Andhra Pradesh Jobs: ఏపీలోని ఆ జిల్లాలో వాలంటీర్ ఉద్యోగాలు.. ఇలా అప్లై చేసుకోండి

ఇటీవల ఏపీలోని పలు జిల్లాల్లో ఖాళీగా ఉన్న వాలంటీర్ పోస్టుల భర్తీకి ఆయా జిల్లాల అధికారులు వరుసగా నోటిఫికేషన్లను విడుదల చేస్తున్నారు. తాజగా తూర్పు గోదావరి జిల్లాలో 146 గ్రామ/వార్డు వాలంటీర్ పోస్టుల భర్తీకి ప్రకటన విడుదలైంది.(ప్రతీకాత్మక చిత్రం)

అర్హత, ఆసక్తి కలిగిన అభ్యర్థులు ఆయా ఉద్యోగాలకు ఆన్ లైన్ విధానంలో అప్లై చేసుకోవాలని అధికారులు పేర్కొన్నారు. అప్లికేషన్ల ప్రక్రియ ఈ నెల 22న ప్రారంభమైంది. కాగా.. ఈ నెల 26ను అప్లికేషన్లకు ఆఖరి తేదీగా నిర్ణయించారు. అభ్యర్థులు ఆ తేదీలోగా అప్లై చేసుకోవాలని సూచించారు.(ప్రతీకాత్మక చిత్రం)

ఖాళీలు, విద్యార్హతల వివరాలు: ప్రస్తుతం జిల్లాలో ఖాళీగా ఉన్న 146 వాలంటీర్ ఖాళీలను భర్తీ చేస్తున్నట్లు అధికారులు ప్రకటనలో పేర్కొన్నారు. ఈ ఉద్యోగాలకు అప్లై చేయాలనుకుంటున్న అభ్యర్థులు తప్పనిసరిగా పదో తరగతి పాసై ఉండాలి.(ప్రతీకాత్మక చిత్రం)

దీంతో పాటు ప్రభుత్వ పథకాలు, చేపడుతున్న సంక్షేమ కార్యక్రమాలపై అవగాహన కలిగి ఉండాలి. ఇంకా వయస్సు విషయానికి వస్తే ఈ వాలంటీర్ ఉద్యోగాలకు అప్లై చేసుకునేవారి కనీస వయస్సు 18 ఏళ్లు ఉండాలి. గరిష్ట వయస్సు 35 ఏళ్లు ఉండాలి.(ప్రతీకాత్మక చిత్రం)

దరఖాస్తు, ఎంపిక విధానం: అర్హత, ఆసక్తి కలిగిన అభ్యర్థులు ఈ నెల 26లోగా ఆన్ లైన్లో అప్లై చేయాల్సి ఉంటుంది. అభ్యర్థులు అధికారిక వెబ్ సైట్ gswsvolunteer.apcfss.in వెబ్ సైట్లో అప్లై చేసుకోవాల్సి ఉంటుంది.(ప్రతీకాత్మక చిత్రం)

ఎంపిక చేసుకున్న అభ్యర్థులకు ఇంటర్వ్యూ నిర్వహించి ఎంపిక చేస్తారు. ప్రభుత్వ పథకాలపై అభ్యర్థులకు ఉన్న అవగాహన, అనుభవం, నాయకత్వ లక్షణాలు, ఇతర నైపుణ్యాలకు ఒక్కో దానికి 25 చొప్పున కేటాయించి జిల్లా సెలక్షన్ కమిటీ అభ్యర్థులను ఎంపిక చేస్తుంది.(ప్రతీకాత్మక చిత్రం)