ECIL Recruitment 2021: హైదరాబాద్‌లోని ఈసీఐఎల్‌లో జాబ్స్... దరఖాస్తుకు 2 రోజులే గడువు

1. నిరుద్యోగులకు గుడ్ న్యూస్. హైదరాబాద్‌లోని ఎలక్ట్రానిక్స్ కార్పొరేషన్ ఆఫ్ ఇండియా-ECIL ఉద్యోగాల భర్తీకి నోటిఫికేషన్ విడుదల చేసింది. టెక్నికల్ ఆఫీసర్ పోస్టుల్ని భర్తీ చేస్తోంది. మొత్తం 8 పోస్టులు ఉన్నాయి. కాంట్రాక్ట్ పద్ధతిలో భర్తీ చేస్తున్న పోస్టులు ఇవి. కాంట్రాక్ట్ గడువు రెండేళ్లు మాత్రమే ఉంటుంది. సంస్థ అవసరాలను బట్టి కాంట్రాక్ట్ గడువు పొడిగించే అవకాశం ఉంది. (ప్రతీకాత్మక చిత్రం)

2. ఈ పోస్టులకు దరఖాస్తు గడువు కొనసాగుతోంది. 2021 ఆగస్ట్ 25 సాయంత్రం 4 గంటల్లోగా దరఖాస్తు చేయాలి. ఎంపికైనవారికి హైదరాబాద్‌లోనే పోస్టింగ్ ఉంటుంది. ఆసక్తి గల అభ్యర్థులు ఈసీఐఎల్ అధికారిక వెబ్‌సైట్ http://www.ecil.co.in/ లో మరిన్ని వివరాలు తెలుసుకోవచ్చు. అప్లై చేసేముందు నోటిఫికేషన్ పూర్తిగా చదివి విద్యార్హతలు తెలుసుకోవాలి. (ప్రతీకాత్మక చిత్రం)

3. మొత్తం 8 ఖాళీలు ఉండగా అందులో టెక్నికల్ ఆఫీసర్ కేటగిరీ 1 ఎంసీడీ- 5, టెక్నికల్ ఆఫీసర్ కేటగిరీ 2 ఈడీపీ- 2, టెక్నికల్ ఆఫీసర్ కేటగిరీ 3 టీసీడీ- 1 పోస్టులున్నాయి. (ప్రతీకాత్మక చిత్రం)

4. విద్యార్హతల వివరాలు చూస్తే కేటగిరీ 1 పోస్టుకు ఎలక్ట్రానిక్స్ కమ్యూనికేషన్‌లో ఇంజనీరింగ్ డిగ్రీ ఫస్ట్ క్లాస్‌లో, కేటగిరీ 2 పోస్టుకు కంప్యూటర్ సైన్స్, ఇన్ఫర్మేషన్ టెక్నాలజీలో ఇంజనీరింగ్ డిగ్రీ ఫస్ట్ క్లాస్‌లో, కేటగిరీ 3 పోస్టుకు ఎలక్ట్రానిక్స్ అండ్ కమ్యూనికేషన్, కంప్యూటర్ సైన్స్‌లో ఇంజనీరింగ్ డిగ్రీ ఫస్ట్ క్లాస్‌లో పాస్ కావాలి. (ప్రతీకాత్మక చిత్రం)

5. అభ్యర్థుల వయస్సు 30 ఏళ్ల లోపు ఉండాలి. మెరిట్ ఆధారంగా 1:5 పద్ధతిలో ఎంపిక చేస్తారు. వర్చువల్ ఇంటర్వ్యూ నిర్వహిస్తారు. ఎంపికైనవారికి నెలకు రూ.23,000 వేతనం లభిస్తుంది. (ప్రతీకాత్మక చిత్రం)

6. ఈ పోస్టులకు దరఖాస్తు చేయడానికి అభ్యర్థులు ముందుగా http://www.ecil.co.in/ వెబ్‌సైట్ ఓపెన్ చేయాలి. హోమ్ పేజీలో కెరీర్స్ సెక్షన్‌లో e‐Recruitment పైన క్లిక్ చేయాలి. కొత్త పేజీ ఓపెన్ అవుతుంది. (ప్రతీకాత్మక చిత్రం)

7. అందులో Click here for details of Technical Officer on Contract positions against Advt. No. 27/2021 పైన క్లిక్ చేయాలి. తర్వాతి పేజీలో Apply for various Contract Posts పైన క్లిక్ చేయాలి. (ప్రతీకాత్మక చిత్రం)

8. కొత్త పేజీ ఓపెన్ అవుతుంది. అందులో మీరు అప్లై చేయాలనుకుంటున్న పోస్టు సెలెక్ట్ చేయాలి. అభ్యర్థి వివరాలన్నీ ఎంటర్ చేయాలి. దరఖాస్తు ఫామ్ పూర్తి చేసిన తర్వాత ప్రింట్ తీసుకొని భద్రపర్చుకోవాలి. (ప్రతీకాత్మక చిత్రం)