UPSC CDS Exam 2021: ఆర్మీ, నేవీ, ఎయిర్‌ఫోర్స్‌లో 345 జాబ్స్... ఈరోజే లాస్ట్ డేట్

1. యూనియన్ పబ్లిక్ సర్వీస్ కమిషన్-UPSC ప్రతీ ఏటా రెండు సార్లు కంబైన్డ్ డిఫెన్స్ సర్వీసెస్-CDS ఎగ్జామినేషన్ నోటిఫికేషన్ విడుదల చేస్తుందన్న సంగతి తెలిసిందే. 2021 ఏడాదికి సంబంధించి మొదటి నోటిఫికేషన్ విడుదలైంది. (ప్రతీకాత్మక చిత్రం)

2. కంబైన్డ్ డిఫెన్స్ సర్వీసెస్-CDS 1 ఎగ్జామినేషన్ 2021 నోటిఫికేషన్ ద్వారా దరఖాస్తుల్ని స్వీకరిస్తోంది యూపీఎస్‌సీ. మొత్తం 345 పోస్టుల్ని ప్రకటించింది. ఈ నోటిఫికేషన్ ద్వారా డిఫెన్స్‌లోని ఎయిర్‌ఫోర్స్, నేవీ, మిలిటరీ ఫోర్స్‌లో పలు ఖాళీలను భర్తీ చేస్తోంది యూపీఎస్‌సీ. (ప్రతీకాత్మక చిత్రం)

3. దేశంలోని పలు ప్రాంతాల్లో ఉన్న అకాడమీల్లో ఈ పోస్టులు ఉన్నాయి. హైదరాబాద్‌లోని ఎయిర్‌ఫోర్స్ అకాడమీలో కూడా పలు ఖాళీలు ఉన్నాయి. UPSC CDS 1 2021 నోటిఫికేషన్ దరఖాస్తు ప్రక్రియ ప్రారంభమైంది. 2020 నవంబర్ 17 సాయంత్రం 6 గంటల్లోగా అప్లై చేయాలి. (ప్రతీకాత్మక చిత్రం)

4. దరఖాస్తుల విత్‌డ్రా చేయడానికి 2020 నవంబర్ 24 నుంచి నవంబర్ 30 వరకు అవకాశం ఉంటుంది. నవంబర్ 30 సాయంత్రం 6 గంటల్లోగా దరఖాస్తులు విత్‍డ్రా చేయొచ్చు. అడ్మిట్ కార్డులు ఎగ్జామ్‌కు మూడు వారాల ముందు విడుదలౌతాయి. కంబైన్డ్ డిఫెన్స్ సర్వీసెస్ ఎగ్జామ్ 2021 ఫిబ్రవరి 7న ఉంటుంది. (ప్రతీకాత్మక చిత్రం)

5. ఖాళీల వివరాలు చూస్తే మొత్తం 345 ఖాళీలు ఉండగా అందులో ఇండియన్ మిలిటరీ అకాడమీ, డెహ్రడూన్- 100, ఇండియన్ నావల్ అకాడమీ, ఎజిమల- 26, ఎయిర్‌ఫోర్స్ అకాడమీ, హైదరాబాద్- 32, ఆఫీసర్స్ ట్రైనింగ్ అకాడమీ, చెన్నై (పురుషులు)- 170, ఆఫీసర్స్ ట్రైనింగ్ అకాడమీ, చెన్నై (మహిళలు)- 17 పోస్టులున్నాయి. (ప్రతీకాత్మక చిత్రం)

6. విద్యార్హత వివరాలు చూస్తే ఐఎంఏ, ఆఫీసర్స్ ట్రైనింగ్ అకాడమీ-చెన్నై కోసం డిగ్రీ పాస్ కావాలి. ఇండియన్ నావల్ అకాడమీ కోసం ఇంజనీరింగ్ డిగ్రీ ఉండాలి. ఎయిర్ ఫోర్స్ అకాడమీ కోసం 10+2 స్థాయిలో ఫిజిక్స్, మ్యాథ్స్‌తో పాటు డిగ్రీ పాస్ కావాలి. లేదా ఇంజనీరింగ్‌లో బ్యాచిలర్ డిగ్రీ ఉండాలి. దరఖాస్తు ఫీజు రూ.200. ఎస్సీ, ఎస్టీ, మహిళా అభ్యర్థులకు ఫీజు లేదు. (ప్రతీకాత్మక చిత్రం)

7. ఈ నోటిఫికేషన్‌కు సంబంధించిన పూర్తి వివరాలను https://upsc.gov.in/ వెబ్‌సైట్‌లో తెలుసుకోవచ్చు. నోటిఫికేషన్ చదివి విద్యార్హతల వివరాలు తెలుసుకున్న తర్వాత https://upsconline.nic.in/ వెబ్‌సైట్‌లో అప్లై చేయాలి. (ప్రతీకాత్మక చిత్రం)

8. అభ్యర్థులు నోటిఫికేషన్ చదివిన తర్వాత https://upsconline.nic.in/ వెబ్‌సైట్ ఓపెన్ చేయాలి. హోమ్ పేజీలో ONLINE APPLICATION FOR VARIOUS EXAMINATIONS OF UPSC లింక్ క్లిక్ చేయాలి. కొత్త పేజీ ఓపెన్ అవుతుంది. అందులో Combined Defence Services Examination (I) నోటిఫికేషన్ కనిపిస్తుంది. (ప్రతీకాత్మక చిత్రం)

9. Part-I Registration రిజిస్ట్రేషన్ చేసేందుకు లింక్ పైన క్లిక్ చేయాలి. మీ వివరాలతో పార్ట్ 1 రిజిస్ట్రేషన్ పూర్తి చేయాలి. ఆ తర్వాత పార్ట్ 2 రిజిస్ట్రేషన్ చేసి పూర్తి చేయాలి. ఫోటో, సంతకం అప్‌లోడ్ చేసి, ఫీజు చెల్లించి దరఖాస్తు ప్రక్రియ పూర్తి చేయాలి. దరఖాస్తు ఫామ్ ప్రింట్ తీసుకొని భవిష్యత్తులో రిఫరెన్స్ కోసం భద్రపర్చుకోవాలి. (ప్రతీకాత్మక చిత్రం)