JEE Main 2021: జేఈఈ మెయిన్ 2021 దరఖాస్తుకు ఇంకొన్ని గంటలే గడువు

1. జాయింట్ ఇంజనీరింగ్ ఎంట్రెన్స్- JEE మెయిన్ 2021 పరీక్షకు దరఖాస్తు గడువును పెంచింది నేషనల్ టెస్టింగ్ ఏజెన్సీ-NTA. వాస్తవానికి దరఖాస్తు గడువు జనవరి 16న ముగిసింది. దరఖాస్తు చేయనివారికి మరో అవకాశం ఇచ్చింది నేషనల్ టెస్టింగ్ ఏజెన్సీ-NTA. అభ్యర్థులు 2021 జనవరి 23 వరకు అప్లై చేయొచ్చు. (ప్రతీకాత్మక చిత్రం)

2. నేషనల్ టెస్టింగ్ ఏజెన్సీ ఫిబ్రవరి, మార్చి, ఏప్రిల్, మే నెలల్లో నాలుగు సెషన్లలో జేఈఈ మెయిన్ 2021 పరీక్షల్ని నిర్వహిస్తోంది. అభ్యర్థులు ఒకటి, రెండు, మూడు, నాలుగు సెషన్లకు దరఖాస్తు చేయొచ్చు. అయితే ప్రతీ సెషన్‌కు వేర్వేరుగా దరఖాస్తు చేయాలి. ఎగ్జామ్ ఫీజు వేర్వేరుగా చెల్లించాలి. (ప్రతీకాత్మక చిత్రం)

3. ఫిబ్రవరి సెషన్‌కు దరఖాస్తు చేసేందుకు 2021 జనవరి 23 చివరి తేదీ. ఫిబ్రవరి 23, 24, 25, 26 తేదీల్లో మొదటి సెషన్ ఎగ్జామ్ జరగనుంది. అభ్యర్థులు https://jeemain.nta.nic.in/ వెబ్‌సైట్‌లో దరఖాస్తు చేయాల్సి ఉంటుంది. (ప్రతీకాత్మక చిత్రం)

4. ఎన్ఐటీ, ఐఐఐటీ, కేంద్ర ప్రభుత్వ నిధులతో నడుస్తున్న టెక్నికల్ ఇన్‌స్టిట్యూషన్స్, రాష్ట్ర ప్రభుత్వ నిధులతో నడిచే విద్యా సంస్థల్లో టెక్నికల్ కోర్సుల్లో చేరేందుకు విద్యార్థులు జేఈఈ మెయిన్ 2021 ఎగ్జామ్ రాయాల్సి ఉంటుంది. (ప్రతీకాత్మక చిత్రం)

5. జేఈఈ మెయిన్ 2021 ఎగ్జామ్‌కు దరఖాస్తు చేసేందుకు విద్యార్థులు ముందుగా https://jeemain.nta.nic.in/ వెబ్‌సైట్ ఓపెన్ చేయాలి. హోమ్ పేజీలో Apply for JEE (Main) 2021 పైన క్లిక్ చేయాలి. ఆ తర్వాత New Registration పైన క్లిక్ చేయాలి. (ప్రతీకాత్మక చిత్రం)

6. ఇన్ఫర్మేషన్ బులెటిన్ డౌన్‌లోడ్ చేసుకొని పూర్తిగా చదవాలి. అన్ని అర్హతలు ఉన్న అభ్యర్థులు మాత్రమే అప్లై చేయాలి. ఆ తర్వాత Click here to Proceed పైన క్లిక్ చేయాలి. పేరు, ఇతర వివరాలతో రిజిస్టర్ చేయాలి. (ప్రతీకాత్మక చిత్రం)

7. ఆ తర్వాత లాగిన్ చేసి దరఖాస్తు ఫామ్ నింపాలి. ఫోటో, సంతకం, సర్టిఫికెట్లు అప్‌లోడ్ చేయాలి. చివరగా ఫీజు చెల్లించి దరఖాస్తు ఫామ్ సబ్మిట్ చేయాలి. అప్లికేషన్ ఫామ్ డౌన్‌లోడ్ చేసుకొని భద్రపర్చుకోవాలి. అడ్మిట్ కార్డులు ఫిబ్రవరి రెండోవారంలో విడుదలౌతాయి. (ప్రతీకాత్మక చిత్రం)