Sage leaves : పవిత్ర ఆకులు.. అమృతంతో సమానం.. ఎలా వాడాలి? లాభాలేంటి?

Medicinal Properties : సేజ్ ఆకులను శతాబ్దాలుగా మందుల తయారీలో ఉపయోగిస్తున్నారు. ఇంకా చాలా రకాలుగా వీటిని ఉపయోగించుకోవచ్చు. వీటి ధర ఎక్కువే. 100 గ్రాముల ఎండిపోయిన సేజ్ ఆకుల ధర దాదాపు రూ.200 ఉంది. ఈ మూలికలకు ఇండియాతోపాటూ.. ప్రపంచవ్యాప్తంగా డిమాండ్ ఉంది. ఎందుకో తెలుసుకుందాం.
(image credit - wikipedia - Jonathunder - GFDL 1.2)

Inflammation : మన శరీరంలో వేడి, నొప్పులను తగ్గించే యాంటీ ఇన్‌ఫ్లమేటరీ గుణాలు సేజ్ ఆకుల్లో ఉన్నాయి. అంతేకాదు వీటిలో యాంటీఆక్సిడెంట్స్ ఉండటం వల్ల మనం ఈ ఆకుల్ని వాడితే.. మనకు క్యాన్సర్, ఇతర రోగాలు వచ్చే అవకాశాలు తక్కువ. కణాలను ఇవి బాగా కాపాడతాయి.

Alzheimer's : పిల్లలకు మనం సరస్వతి ఆకులు తినిపిస్తాం కదా.. వాటిని తింటే వారికి చదువు బాగా వస్తుందని భావిస్తాం కదా... అలాగే ఈ ఆకులు కూడా మెమరీ పవర్ పెంచుతాయి. పిల్లల నుంచి పెద్దల వరకూ ఎవరైనా సరే.. బ్రెయిన్ బాగా పనిచెయ్యాలంటే.. ఈ ఆకులు వాడాలి. మతిమరపు లాంటి అల్జీమర్స్ వ్యాధి (Alzheimer's disease) రాకుండా ఈ ఆకులు కాపాడగలవు.

Menopause : మహిళల్లో మెనోపాజ్ దశ వారికి పెద్ద సమస్య. ఈ దశలో వారికి అన్ని రకాలుగా మేలు చేసే గుణాలు సేజ్ ఆకుల్లో ఉన్నాయి. అందువల్ల మెనోపాజ్ దశలో ఉన్న మహిళలు ఈ ఆకులను వాడటం చాలా మేలు.

Digestion : అజీర్తి, కడుపు ఉబ్బరం, గ్యాస్, కడుపులో అసౌకర్యం వంటి సమస్యలకు సేజ్ ఆకులు కొంతవరకూ ఉపశమనం కలిగించగలవు.

Immunity : నిండా ఔషధ గుణాలతో ఉండటం వల్ల ఈ ఆకులు.. మన శరీరంలో వ్యాధి నిరోధక శక్తిని పెంచుతాయి. రకరకాల ఇన్ఫెక్షన్ల నుంచి మనల్ని కాపాడగలవు.

Anti-diabetic : డయాబెటిస్ సమస్యతో బాధపడేవారు ఈ ఆకులను తీసుకుంటే.. వారి బ్లడ్‌లో షుగర్ లెవెల్స్ కంట్రోల్‌లో ఉంటాయని కొన్ని అధ్యయనాలు చెబుతున్నాయి.

Culinary use : సేజ్ ఆకుల్ని వంటల్లో ఉపయోగిస్తారు. ముఖ్యంగా మధ్య ఆసియా, గల్ఫ్ దేశాల్లో వాడుతారు. ఎందుకంటే ఇది సువాసన వస్తుంది. సాస్‌లు, స్టఫ్‌లు, సూప్‌లు, స్ట్యూస్‌లలో వాడుతారు.

Herbal tea : సేజ్ ఆకులతో హెర్బల్ టీ తయారుచేస్తారు. ఇది గొంతులో మంటను తగ్గిస్తుంది. జీర్ణక్రియను మెరుగుపరుస్తుంది. వేడి నీటిలో కొన్ని సేజ్ ఆకులు వేసి.. కొన్ని నిమిషాలు ఉడికించి.. వడగట్టి, టీలా తాగుతారు.

Aromatherapy : ఈ సేజ్ ఆకులతో వచ్చే సువాసన.. ఒత్తిడి, ఆందోళనను తగ్గించగలదు. ఎండిన ఆకులను బొగ్గులపై వేసి కాల్చితే.. వచ్చే పొగకు ఇల్లంతా పరిమళాలతో నిండిపోతుంది. సెంట్ వాసన వస్తుంది.

Hair and skincare : ఈ ఆకులను హెయిర్ డై తయారీలో వాడుతారు. ఫేస్ మాస్కులు, షాంపూలు, కండీషనర్లలో కూడా వాడుతారు. ఈ ఆకులు జుట్టు, కుదుళ్లకు మేలు చేస్తాయి. చాలా మంది తలకు పట్టించే ఆయిల్‌లో ఈ ఆకుల పొడిని కలిపి రాసుకుంటారు. మీరు కూడా అలా చెయ్యాలని ప్రయత్నించవద్దు. నిపుణుల సమక్షంలోనే అలా చెయ్యడం మేలు కదా.

ఈ ఆకుల్ని గర్భిణీలు, బాలింతలు ఎక్కువగా వాడకూడదు. అందుకే వీటిని కొద్దిగానే వాడుకుంటే ఆరోగ్యం. మీకు ఈ ఎండిన ఆకులు కావాలి అనుకున్నా, లేక ఈ ఆకుల టీ పొడి కావాలి అనుకున్నా... ఆన్‌లైన్ ఈ-కామర్స్ సైట్లలో లభిస్తున్నాయి. (Disclaimer: ఈ ఆర్టికల్‌లో ఇచ్చినది సాధారణ సమాచారం. ఇది అందరికీ ఒకే రకంగా వర్తించకపోవచ్చు. వ్యక్తుల ఆరోగ్యాన్ని బట్టీ ఫలితాలు ఉంటాయి. దీన్ని న్యూస్ 18 నిర్ధారించట్లేదని గమనించగలరు. దీన్ని లెక్కలోకి తీసుకునే ముందు.. సంబంధిత నిపుణుల సలహాలు తీసుకోండి.)