యాలకుల్లో చాలా రకాలున్నాయి. అవి అన్నీ జింగీబెరాసెయ్ జాతి మొక్కల నుంచీ లభిస్తాయి. యాలకులు... ఇండియాతోపాటూ... భూటాన్, నేపాల్, ఇండొనేసియాలో కూడా లభిస్తాయి. సుగంధ ద్రవ్యాల్లో రాణిగా చెప్పుకున్నే యాలకులు... ప్రపంచంలో ఖరీదైన సుగంధ ద్రవ్యాల్లో మూడోవి. కుంకుమపువ్వు, వెనీలా మాత్రమే యాలకుల కంటే ఖరీదైనవి.
యాలకుల్లో ప్రధానంగా గ్రీన్, బ్లాక్ అనే రెండు రకాలుంటాయి. ఎక్కువగా వాడే గ్రీన్ యాలకులు... ఇండియా, మలేసియాలో అధికంగా పండుతాయి.
యాలకులు జీర్ణవ్యవస్థను మెరుగుపరచడమే కాదు... కాన్సర్ లాంటి వ్యాధుల్ని కూడా అడ్డుకోగలవు. డిప్రెషన్ నుంచీ బయటపడాలంటే ఏ యాలకుల టీయో, పాలో తాగితే సరి.
పడక సుఖానికి మేలు : సంతాన సాఫల్యతను పెంచడంలో యాలకులు బాగా ఉపయోగపడుతున్నాయి. వీటిలోని సినియోల్ అనే కాంపౌండ్... పురుషుల్లో నరాల పటిష్టతకు ఉపయోగపడుతోంది. రోజూ చిటికెడు యాలకుల పొడి వాడినా చాలు... సంతాన భాగ్యం కలుగుతుంది. నరాల బలహీనత ఉన్నవారు, లైంగిక సామర్ధ్యం లేనివారూ... రోజూ యాలకులు వాడాలని డాక్టర్లు సూచిస్తున్నారు.
జీర్ణక్రియను మెరుగుపరుస్తాయి : యాలకుల్లో మెటబాలిజంను మెరుగుపరిచే గుణాలున్నాయి. ఇవి జీర్ణక్రియ చక్కగా జరిగేలా చేస్తాయి. అలాగే... కడుపులో మంట, నొప్పి వంటి వాటిని పోగొడతాయి. పొట్టలో విడుదలయ్యే బైల్ యాసిడ్‌ను యాలకులు క్రమబద్ధీకరిస్తాయి.
డిప్రెషన్‌కి సరైన మందు : కొంతమంది బాధల్ని తట్టుకోలేక డిప్రెషన్‌లోకి వెళ్లిపోతుంటారు. సూసైడ్లు కూడా చేసుకుంటూ ఉంటారు. ఇలాంటి నెగెటివ్ ఆలోచనల నుంచీ మనల్ని కాపాడగలవు యాలకులు. ప్రతి రోజూ యాలకుల టీ తాగితే... చక్కటి ఫలితాలు కనిపిస్తాయి.
ఆస్తమాకి విరుగుడు : కఫం, దగ్గు, ఊపిరాడకపోవడం, రొమ్ము దగ్గర ఏదో పట్టేసినట్లు ఉండటం వంటి సమస్యలతో బాధపడేవారు యాలకుల్ని రెగ్యులర్‌గా వాడాలి. ఇవి రక్త ప్రసరణను తేలిక చేసి... ఊపిరితిత్తులకు మేలు చేస్తాయి. కఫాన్ని కూడా తగ్గిస్తాయి. గ్రీన్ యాలకుల్ని ఆస్తమా, బ్రాంకైటిస్ వంటి సమస్యల్ని నయం చేయడానికి వాడతారు.
డయాబెటిస్‌కి సరైన ట్రీట్‌మెంట్ : యాలకుల్లో మాంగనీస్ ఎక్కువగా ఉంటుంది. అది డయాబెటిస్ రిస్క్ నుంచీ కాపాడుతుంది. ఈ దిశగా మరిన్ని ప్రయోగాలూ, పరిశోధనలూ జరుగుతున్నాయి.
బీపీని తగ్గిస్తాయి : బీపీని తగ్గించేందుకు యాలకులు బాగా పనిచేస్తాయని మీకు తెలుసా. మనం వాడే సూప్స్, బేకింగ్ ఐటెమ్స్‌లో యాలకుల పొడి అందుకే వేస్తుంటారు. యాలకులు బ్లడ్ ప్రెషర్ ఎక్కువా, తక్కువా కాకుండా చేస్తాయి.
కాన్సర్ అంతు చూస్తాయి : కాన్సర్‌ను సహజ సిద్ధంగా తగ్గించే గుణాలు యాలకులకు ఉన్నాయి. కాన్సర్‌ను అడ్డుకోవడం, అది వస్తే, త్వరగా పెరగకుండా చెయ్యగలగడం, ఒక్కోసారి కాన్సర్‌ను తగ్గించే లక్షణాలు కూడా యాలకులకు ఉన్నాయని జంతువులపై జరిపిన చాలా పరిశోధనల్లో తేలింది.
టెన్షన్ పరార్ : యాలకుల రుచి, సువాసన మనలో టెన్షన్, హార్ట్ ఫెయిల్యూర్, ఉద్రేకతలను తగ్గిస్తాయి. అందువల్ల ఒత్తిడిలో ఉన్నవారు టీ లేదా పాలలో యాలకుల పొడి వేసుకొని తాగితే బెటర్. యాలకుల గింజలు తిన్నా మంచిదే.
