Kidney Care | వీటితో మీ కిడ్నీలకు పొంచి ఉన్న ముప్పు.. జాగ్రత్తగా ఉండండి

శరీరంలో కిడ్నీల పనితీరు ఎంతో ముఖ్యం. శరీరంలో కిడ్నీలు ఫిల్టర్ల తరహాలో పని చేస్తాయి. శరీరంలోని మలినాలను, వ్యర్థాలను బయటకు పంపడంలో కిడ్నీలు కీలక పాత్ర పోషిస్తాయి. శరీరంలో నీరు, ఉప్పు, ఇతర మినరల్స్‌ను బ్యాలెన్స్ చేయడంలో కిడ్నీలు ముఖ్య భూమిక పోషిస్తాయి. అయితే మన రోజూవారీ అలవాట్ల కారణంగా కిడ్నీలకు ఎంత కీడు జరుగుతుందో ఎవరికీ తెలియదు. వాటిని సరి చేసుకోకపోతే కిడ్నీలు దెబ్బతినే అవకాశం ఉంది. (ప్రతీకాత్మక చిత్రం)

కొంతమంది పెయిన్ కిల్లర్స్ వంటి వాటిని ఎక్కువగా వినియోగిస్తారు. వీటి కారణంగా కిడ్నీలు తొందరగా దెబ్బతింటాయి. కిడ్నీ సమస్యలు ఉన్న వాళ్లు వీటి విషయంలో ప్రత్యేక జాగ్రత్తలు తీసుకోవాలి. వాటిని తగ్గించుకోవడం.. డాక్టర్ల సూచనల మేరకే వాటిని తీసుకోవడం చేయాలి. (ప్రతీకాత్మక చిత్రం)

మధుమేహం ఉన్న వాళ్లు కొన్ని ఆహార పదార్థాలు తీసుకోకూడదనే విషయం తెలిసిందే. అయితే కొందరు వీటిని పెద్దగా పాటించరు. ఇలాంటి వారిలో కిడ్నీలు పాడయ్యే ప్రమాదం ఉంది. చక్కెర లేదా బ్రెడ్, స్వీట్ బిస్కెట్లకు ఇలాంటి వాళ్లు దూరంగా ఉండాలి. (ప్రతీకాత్మక చిత్రం)

ఇక ఎక్కువ ఉప్పు తీసుకోవడం వల్ల బ్లడ్ ప్రెషర్ పెరుగుతుంది. ఇది కూడా కిడ్నీ వ్యాధులకు కారణమవుతుంది. అందుకే ఉప్పుకు బదులుగా వేరే వాటిని వినియోగించాలని డాక్టర్లు సూచిస్తుంటారు. (ప్రతీకాత్మక చిత్రం)

ఇక ఒక చోట ఎక్కువ సేపు కూర్చుని పని చేసేవారికి కూడా కిడ్నీ సమస్యలు వచ్చే అవకాశం ఉంటుంది. ఈ లైఫ్ స్టయిల్ కిడ్నీలకు మేలు చేయదని నిపుణులు చెబుతుంటారు. ఇలాంటి వాళ్లు శరీరానికి ఎక్సర్‌సైజ్ అయ్యేలా చూసుకోవాలి. అలా చేయడం వల్ల కిడ్నీలు భద్రంగా ఉంటాయి. (ప్రతీకాత్మక చిత్రం)

ప్రస్తుత లైఫ్ స్టయిల్లో చాలామంది ఇంటి భోజనం కంటే ఎక్కువగా జంక్ ఫుడ్‌పై ఆసక్తి చూపిస్తున్నారు. అయితే ఇందులో సోడియం, పాస్పరస్ ఎక్కువగా ఉంటాయి. అవి కిడ్నీలకు కీడు చేస్తాయి. పాస్పరస్ ఎక్కువగా ఉండే ఆహార పదార్థాలు కిడ్నీలతో పాటు యముకలకు కూడా కీడు చేస్తాయి. (ప్రతీకాత్మక చిత్రం)

ఇక మాంసం వంటి ఆహార పదార్థాలలోని ప్రొటీన్లు బ్లడ్‌లో యాసిడ్ శాతానికి ఎక్కువగా పెంచేస్తుంటాయి. ఇది కిడ్నీలను దెబ్బతీస్తుంది. దీని వల్ల కీడ్నీలకు సంబంధించిన అసిడోసిస్ అనే వ్యాధి వచ్చే ప్రమాదం ఉంది. (ప్రతీకాత్మక చిత్రం)

కొంతమంది నీళ్లు తక్కువగా తాగుతుంటారు. అయితే దీని వల్ల కిడ్నీలపై ఎక్కువ ఒత్తిడి పడుతుంది. శరీరరంలోని వ్యర్థాలను బయటకు పంపించే కిడ్నీలకు నీరు ఎక్కువగా అవసరం. అందుకే కిడ్నీల్లో రాళ్లు ఉండే వాళ్లు ఎక్కువగా నీళ్లు తాగాలని డాక్టర్లు సూచిస్తుంటారు. (ప్రతీకాత్మక చిత్రం)