Job In Signareni: గుడ్ న్యూస్.. సింగరేణిలో మరో జాబ్ నోటిఫికేషన్ విడుదల.. దరఖాస్తు ప్రక్రియ ఇలా..

ది సింగరేని కాలరీస్‌ కంపెనీ లిమిటెడ్‌ (SCCL) పలు పోస్టుల భర్తీకి నోటిఫికేషన్‌ జారీ చేసింది. ఇప్పటికే జూనియర్ అసిస్టెంట్ పోస్టులకు సంబంధించి నోటిఫికేషన్ విడుదల చేసి.. దరఖాస్తుల స్వీకరణ ప్రక్రియను కూడా ముగించిన సంస్థ.. సెప్టెంబర్ 4న రాత పరీక్ష నిర్వహణకు ఏర్పాట్లను చేపడుతోంది.  (ప్రతీకాత్మక చిత్రం_ 

వీటితో పాటు.. ఐటీఐ అప్రెంటిషిప్ కు సంబంధించి పోస్టులకు కూడా ఇటీవల నోటిఫికేషన్ వెల్లడించింది. దీనికి సంబంధించి దరఖాస్తుల స్వీకరణ జరుగుతోంది. ఇదిలా ఉండగా తాజాగా సింగరేణి కాలరీస్ మరో నోటిఫికేషన్ ను వెల్లడించింది.

ఈ సంస్థలో పలు ఖాళీలను కాంట్రాక్ట్‌ విధానంలో తీసుకునేందుకు చర్యలు చేపట్టింది. దీనికి సంబంధించి నోటిఫికేషన్ వెల్లడించింది. ఏయే విభాగాల్లో ఖాళీలు ఉన్నాయి. ఈ పోస్టులకు ఎవరు అర్హులు.. ఎలా దరఖాస్తు చేసుకోవాలనే విషయాలను ఇక్కడ తెలుసుకుందాం.

నోటిఫికేషన్‌లో భాగంగా మొత్తం 30 జనరల్‌ మెడికల్‌ కన్సల్టెంట్ పోస్టులను భర్తీ చేయనున్నారు. ఈ పోస్టులకు దరఖాస్తు చేసుకునే అభ్యర్థులు ఎంబీబీఎస్‌లో ఉత్తీర్ణత సాధించాలి. దీంతో పాటు.. రాష్ట్ర వైద్య మండలిలో నమోదు తప్పనిసరి.  (ప్రతీకాత్మక చిత్రం)

దరఖాస్తు చేసుకునే అభ్యర్థుల వయస్సు 64 ఏళ్లకు మించకూడదని నోటిఫికేషన్ లో పేర్కొన్నారు. ఈ పోస్టులకు ఆన్ లైన్ విధానంలో దరఖాస్తులను స్వీకరిస్తున్నారు.  (ప్రతీకాత్మక చిత్రం)

ఆగస్టు 4న ప్రారంభం అయిన ఈ దరఖాస్తుల ప్రక్రియ ఆగస్టు 13 సాయంత్రం 5గంటలకు ముగియనుంది. డైరెక్టర్‌, పీఏ అండ్‌ డబ్ల్యూ, ఎస్‌సీసీఎల్‌, ప్రధాన కార్యాలయం, కొత్తగూడెం, భద్రాద్రి కొత్తగూడెం జిల్లా అడ్రస్‌లో ఆగస్టు 16 ఉదయం 9.30 గంటలకు ఇంటర్వ్యూలు నిర్వహించనున్నారు. (ప్రతీకాత్మక చిత్రం)

 ఇంటర్వ్యూలో చూపిన ప్రతిభ ఆధారంగా అభ్యర్థులను ఎంపిక చేయనున్నారు. ఎంపికైన అభ్యర్థులకు నెలకు రూ.85వేలు జీతంగా చెల్లించనున్నారు. ఇతర వివరాలకు https://scclmines.com వెబ్ సైట్ ను సందర్శించి తెలుసుకోవచ్చు.  (ప్రతీకాత్మక చిత్రం)