China : పిల్లల్ని కనమని వేడుకుంటున్న చైనా.. ఎందుకో గ్రాఫిక్స్‌లో తెలుసుకోండి

China Population : జనాభా అనేది.. రెండువైపులా పదునున్న అస్త్రం లాంటింది. ఏ దేశానికైనా జనాభాయే ప్లస్, మైనస్ అవ్వగలవు. ప్రస్తుతం ఇండియాకి యువ జనాభా ప్లస్ అయితే.. ఓవరాల్‌గా అధిక జనాభా మైనస్ అవుతోంది. అటు చైనాకి ఓవరాల్‌గా అధిక జనాభా మైనస్ అవ్వడమే కాదు.. ముసలివారి సంఖ్య పెరిగిపోవడం, యువత సంఖ్య తగ్గిపోవడం పెను సమస్య అవుతోంది. దీనిపై పూర్తి వివరాల్ని గ్రాఫిక్స్‌లో తెలుసుకుందాం.

ఆరు దశాబ్దాల్లో తొలిసారిగా చైనా జనాభాలో తగ్గుదల కనిపించింది. 2021 నుంచి వార్షిక తగ్గుదల 1.1 శాతంగా ఉంది. ఇక జనాభా మరింత తగ్గడం ఖాయంగా కనిపిస్తోంది.

2021లో చైనా జనాభా 141.260 కోట్లు. 2022లో చైనా జనాభా 141.175 కోట్లు. 8.5 లక్షల మంది తగ్గారు.

1960లో చైనా జనాభా కోటి మంది కాగా... 1961 నాటికి జనాభా సంఖ్య 34 లక్షలకు పడిపోయింది. అందుకు పేదరికం, వలసలు, యుద్ధం ఇలా చాలా కారణాలు ఉన్నాయి.

1960 తర్వాత మళ్లీ ఈమధ్య కొన్నేళ్లుగా చైనాలో పుట్టే పిల్లల సంఖ్య తగ్గుతూ వస్తోంది.

2022లో చైనాలో పుట్టిన వారి కంటే చనిపోయిన వారి సంఖ్య ఎక్కువగా నమోదైంది. 95.6 లక్షల మంది పుట్టగా.. 1.041 కోట్ల మంది చనిపోయారు.

1949 నుంచి 1980 మధ్య చైనా జనాభా భారీగా పెరిగింది. అదనంగా 42.9 కోట్ల మంది పెరిగారు. 1980లో కుటుంబానికి ఒక్క బిడ్డే ముద్దు లేదా అసలు వద్దు అనే రూల్ తెచ్చారు. దాంతో జనాభా పెరుగుదలలో వేగం తగ్గింది.

ఇప్పుడు చైనాలో ముసలివారి సంఖ్య పెరుగుతుంటే.. పుట్టే పిల్లల సంఖ్య తగ్గుతోంది. 2035 నాటికి చైనాలో 40 కోట్ల మంది.. 60 ఏళ్లు దాటిన వారు ఉంటారని అంచనా. మొత్తం జనాభాలో వీరు 33 శాతం ఉంటారని అంచనా.

1982లో వన్ చైల్డ్ పాలసీని అధికారికంగా రాజ్యాంగంలో రాయడంతో దీన్ని కఠినంగా అమలు చేశారు. ఐతే.. 2015లో దీన్ని తొలగించి.. ఇద్దరు ముద్దు అనే నినాదం తెచ్చారు. 2021 తర్వాత ఒక్కో కుటుంబం ముగ్గురు పిల్లల్ని కనవచ్చు అని చెబుతున్నారు. ఇలా చైనా పాలకుల అతి నిర్ణయాలు ఆ దేశానికి సమస్యగా మారాయి.

1990 నుంచి చైనాలో దంపతులకు పిల్లలు పుట్టే అవకాశాలు తక్కుతున్నాయి. అందువల్ల కందామన్నా కొంతమందికి పిల్లలు పుట్టట్లేదు. ఇప్పుడు కనమని ప్రభుత్వం ప్రోత్సహిస్తున్నా.. పిల్లల సంఖ్య పెరగట్లేదు.

పిల్లల సంఖ్య పెంచడానికి చైనా కొన్ని వెసులుబాట్లు కల్పిస్తున్నా.. ఫలితం దక్కట్లేదు. షెన్‌జెన్‌లో మూడో బిడ్డ పుడితే.. మూడేళ్లు వచ్చేలోపు ప్రభుత్వం 19000 యువాన్లు (రూ.1580) ఇస్తుంది. జినాన్‌లో రెండో లేదా మూడో బిడ్డను కనే తల్లులకు.. నెలకు 600 యువాన్లు (రూ.50) చొప్పున .. బిడ్డకు మూడేళ్లు వచ్చేవరకూ పొందుతారు.

యిచాంగ్‌లో రెండో, మూడో బిడ్డను కనే పేరెంట్స్. నెలకు 500 యువాన్లు (రూ.41) చొప్పున .. బిడ్డకు మూడేళ్లు వచ్చేవరకూ పొందగలరు. అలాగే పాంజీహ్వాలో కూడా ఒక బిడ్డ కంటే ఎక్కువ మందిని కనే కుటుంబాలకు నెలకు 500 యువాన్లు (రూ.41) చొప్పున మూడేళ్లపాటూ ఇస్తున్నారు. ఇంకా ఎన్నో చేస్తున్నా.. పిల్లల సంఖ్య పెరగట్లేదు.

2023లో భారత్.. చైనాను దాటేసి.. ప్రపంచంలో అత్యధిక జనాభా కలిగిన దేశంగా అవతరించిందని అంచనా. ఇది అధికారికంగా ఇంకా నిర్ధారించలేదు. 1990లో చైనా జనాభా 114 కోట్లకు పైగా ఉండగా.. భారత్ జనాభా 86 కోట్లుగా ఉంది. 2022లో చైనా పాపులేషన్ 142.6 కోట్లు ఉండగా.. భారత్ జనాభా 141.2 కోట్లుగా ఉంది. 2050 నాటికి చైనా జనాభా 131.7 కోట్లు ఉంటే.. భారత్ జనాభా 166.8 కోట్లు ఉంటుందని అంచనా.