Coronavirus: చేజేతులా చేసుకున్న జనం.. చైనాలో కోవిడ్ కల్లోలానికి కారణమిదే..ఇప్పుడు అందరికీ ముప్పు

చైనాలో కరోనా వ్యాప్తి అల్లకల్లోలం సృష్టిస్తోంది. ఒమిక్రాన్ సబ్ వేరియెంట్ బీఎఫ్7తో కోవిడ్ కేసులు ర్యాపిడ్‌గా పెరుగుతున్నాయి. ఊహించని స్థాయిలో కొత్త కేసులు నమోదవుతున్నాయి. బాధితులతో ఆస్పత్రులు కిక్కిరిసిపోతున్నాయి. కనీసం మందులు కూడా దొరకడం లేదు. (ప్రతీకాత్మక చిత్రం)

చైనాలో కేసులు పెరగడంతో ఇతర దేశాల్లోనూ ఆ ప్రభావం కనిపిస్తోంది. చైనా నుంచి వచ్చిన వారితో అంతటా కోవిడ్ కేసులు పెరుగుతున్నాయి. జపాన్, అమెరికా వంటి దేశాల్లో కరోనా వ్యాప్తి మళ్లీ ఆందోళన కలిగిస్తోంది. ఈ క్రమంలోనే అందరూ కోవిడ్ ఆంక్షలను కఠిన తరం చేస్తున్నారు?(ప్రతీకాత్మక చిత్రం)

మరి చైనాలో ఈ పరిస్థితికి కారణం ఏంటో తెలుసా..? ప్రజలే చేజేతులా చేసుకున్నారు. వాస్తవానికి నవంబరు 30 వరకు చైనా ప్రభుత్వం చాలా కఠినంగా కోవిడ నిబంధనలను అమలుచేసింది. జీరో కోవిడ్ పాలిసీతో కరోనా ఎక్కడికక్కడ కట్టడి చేస్తూ వచ్చింది.(ప్రతీకాత్మక చిత్రం)

ఏదైనా కాలనీ లేదా అపార్ట్‌మెంట్ ఎవరికైనా కరోనా వస్తే.. బాధితుడిని క్వారంటైన్ చేసి...ఆ ఏరియాలో లాక్‌డౌన్ అమలుచేసే వారు. ఐతే ప్రభుత్వం కఠిన నిబంధనలను వ్యతిరేకిస్తూ.. అక్కడి ప్రజలు ఆందోళనలు చేశారు. ప్రపంచంలో ఎక్కడా లేనిది ఇక్కడే ఎందుకింత రూల్స్? అంటూ రోడ్డెక్కారు.(ప్రతీకాత్మక చిత్రం)

ప్రజలు పెద్ద ఎత్తున ఆందోళనలు చేయడంతో.. చైనా ప్రభుత్వం దిగొచ్చింది. డిసెంబరు 1 నుంచి నిబంధనలను సడలించింది. కేసుల ట్రేసింగ్‌ను నిలిపివేసింది. ఆ తర్వాత జనం విచ్చల విడిగా రోడ్ల మీదకు రావడంతో కరోనా ఒక్కసారిగా విజృంభించింది. దీనికి తోడు చైనాలో అతి పెద్ద వేడుకగా భావించే.. ల్యూనార్ న్యూ ఇయర్ కూడా వచ్చేస్తోంది.(ప్రతీకాత్మక చిత్రం)

ప్రస్తుతం కోవిడ్ కేసులు భారీగా పెరగడంతో.. అక్కడి ప్రభుత్వం కూడా చేతులెత్తేసింది. అందువల్లే కరోనా వ్యాప్తి భయంకరంగా పెరిగింది. ఐతే అక్కడి వాస్తవాల పరిస్థితులను చైనా ప్రభుత్వ దాచిపెడుతోందని అంతర్జాతీయ మీడియా సంస్థలు చెబుతున్నాయి. చైనా ఆస్పత్రులు, శ్మశాన వాటికల వద్ద దారుణ పరిస్థితులు ఉన్నాయని వార్తలు వస్తున్నాయి.(ప్రతీకాత్మక చిత్రం)

చైనాలో ప్రస్తుతం రోజుకు 3వేల కేసులే వస్తున్నాయని ప్రభుత్వ అధికారిక లెక్కలు చెబుతున్నాయి. కానీ అవన్నీ తప్పుడు గణాంకాలని.. రోజుకు లక్షకి పైగా కేసులు వస్తున్నాయని తెలుస్తోంది. రాబోయే రోజుల్లో రోజుకు 10 లక్షలు కేసులు, 5వేల మరణాలు నమోదవుతాయన్న అంచనాలున్నాయి.(ప్రతీకాత్మక చిత్రం)

జనవరి నెలలో గరిష్టంగా రోజుకు 37 లక్షల కోవిడ్ కేసులు వచ్చే అవకాశముందని ఎయిర్‌ఫినిటీ సంస్థ అంచనా వేస్తోంది. మార్చిలో పీక్ దశకు చేరుకుంటుందని.. అప్పుడు రోజుకు 40 లక్షలకు పైగా కరోనా కేసులు రావచ్చని చెబుతోంది. మరణాలు కూడా భారీ స్థాయిలోనే ఉండవచ్చని తెలిపింది.(ప్రతీకాత్మక చిత్రం)