్ అన్నపూర్ణ స్టూడియోస్‌తో పాన్-ఇండియా ప్రాజెక్ట్ కూడా చేస్తున్నారు. ఇక ఈ సినిమా ఓటీటీ రైట్స్‌ను ను ప్రముఖ స్ట్రీమింగ్ యాప్ అమెజాన్ ప్రైమ్ వీడియో దక్కించుకుంది. హిట్ 1 కూడా ప్రైమ్ వీడియోనే  కొనుగోలు చేసిన విషయం తెలిసిందే. సినిమా విడుదలైన ఎనిమిది వారాలకు ఈ సినిమా స్ట్రీమింగ్‌కు రానుందని సమాచారం. Photo : Twitter

ఇక హిట్ 2 కథ విషయానికి వస్తే..  హీరో ఎలా విలన్ రూపంలో తనకు ఎదురయ్యే ఛాలెంజ్‌ను చేధించాడు అనేది థ్రిల్లింగ్‌గా చూపించారు.. దీనికి తోడు సౌండ్, పిశ్చర్ అదిరిపోయింది. సినిమా హిట్ అని అంటున్నారు నెటిజన్స్. ఇక ఈ చిత్రానికి ఎంఎం.శ్రీలేఖ మరియు సురేష్ బొబ్బిలి సంగీతం అందిస్తుండగా, జాన్ స్టీవర్ట్ ఎడురి బ్యాక్ గ్రౌండ్ స్కోర్ అందించారు. (Twitter/Photo)

అడివి శేష్ నటించిన హిట్ 2 థియేట్రికల్ బిజినెస్ విషయానికొస్తే.. తెలంగాణ (నైజాం)లో - రూ. 4.00 కోట్లు.. రాయలసీమ (సీడెడ్) - రూ. 1.75 కోట్లు.. ఆంధ్ర - రూ. 4.50 కోట్లు తెలంగాణ + ఆంధ్ర ప్రదేశ్ కలిపి - రూ. 10.25 కోట్లు కర్ణాటక + రెస్టాఫ్ భారత్ - రూ. 1.50 కోట్లు ఓవర్సీస్ - రూ. 2.50 కోట్లు ప్రపంచ వ్యాప్తంగా థియేట్రికల్ బిజినెస్ విషయానికొస్తే.. రూ. 14.25 కోట్లు బిజినెస్ చేసింది. ఈ సినిమా హిట్ అనిపించుకోవాలంటే రూ. 15 కోట్లు రాబట్టాలి.  ఇప్పటికే  బ్రేక్ ఈవెన్ పూర్తి చేసుకుంది.  అడివి శేష్ కెరీర్‌లో ఇదే హైయ్యెస్ట్ థియేట్రికల్ బిజినెస్ చేసిన సినిమాగా రికార్డులకు ఎక్కింది.   (Twitter/Photo)

అడివి శేష్ గత చిత్రాల విషయానికొస్తే.  మేజర్ మూవీ రూ. 13 కోట్ల ప్రీ రిలీజ్ బిజినెస్ చేసింది. ఆ తర్వాత  ‘ఎవరు’ మూవీ రూ. 10కోట్ల ప్రీ రిలీజ్ బిజినెస్ చేసింది. అటు ‘గూఢచారి’ రూ. 5 కోట్ల బిజినెస్ చేసింది. ఓవరాల్‌గా  హిట్ 2  మూవీ  అడివి శేష్ కెరీర్‌లోనే ఎక్కువ ప్రీ రిలీజ్ బిజినెస్ చేసిన సినిమాగా రికార్డులకు ఎక్కింది.. (Twitter/Photo)

ఇక ఈ సెకండ్ పార్ట్‌లో మరింతగా యాక్షన్, డ్రామా, థ్రిల్లింగ్ సీన్స్  ప్రేక్షకులను ఆకట్టుకున్నాయి. ఈ మూవీని ప్రశాంతి త్రిపురనేని, హీరో నానిలు కలిసి నిర్మించారు. హిట్ 1 తెలంగాణ నేపథ్యంగా సాగగా.. హిట్ 2 ఏపీ నేపథ్యంగా సాగనుంది.  హీరోయిన్‌గా మీనాక్షి చౌద‌రి న‌టించింది. మరో పాత్రలో కొత్త హీరోయిన్ కోమలీ ప్రసాద్ కూడా అదరగొట్టింది. ఓవరాల్‌గా హిట్ 2 మూవీ హిట్ టాక్ సొంతం చేసుకున్న నేపథ్యంలో ఈ సినిమా మొత్తంగా నిర్మాతలకు ఎన్ని కోట్లు లాభాలను తీసుకొస్తుందో చూడాలి.  (Twitter/Photo)