TSPSC Group 4 Applications: గ్రూప్ 4కు భారీ సంఖ్యలో దరఖాస్తులు.. ఎన్ని లక్షల అప్లికేషన్స్ వచ్చాయంటే..

తెలంగాణలో 8039 గ్రూప్-4 ఉద్యోగాలకు సంబంధించిన నోటిఫికేషన్ గత నెలలో విడుదలైన విషయం తెలిసిందే. ఇందుకు సంబంధించిన అప్లికేషన్ ప్రాసెస్ ను డిసెంబర్ 30 నుంచి ప్రారంభించింది పబ్లిక్ సర్వీస్ కమిషన్. (ప్రతీకాత్మక చిత్రం)

భారీగా ఉద్యోగాలు ఉండడంతో ఈ ఖాళీలకు దరఖాస్తు చేసుకోవడానికి నిరుద్యోగులు పోటీ పడుతున్నారు.  జనవరి 23 సాయంత్రం వరకు దరఖాస్తుల సంఖ్య 6.30 లక్షలు దాటినట్లు టీఎస్పీఎస్సీ తెలిపింది.

దరఖాస్తులకు ఈ నెల 30ని ఆఖరి తేదీ. అర్హత, ఆసక్తి కలిగిన అభ్యర్థులు ఆ రోజు సాయంత్రం 5 గంటలలోగా తమ దరఖాస్తులను సమర్పించాల్సి ఉంటుంది. (ప్రతీకాత్మక చిత్రం)

అయితే.. గడువు నాటికి దరఖాస్తుల సంఖ్య  ఇంకా  భారీగా పెరిగే అవకాశాలు ఉన్నాయి.  కనీసం  10 లక్షల సంఖ్య అయినా దాటే అవకాశం ఉందని అధికారులు అంచనా వేస్తున్నారు. (ప్రతీకాత్మక చిత్రం)

అయితే.. అభ్యర్థులు ఆఖరి నిమిషం వరకు ఆగకుండా.. ముందుగానే దరఖాస్తులు సమర్పించాలని పబ్లిక్ సర్వీస్ కమిషన్ సూచిస్తోంది. ఇప్పటి వరకు వచ్చిన లెక్కలను పరిశీలిస్తే గ్రూప్-4 కు ప్రతీ రోజు సగటున 25 వేలకు పైగా దరఖాస్తులు వస్తున్నాయి. (ప్రతీకాత్మక చిత్రం)

ఇదిలా ఉండగా.. గ్రూప్ 4 కు దరఖాస్తు చేయాలంటే.. ఏదైనా డిగ్రీ పూర్తి  చేసి ఉండాలి. ఇంటర్ పూర్తి చేసిన అభ్యర్థులకు ఈ పోస్టులకు దరఖాస్తు చేసుకునేందుకు అవకాశం లేదని నోటిఫికేషన్ లో పేర్కొన్నారు.