Rose health benefits: రోజా పూలతో చక్కటి ఆరోగ్యం... ఇలా చెయ్యండి

రోజా పూలను సాధారణంగా రొమాంటిక్ వేలో చూస్తారు. కారణం అవి చాలా అందంగా ఉండటం, చక్కటి సెంట్ స్మెల్ ఇస్తుండటమే. కాస్మొటిక్ ఇండస్ట్రీలో రోజా పూలు, రోజ్ వాటర్ ఎంతో ఉపయోగపడుతున్నాయి.

బరువు తగ్గాలనుకునేవారు రోజా పూల రేకులను తినవచ్చు. డైరెక్టుగా తినలేకపోతే, ఇతర ఆహార పదార్థాలతో కలిపి తినవచ్చు. ఫలితంగా బరువు తగ్గుతారని పరిశోధనల్లో తేలింది.

రోజా పూలు తింటే, శరీరంలో మెటబాలిజం చక్కగా పనిచేస్తుంది. అంటే అన్ని అవయవాల పనితీరూ మెరుగవుతుంది. బ్యాలెన్స్ అవుతుంది.

రోజా పూల వాసన స్ట్రెస్ తగ్గిస్తుంది. ఒత్తిడిలో ఉండేవారు రోజ్ పూలను వాసన చూస్తే ఉపశమనం కలుగుతుంది.

రోజూ స్నానం చేసే ముందు రోజా పూల రేకుల్ని అరగంటపాటూ నీటిలో ఉంచి, ఆ నీటితో స్నానం చేస్తే, ఎంతో రిలాక్స్ ఫీల్ కలుగుతుంది.

రోజాలలో సీ విటమిన్ ఉంటుంది. ఇది మన చర్మ కణాలను రిపేర్ చేస్తుంది. పాడైన కణాలు పునరుజ్జీవం పొందుతాయి. వ్యాధి నిరోధక శక్తి కూడా పెరుగుతుంది.

రోజాలు మన శరీరాన్ని చల్లబరుస్తాయి. కళ్లు మంటగా ఉండేవారు... కొన్ని రోజాల రేకులను కళ్లపై ఉంచుకుంటే, ఇర్రిటేషన్ తగ్గి, కూల్‌గా అనిపిస్తుంది.

రోజ్ వాటర్‌లో సూక్ష్మక్రిములతో పోరాటే గుణం ఉంటుంది. ఈ నీటితో కళ్లు, ముఖాన్ని కడుక్కుంటే... చర్మం మరింత కోమలంగా మారడమే కాదు... ముఖం, కళ్లలో ఉండే సూక్ష్మక్రిములు వదిలిపోతాయి.

మతిమరపు సమస్యలు ఎక్కువవుతుంటే, రోజా పూల రేకులను తిన్నా, వాసన చూసినా మంచి ఫలితాలు కనిపిస్తాయి. రోజ్ వాటర్, రోజ్ ఆయిల్ కూడా ఇలాంటి ఫలితాలు ఇస్తాయి.

మైగ్రేన్ తలనొప్పి వంటివి ఉన్నవారు రోజ్ ఆయిల్‌తో మర్దన చేసుకుంటే ఎంతో మేలు కలుగుతుంది.

మహిళల్లో రుతుస్రావ సమస్యలు ఉన్నవారు... రోజాల రేకులను తింటే మంచిది. సంతాన సాఫల్య సమస్యలకు కూడా ఇవి చెక్ పెడతాయి. ఐతే రోజా పూల రేకులను బాగా కడిగిన తర్వాతే తినాలి. ఎందుకంటే వాటిపై పురుగు మందులు చల్లుతుంటారు.