TMREIS Recruitment 2021: తెలంగాణ మైనార్టీ కాలేజీల్లో 840 జూనియర్ లెక్చరర్ పోస్టులు... ఖాళీల వివరాలు ఇవే

1. తెలంగాణలోని నిరుద్యోగులకు శుభవార్త. తెలంగాణలోని మైనార్టీ కాలేజీల్లో ఖాళీల భర్తీకి నోటిఫికేషన్ విడుదలైంది. 840 జూనియర్ లెక్చరర్ల పోస్టులకు దరఖాస్తు ప్రక్రియ ప్రారంభమైంది. తెలుగు, ఇంగ్లీష్, కామర్స్, ఎకనామిక్స్ లాంటి సబ్జెక్ట్స్‌లో ఈ ఖాళీలు ఉన్నాయి. (ప్రతీకాత్మక చిత్రం)

2. తెలంగాణలో ఉన్న 111 తెలంగాణ మైనార్టీస్ రెసిడెన్షియల్ జూనియర్ కాలేజీల్లో ఈ ఖాళీలు ఉన్నాయి. 2021-22 విద్యా సంవత్సరం కోసం ఈ పోస్టుల్ని భర్తీ చేస్తోంది తెలంగాణ మైనార్టీస్ రెసిడెన్షియల్ ఎడ్యుకేషనల్ ఇన్‌స్టిట్యూషన్స్ సొసైటీ-TMREIS. (ప్రతీకాత్మక చిత్రం)

3. మరోవైపు 85 వొకేషనల్ జూనియర్ కాలేజీలు, 12 టీఎంఆర్ వొకేషనల్ జూనియర్ కాలేజీల్లో కూడా పోస్టుల్ని భర్తీ చేస్తోంది. ఔట్‌సోర్సింగ్ ఏజెన్సీ ద్వారా ఈ పోస్టుల్ని భర్తీ చేస్తోంది. ఇవి తాత్కాలిక పోస్టులు మాత్రమే. రెగ్యులర్ రిక్రూట్‌మెంట్ ప్రాసెస్ ద్వారా లెక్చరర్లను నియమిస్తే తాత్కాలిక ఉద్యోగులను తొలగిస్తారు. (ప్రతీకాత్మక చిత్రం)

4. మొత్తం 840 ఖాళీలు ఉండగా అందులో ఇంగ్లీష్- 111, ఉర్దూ- 111, తెలుగు- 111, మ్యాథ్స్- 80, ఫిజిక్స్- 63, కెమిస్ట్రీ- 63, బాటనీ- 63, జువాలజీ- 63, హిస్టరీ- 31, ఎకనమిక్స్- 48, సివిక్స్- 48, కామర్స్- 48, వొకేషనల్ జూనియర్ కాలేజీల్లో ఖాళీలు- 85 పోస్టులున్నాయి. (ప్రతీకాత్మక చిత్రం)

5. విద్యార్హతల వివరాలు చూస్తే సంబంధిత సబ్జెక్ట్‌లో పోస్ట్ గ్రాడ్యుయేషన్ డిగ్రీ 50 శాతం మార్కులతో పాస్ కావాలి. బీఈడీ పాస్ కావాలి. జూనియర్ కాలేజీ, సెకండరీ స్కూల్‌లో ఇంటర్ ఫస్ట్ ఇయర్, సెకండ్ ఇయర్ విద్యార్థులకు మూడేళ్లు బోధించిన అనుభవం ఉండాలి. (ప్రతీకాత్మక చిత్రం)

6. రాతపరీక్ష, ఇంటర్వ్యూ ద్వారా ఎంపిక చేస్తారు. రాతపరీక్షలో 100 మార్కులకు ప్రశ్నలు ఉంటాయి. ఇంటర్వ్యూలో 50 మార్కులు ఉంటాయి. (ప్రతీకాత్మక చిత్రం)

7. ఈ పోస్టులకు దరఖాస్తు చేయడానికి 2021 ఆగస్ట్ 2 చివరి తేదీ. జిల్లా కలెక్టర్ ఆఫీసులో ఔట్ సోర్సింగ్ ఏజెన్సీకి దరఖాస్తుల్ని సబ్మిట్ చేయాల్సి ఉంటుంది. 2021 ఆగస్ట్ 6న రాతపరీక్ష ఉంటుంది. ఆగస్ట్ 12, 13, 25, 27 తేదీల్లో ఇంటర్వ్యూలు ఉంటాయి. (ప్రతీకాత్మక చిత్రం)