గ్యాస్,అసిడిటీతో బాధపడుతున్నారా..? అయితే ఇలా చేయండి..

తిన్న ఆహారం జీర్ణం కాకపోయినా.. వేళకు తినకపోయినా పొట్టలో కొన్ని ఆమ్లాలు విడుదలవుతుంటాయి. దాంతో కడుపు ఉబ్బరంగా అనిపిస్తుంటుంది.

తీవ్ర మానసిక ఒత్తిడి, నిద్రలేమి సమస్యలు కూడా కడుపులో ఆమ్లాలు ఎక్కువగా ఉత్పత్తి అయ్యేందుకు కారణమవుతాయి.

మనం తీసుకునే ఆహారం రెండు దశల్లో జీర్ణమవుతుంది. కార్బో హ్రైడ్రేట్లు,పిండి పదార్థాలు, పీచు పదార్థాలు చిన్న పేగుల్లో కొంతవరకు జీర్ణమవుతాయి. ఆపై పెద్ద పేగుల్లో మిగతా జీర్ణ ప్రక్రియ పూర్తవుతుంది. ఈ ప్రక్రియలో హైడ్రోజన్,కార్బో హైడ్రేట్ వంటి వాయువులు విడుదలవుతాయి. పేగుల్లో ఉండే బాక్టీరియా ఈ వాయువుల సాయంతో హైడ్రోజన్ సల్ఫేడ్,మీథేన్ వంటి గ్యాస్‌లను ఉత్పత్తి చేస్తుంది.

గ్యాస్ అసిడిటీ నివారణ : శరీరానికి సరిపడే ఆహారాన్నే తీసుకోవాలి. సరైన డైట్‌తో మిత ఆహారాన్నే తీసుకోవాలి. వేళకు భోజనం చేయాలి. భోజనం తర్వాత చిన్న బెల్లం ముక్కను నోట్లో వేసుకుని చప్పరిస్తే.. ఆహారం త్వరగా జీర్ణమవడంతో పాటు గ్యాస్ సమస్యకు చెక్ పెట్టవచ్చు. అలాగే మంచినీరు ఎక్కువగా తీసుకోవడం ద్వారా అసిడిటీకి దూరంగా ఉండవచ్చు.

భోజనం తర్వాత గ్యాస్ సమస్య తీవ్రంగా ఉంటే.. ఒకటి, రెండు లవంగాలను నోట్లో వేసుకుంటే గ్యాస్,అసిడిటీ సమస్యకు చెక్ పెట్టవచ్చు.తులసి ఆకులను,కొంత తేనే రసంలో కలిపి పరగడుపున తాగితే గ్యాస్,అసిడిటీ నుంచి ఉపశమనం లభిస్తుంది.